A rôh tơdah, Ngế pro xiâm hnê ngăn tơnêi têa tối nhên Đảng, Tơnêi têa ƀă kuăn pơlê Việt Nam đi đo ngăn nhuô̆m, rơhêng vâ ôh tá pơtê tơbêng ƀă mơdêk tơrŭm tơroâ khôi hmâ Việt Nam – Triều Tiên mơnhông ai pơxúa, tơƀrê. Ngế pro xiâm hnê ngăn tơnêi têa pơkâ thế péa pâ tơrŭm krá tơniăn tơbleăng pêi tơƀrê mâu tơdroăng ki hlê plĕng tơdjuôm ƀă tơkêa pêi châ tung mâu rôh lăm pôu dêi kăn pơkuâ péa tơnêi têa; rak vế pêi pro tơƀrê mâu troăng hơlâ tơrŭm cheăng dế ai nôkố, tung mê, ai Vi ƀan tơrŭm Chin phuh ‘na tơrŭm cheăng kâ, khoa hok – kih thuât.

Pakĭng mê, péa tơnêi têa kal mơdêk tơrŭm tung mâu kơvâ cheăng ki ai hlâu môi tiah pêi chiâk deăng, túa lĕm tro, tơ’noăng ivá, ôm hyô, hnê hriâm ƀă khăm pơlât, ing mê veăng ‘mâi mơnhông tơrŭm tơroâ ƀă po rơdâ tơrŭm cheăng pơla péa tung hneăng ki nếo.