Tơmiât troh leh tơbâ 79 hơnăm Hâi mô đô̆i Rong râ – Hlâ hía (27/7), kơxo lơ 23/7, a Hà Nội, Khu xiâm Pêi cheăng – Mô đô̆i châi rong ƀă Pơlê pơla pơkuâ, tơrŭm ƀă mâu kơ koan ki tơdjâk ki kal tơkŭm po Hôp tơno tơdroăng kal kheăn kơdeăn mơngế ai hnoăng ƀă kăch măng lâp tơnêi têa hơnăm 2026.

Lối 300 kăn teăng mâ ngế ai hnoăng ki kơhnâ rơkê teăng mâ ăm rơtuh ngế rong râ, châi rong, nhŏng o mơngế mô đô̆i ki hlâ tung tơplâ xâ ƀă ngế ai hnoăng tung lâp lu Tơnêi têa veăng hôp tơno tơdroăng kal.

Kố cho mâu um méa ki eăng ‘na tơdroăng ki khŏm mơ-eăm, pơtối veăng gum hên ăm tơdroăng mơjiâng, mơnhông tơnêi têa ƀă gâk kring Tơnêi têa tung rơxông nếo. Hôp tơno tơdroăng kal cho rôh trâu hơngế vâ Đảng, Tơnêi têa ƀă kuăn pơlê mơhno ihiâm mơno pâ mơnê ƀă mâu tơdroăng ki pleăng kân dêi mâu ngế khên tơnôu hlâ tung tơplâ xâ nah, mô đô̆i châi rong.

Ing mê mơhno tơdroăng ki khŏm mơ-eăm pơtối pêi pro châ tơƀrê mâu troăng hơlâ pâ mơnê ƀă mâu rơpŏng ai hnoăng tơnêi têa.