Kăn xiâm hnê ngăn Kuô̆k hô̆i tối rơdêi, Việt Nam ngăn nhuô̆m Nhuk cho kong têa tơrŭm cheăng tung la ngiâ kal xiâm, ton tá ah ƀă veăng tŏng gum hnoăng cheăng dêi LDP. Tơdrêng amê, hlối rơhêng vâ péa pâ tơrŭm krá tơniăn pro trâu hơngế tâ tơrŭm cheăng tung la ngiâ Tŭm têk, pêi pro pơhlêh mâu tơkêa khu râ kăn xiâm sap ing rôh pôu Việt Nam dêi jâ Takaichi Sanae, Ngế pro xiâm hnê ngăn kong têa Nhuk a khế 5/2026. Kuô̆k hô̆i Việt Nam tơhrâ pro tơ’lêi hlâu tơdroăng luât vâ tơbleăng pêi tơƀrê mâu tơdroăng tơkêa kố.

Pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế Đảng LDP tŏng gum tơkŭm po mâu Rôh po mơdĭng Việt Nam – Nhuk a tá péa tơnêi têa, xuân môi tiah a mâu rôh hôp tơdjêp kong pơlê môi tiah Rôh hôp kong pơlê Việt Nam – Nhuk rôh má péa a Huế a khế 9/2025 ƀă rôh tơkŭm po túa lĕm tro Việt Nam – Nhuk a mơ’nui khế 9/2026 a Cần Thơ.