Hôp tơno tơdroăng kal ai tơdroăng ki veăng dêi lối 310 kăn teăng mâ cho ngế ai hnoăng tơnêi têa ƀă nhŏng o mô đô̆i hlâ tung tơplâ xâ troh ing 34 kong pơlê, pơlê kong kân tung tơnêi têa. A hôp tơno tơdroăng kal, Ngế pro xiâm hnê ngăn tơnêi têa rơtế mâu kăn pơkuâ Đảng, Tơnêi têa diâp kơxuô tơmeăm pâ mơnê mâu Jâ Nôu Việt Nam Khên tơnôu, diâp tơmeăm tơbâ ăm nhŏng o mô đô̆i ki hlâ tung tơplâ xâ ƀă mơhnhôk tơdroăng ‘’Pâ mơnê mơngế ai hnoăng’’.

Xông tơpui a rôh hôp, pôa Lê Minh Hưng, Ngế pro xiâm hnê ngăn tơnêi têa tối rơdêi hnoăng rak, pâ vế mâu tơdroăng châ tơƀrê ing tơdroăng ki pleăng kân kĭn dêi mâu rơxông prôk hdrối; pơkâ pơtối kêi đeăng troăng hơlâ kơjo mơngế ai hnoăng, mơdêk ti tăng chiâ rôu, tơkŭm, mơnhên inâi kơxêng kiâ mô đô̆i, tŏng gum lĕm tro tâ tơdroăng rêh ối mâu rơpŏng ai hnoăng tơnêi têa ƀă thăm hnê hriâm tơdroăng pâ nhuô̆m tơnêi têa ăm rơxông ối nếo.

Tơdrêng amê, Ngế pro xiâm hnê ngăn tơnêi têa kơbông krếo tâi tâng pơlê pơla môi tuăn pêi pro tơdroăng pêi pro rơdêi tơdroăng tŏng gum mơngế ai hnoăng ƀă kăch măng, tơmiât troh leh tơbâ 80 hơnăm Hâi mô đô̆i rong râ – Hlâ hiá.