Lâm Đồng khăm ivá tê kơtê ăm vâ chê 3,9 rơtuh kuăn pơlê tung hơnăm 2026
Thứ ba, 08:29, 19/05/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Tung hơnăm 2026, Vi ƀan kong pơlê Lâm Đồng kô tơkŭm khăm ivá rêm hneăng, rah khăm tê kơtê ăm vâ chê 3,9 rơtuh ngế kuăn pơlê ƀă tâi tâng kơxô̆ liăn tiô tối hdrối lối 1.330 rơtal liăn ing liăn ngân tơnêi têa.
Tơdroăng châ pêi pro tiô Tơdroăng pơkâ dêi Khu xiâm kal kí ƀă Tơdroăng pơkâ dêi Ngế pro xiâm hnê ngăn Chin phuh, klâ chiâng péa roh. Roh má 1 tơkŭm po tung khế 4/2026, khăm tê kơtê ăm lối 1,9 rơtuh ngế, tơdâng vâ chê tơdế pơ’leăng mâ mơngế lâp kong pơlê. Roh má 2 pêi pro tung 6 khế mơ’nui hơnăm, pêi pro khăm ivá ăm tâi tâng kuăn pơlê ki tá hâi khăm.
Mâu khu ki kơjo cho vâi hdrêng, hok tro, sinh viên, mơngế hơnăm hiăng krâ, mơngế chó chêng tơvê kŏng, ngế ai hnoăng tơnêi têa, rơpŏng kơtiê, vâ chê kơtiê ƀă kuăn pơlê kơpong 3, kơpong tơkăng kong, kơpong cheăng kâ.
Viết bình luận