Tối mơgêi hâi pêi cheăng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên 5 tơdroăng ki kân vâ pơtối mơnhông pro tơmeăm khoăng ƀă kơmăi kơmok tung la ngiâ, tung mê, kal mơnhên kơmăi kơmok pro tơmeăm cho kơvâ cheăng ƀă kơmăi xiâm troăng hơlâ tung mơ jiâng pro tơmeăm lĕm tiô túa nếo dêi tơnêi têa.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, mơ-eăm pơ‘lêh ing tơdroăng tăng mâu tơmeăm klêi mê hriĕn pro, pro xiâm cheăng ƀă kơmăi hlối mơdêk ki kơnía pơxúa tung tơnêi têa; mơdêk râ mâu kơvâ mơjiâng tơmeăm khoăng tiah hmâ ing nah tiô troăng lĕm tâ, krúa tâ nếo, xúa kŏng ngê̆ hôm tâ, châ liăn hên nếo; tơƀrê tâ ‘na xúa khoa hok - kŏng ngê̆, tro tiô pơkâ, mơnhên ngăn ƀă mơngế pêi cheăng rơkê; mơnhông khu mơdró Việt Nam ƀă mơjiâng kơchơ mơdró tung tơnêi têa ăm tơmeăm ki nếo, tơmeăm pro krúa lĕm, tơmeăm  mơjiâng pro lĕm, luât pơkâ tơrŭm kơvâ cheăng, mơdêk séa ngăn, tăng ngăn ƀă kring vế ki pơxúa dêi tơnêi têa tung tơrŭm ƀă lâp plâi tơnêi.