Kăn xiâm hnê ngăn Kuô̆k hô̆i tối nhên kố cho tơdroăng ki tro ai pơxúa kal kí, hdró ki pơ’lêh tuăn tơmiât sap rak ngăn troh pơkuâ ngăn kơphô̆ túa ki lĕm nôkố, pơ’lêh ing luât pơkâ mơnúa pêi troh pêi tro luât tơniăn ton hơnăm. Hlá mơ-éa chêh hiăng chêh tối tro tiô troăng ki kân dêi Khu xiâm kal kí. Kăn xiâm hnê ngăn Kuô̆k hô̆i pâ thế Pơlê kong kân Hồ Chí Minh xoăng klêi khu rak ngăn kơphô̆, xoăng râ pơkuâ cheăng amê rơtế ƀă séa ngăn hnoăng pơkuâ cheăng ƀă hlối pơkâ nhên tơdroăng cheăng pêi pro.

Pakĭng mê, pơlê kong kân kal tơmâng mơnhông pro tơmeăm khoăng môi tiah pơ’lêh pêi cheăng pro hlá mơ-éa tung măng, tíu xiâm pêi cheăng pơ’lêh hriăn plĕng ki nếo, kơdroh túa pro hlá mơ-éa ‘no liăn pro tơmeăm khoăng ƀă pơxâu phâk kơtăng mơngế ai xôi lối tơdroăng cheăng tơvâ tơvân pơla mâu luât dêi kơvâ cheăng. Kăn xiâm hnê ngăn Kuô̆k hô̆i ăm ‘nâi tơdroăng tơkêa luât tiô tối hdrối kô pơtroh Kuô̆k hô̆i ngăn, tơbleăng a rôh hôp ôh tá xê tiah hmâ la ngiâ.