Hâi lơ 21/5, pôa Trần Thanh Mẫn, Kăn xiâm hnê ngăn Kuô̆k hô̆i pêi cheăng ƀă Khu hnê mơhno má môi Hô̆i đong Hdroâng mơngế. Kăn xiâm hnê ngăn Kuô̆k hô̆i tối nhên, drêng pơkâ tơdroăng rế hía rế hên, Hô̆i đong Hdroâng mơngế kal pơhlêh troăng pêi cheăng nếo tiô troăng ki thâ, khoa hok, păng ‘nâng; rêm hnoăng cheăng thế ai hâi khế, tơmeăm inhên ƀă mơngế ki pôu râng hnoăng cheăng inhên. Kăn xiâm hnê ngăn Kuô̆k hô̆i pơkâ thế Hô̆i đong Hdroâng mơngế hbrâ ‘nâi tơdroăng, teăm tơbleăng tơdrêng ƀă Đảng, Tơnêi têa ‘na mâu tơdroăng ki tơdjâk kơpong kuăn pơlê hdroâng kuăn ngo ƀă kong ngo.

Tơdrêng amê, kal tơrŭm krá ƀă mâu kơ koan cheăng séa ngăn tơdroăng cheăng kâ – rêh ối pơlê pơla, gâk kring tơnêi têa, gâk kring a kơpong tơkăng kong, kơpong ki xiâm; thăm tơdjêp tíu pêi cheăng, hbrâ pơkâ troăng pêi pro krá tơrŭm tâi tâng hdroâng mơngế, rak krá tơniăn kal kí – rêh ối pơlê pơla.