Rôh kố, kong pơlê xo liăn ing hngêi rak liăn kong pơlê lối 21,5 rơtal liăn vâ ăm rôe 36.000 kơxu tơmeăm ăm mâu mố đô̆i tro rong, châi tamo, nhong o xiâm mơngế ai ngế hlâ ai hnoăng, Nôu Việt Nam Khên tơnôu, ngế lêng Khên tơ nôu tơplâ dêi Kuăn pơlê ƀă mơngế ai hnoăng kăch măng.  Tơdrêng amê, Kăn xiâm hnê ngăn tơnêi têa pơtroh tơmeăm hbru ăm lối 27.200 rơpŏng ai hnoăng tơnêi têa a Dak Lak ƀă tâi tâng kơxô̆ liăn lối 8,23 rơtal liăn, mơdêk kơxô̆ liăn tơmâng gum rôh kố vâ chê 30 rơtal liăn.

Nôkố, kong pơlê Dak Lak dế rak ngăn lối 128.000 hồ sơ vâ châ kâ liăn tŏng gum, tá lối 94..000 hồ sơ mơngế ai hnoăng ƀă nhŏng o xiâm ƀă dâng 34.000 hồ sơ mơngế ki ai hnoăng ki ê.