Sap hâi lơ 2/6, mâu cheăm, bêng, kơpong rơtế tơkŭm khăm ivá tiô rơnó hiăng pơkâ, khăm rah ngăn vâ ‘nâi mâu tơdroăng châ khăm tê kơtê ăm vâi hdrêng pá xôp 6 hơnăm; mơdêk hnê tối ăm kuăn pơlê veăng po ngăn tŭm tơdroăng chêh tung kơmăi tiô pơkâ. Mâu hngêi trung hriâm xuân hiăng tơrŭm ƀă hngêi pơkeăng kân, hngêi pơkeăng cheăm bêng tơkŭm khăm ivá ăm hok tro, veăng pêi tơdroăng pơkâ ai pơcháu.  

Vâ tơniăn tiô pơkâ, kong pơlê Lâm Đồng hiăng mơhno xing xoăng tơ’nôm 200 rơtal liăn vâ khăm tê kơtê ăm lối 3,24 rơtuh ngế kuăn pơlê tung hơnăm 2026. Tung mê, pơkâ troh tâi khế 6 cho khăm ăm vâ chê 1,26 rơtuh ngế; kơxô̆ ki u ối kô pê klêi hdrối hâi lơ 31/12/2026.