Kong pơlê Dak Lak dế tơbleăng pêi tơdrêng hên tơdroăng vâ séa ngăn ƀă mơdât  pơreăng  tơngê lo mơheăm, drêng kơxô̆ mơngế  tơngê lo mơheăm tâk hên ƀă hiăng ai ngế hlâ. Troh nôkố, lâp tung kong pơlê Dak Lak tối ai lối 2.600 ngế tơngê lo mơheăm, ki hên rêm nhâi ai 30 - 100 ngế nếo tơngê.  

Tâi tâng cheăm, bêng xuân ai ngế tơngê, tung mê ki hên a bêng Buôn Ma Thuột, Mâu kơpong môi tiah Krông Păč, Čư̆ Mgar, Sơn Hoà, Tây Hòa ƀă Sông Hing. Môi ngế hiăng hlâ. Vi ƀan kuăn pơlê dêi kong pơlê Dak Lak hiăng pơtroh hlá mơ-éa hnê mơhno mâu cheăm bêng tơkŭm hnê kuăn pơlê kơdê kiâ ngu ngĕng, mơgrúa dêi hngêi trăng, troăng klông rêm khế; Hnê tối kuăn pơlê hlê.

Kơvâ ngăn pơkeăng xuân thế tơbleăng ăm khu chêh hlá tơbeăng hnê tối kuăn pơlê thế kơhnâ mơgrúa lĕm hngêi trăng, troăng klông, kơdê tri trô, ví pôi tá ăm tri trôu châ kâ ƀă tơdroăng pêi pro tơdrêng. Pakĭng mê, tối ăm tâi tâng khu séa ngăn, tí tăng ngăn, xôh pơkeăng a tíu ai hên ngế tơngê ƀă tơkŭm pơlât mơngế ki tơngê.