A mâu tíu troh pôu, teăng mâ kăn pơkuâ Đảng, Tơnêi têa, Đăi tươ̆ng Phan Văn Giang hiăng kơ-êng ivá, tơdroăng rêh ối dêi mâu rơpŏng; mơhno hiâm mơno pâ mơnê kơ mâu ivá pleăng hlâ rêh dêi mâu mố đô̆i tro rong, mố đô̆i châi tamo, mố đô̆i ki hiăng hlâ ƀă ngế ki ai hnoăng tung tơdroăng tơplâ tơleăng lĕm hdrông mơngế, rak vế Tơnêi têa.

Đăi tươ̆ng rơhêng vâ mâu rơpŏng pơtối mơnhông khôi hmâ kăch măng, hnê hriâm ăm mâu rơxông hơnăm ối nếo ƀă kơhnâ veăng gum mơjiâng pơlê cheăm, tơnêi têa.