Pôa Nguyễn Hoài Anh kot mâ hơnăm 1977, hiăng pêi cheăng châ 27 hơnăm, pêi hên tung mâu kơvâ cheăng kăn pơkuâ a Bình Thuận, Lâm Đồng ƀă sap ing khế 9/2025 troh nôkố cho kăn hnê ngăn kong pơlê Thanh Hóa.

Tơpui pơcháu hnoăng cheăng, Ngế pro xiâm hnê ngăn tơnêi têa pơkâ thế Khu xiâm ngăn Hdrông kuăn ngo ƀă tiô khôp tơkŭm tí tăng ‘nâi plĕng chêh pro klêi hlá mơ-éa, troăng hơlâ; klâ xoăng ‘mot tơkŭm kơ koan cheăng tơnêi têa ăm tơtro ƀă túa pơkâ kăn pơkuâ kong pơlê péa râ; tơbleăng pêi tơƀrê Tơdroăng pơkâ pêi dêi tơnêi têa pơla hơnăm 2026 – 2030; rak tơniăn hnoăng tiô khôp; ‘mâi mơnhông tíu tơrŭm tâi tâng hdrông kuăn ngo, rak vế tơniăn kơpong kuăn pơlê hdrông kuăn ngo ƀă tơdroăng tiô khôp, tơdrêng amê, hlối rĕng ăm tíu chêh ‘măn chư chêh tung internet troh ƀă hdrông kuăn ngo, tơdroăng tiô khôp ƀă pêi cheăng môi tuăn.