Ing mê, rêm tơring, pơlê kong kơdrâm dêi kong pơlê Rah 1 to cheăm, bêng, pơlê kân lơ thôn, pơlê, tôh kơphô̆ vâ mơnúa pêi pro. Tơdroăng pêi  cho mơ-eăm pêi tro tiô mâu pơkâ ‘na cheăng kâ - rêh ối pơlê pơla; Tơbleăng tơdroăng mơnhông cheăng kâ, po rơdâ klâng, mơnhông pê lo tơmeăm OCOP; Mơjiâng nếo, ‘mâi rơnêu pro troăng prôk, pro troăng cho mơ’no têa, pro hngêi kuăn pơlê tơkŭm hôp, kơpong pơtâp  tơ’noăng ivá...

Hơnăm 2025, kong pơlê Kon Tum pơkâ mơdêk pê lo châ lối 10%, xo liăn ngân tung kong pơlê nâp ăm tơnêi têa châ 5.000 rơtal liăn tơngi klêng; po rơdâ tơ’nôm 2.000 ha kơdrum; xut tah 100% hngêi pơtân, hngêi xi kơchoh; ai tơ’nôm 7 to cheăm châ mơnhên tối thôn pơlê nếo 200 to thôn, pơlê  nếo a kơpong hdroâng kuăn ngo...