Nôkố mâu tơmeăm khoăng xua dêi hngêi trung phôh thong ai tíu kâ koi ối pơtê pơtối râ a mâu cheăm Buôn Đôn, Ia Rvê, Ia Lốp ƀă Ea Rốk dêi kong pơlê Dak Lak hiăng pro klêi 83% troh lối 90% tơdroăng cheăng pêi rôh má 1.

Mâu tíu pêi cheăng mơjiâng pro hên chôu ôh tá pơtê, tơrŭm ƀă mâu khu xiâm pơkuâ ngăn lêng thâ pê klêi hnoăng cheăng ki u ối, krâ ’măn tơmeăm, pê klêi tơmeăm kih thuât ƀă ‘mâi rơnêu tíu ối, tơniăn pơcháu tro hâi khế. Hơnăm 2026-2027, mâu hngêi trung tối hbrâ tơdah lối 4.700 ngế hok tro, ki hên to hok tro kuăn ngo ối a mâu kơpong ki xơpá.