VOV4.Xơ Đăng - Pakĭng hnoăng cheăng rak vế krá rơdêi tíu tơkăng kong tơnêi têa, mâu ngế lêng gak tơkăng kong xuân cho khu lêng djâ troăng ahdrối rơtế ƀă khu kăn pơkuâ, kuăn pơlê tơbleăng tơdroăng mơjiâng thôn pơlê nếo a mâu cheăm tơkăng kong, veăng kum mơdêk tơdroăng rêh ối kuăn pơlê.

VOV4.Xơ Đăng - Cheăm Glar, cheăm kơpong kuăn pơlê hdroâng kuăn ngo Bơhnéa a tơring Đăk Đoa, kong pơlê Gia Lai hdrối nah cho môi kơpong tơnêi kơtiê xơpá. Mâu hơnăm achê kố, rơtế ƀă tơdroăng ki ‘no liăn cheăng dêi Đảng ƀă Tơnêi têa, kuăn pơlê a cheăm Glar hiăng mơ-eăm tơkâ luâ xơpá.

VOV4.Xơ Đăng - Tơdroăng Tơkêa bro ‘’Kơdôu mơ-eăm’’ dế châ tơbleăng pêi a pơlê kong krâm Ƀuôn Hồ, kong pơlê Dak Lak tơngah kô pơ’lêh tơdroăng cheăng kâ ăm rơpâu ngế vâi kơdrâi ki kơtiê a pơlê cheăm ing tơdroăng kơjo kum hnê túa păn mơnăn, păn tiô túa tơniăn ton.

VOV4.Xơ Đăng - Teăn hmôu cho tơdroăng cheăng pêi sap ing nah dêi mâu hdroâng kuăn ngo a Tây Nguyên. Tung pơla mơjiâng thôn pơlê nếo, mâu kăn ƀă khu râ kơvâ cheăng đi đo hnê mơhnhôk kuăn pơlê thế pơtối rak khôi túa lĕm tro ton nah dêi kuăn ngo.

VOV4.Xơ Đăng - Tung pêi chiâk deăng, pê lo tơmeăm dêi Việt Nam hiăng ai tíu tê troh a kong têa ê ki tro pơrah má môi, po rơdâ mâu túa cheăng mê kô kum ăm kơvâ pêi chiâk deăng Việt Nam mơnhông mơdêk krá ton, tơniăn tơmeăm pê lo, rak vế hyôh kong prâi ƀă mơnhông cheăng kâ tung lâp mâu kong pơlê cheăm a thôn pơlê nếo.

VOV4.Xơ Đăng - Cho ngế kơhnâ vâ khât tung hnoăng cheăng, achê kuăn pơlê, achê ƀă pơlê cheăm, tung mâu hơnăm hdrối nah, Thiếu tă Lê Nguyễn Hiếu Thảo - Kăn kŏng an cheăm Quảng Điền, tơring Krông Ana, kong pơlê Dak Lak châ râ kơpêng, vâi pú ƀă kuăn pơlê nhoăm loi, khê̆n kơdeăn.

VOV4.Xơ Đăng - Lối 35 hơnăm lo ing pơlê xiâm Cao Bằng troh kơpong tơnêi Tây Nguyên pêi cheăng kâ rêh ối, mơngế Nùng ối a pơlê Quảng Hòa, cheăm Ea Tam, tơring Krông Năng, kong pơlê Dak Lak hiăng ai tơdroăng rêh ối tơniăn, tơƀrê tâ. A kơpong pơlê nếo, kuăn pơlê xuân ối rak hên khôi túa lĕm tro roh ton nah ƀă mâu hngêi trá xŏn ton nah.

VOV4.Xơ Đăng - Kơxo hâi lơ 17/2, Khu xiâm ngăn ‘na chiâk deăng ƀă mơnhông thôn pơlê tơkŭm po roh hop lâp tơnêi têa ‘na Ƀơrô pơkâ hnoăng cheăng mơjiâng thôn pơlê nếo rêm râ hnăm 2023.

VOV4.Xơ Đăng - Pro tơ’lêi hlá mơ-éa, djâ liăn ăm mung troh a pơlê, mê cho túa ki kong pơlê Dak Lak dế pêi pro kum kuăn pơlê tơ’lêi châ mung liăn vâ pêi cheăng, vâ kơdroh kơklêa xăm kơtiê krá tơniăn, mơnhông cheăng kâ rêh ối ƀă vâ pôi tá ai tơdroăng kuăn pơlê mung liăn ki tơvêh laih hên.

VOV4.Xơ Đăng - Ƀă hnoăng cheăng djâ troăng a hdrối dêi hơnăm ối nếo, tơdroăng cheăng pêi hiăng châ tơbleăng troh vâi krâ - nhŏng o a mâu thôn pơlê dêi Dak Lak. Kố cho mâu tơdroăng ki hdró pêi rơkê dêi rơxông ối nếo, veăng rơtế ƀă pơlê cheăm tơring mơdêk rêh ối, pêi cheăng vâ mâu kơpong xơpá, hơngế hơngo châ plah thôn pơlê nếo.