VOV.Xơ Đăng - Rơnó pơtê hriâm ôh ti xê cho rôh ki ối pơtê klêi môi hơnăm hriâm, mê ối cho rôh vâ vâi hdrêng châ xah hêi, hriâm pât ƀă tăng ‘nâi mâu tơdroăng ki tâ tá. A Dak Lak, hên tơdroăng ki hriâm pât ai pơxúa, tíu xah hêi tơniăn hiăng châ tơbleăng, ăm vâi o ai môi rơnó pơtê hriâm ai pơxúa khât.

VOV.Xơ Đăng - Rơnó pơtê hriâm ôh ti xê cho rôh ki ối pơtê klêi môi hơnăm hriâm, mê ối cho rôh vâ vâi hdrêng châ xah hêi, hriâm pât ƀă tăng ‘nâi mâu tơdroăng ki tâ tá. A Dak Lak, hên tơdroăng ki hriâm pât ai pơxúa, tíu xah hêi tơniăn hiăng châ tơbleăng, ăm vâi o ai môi rơnó pơtê hriâm ai pơxúa khât.

VOV.Xơ Đăng - Kâu lak ƀô̆ teăn prế pơlê Phung (cheăm Biển Hồ, pơlê kong kơdrâm Pleiku, kong pơlê Gia Lai) châ mơjiâng vâ chê 3 hơnăm kố. Kố cho tíu rak vế ki lĕm tro khôi hmâ, mơnhông cheăng teăn prế khôi hmâ dêi mơngế Jarai ƀă veăng gum pro ai cheăng pêi ƀă pêi lo liăn ăm vâi kơdrâi hdroâng kuăn ngo Jarai a pơlê Phung.

VOV.Xơ Đăng – Kong pơlê Gia Lai dế mơeăm mơnhông pêt priât tiô troăng xúa kơmăi kơmok rơxông nếo, vâ mơdêk ki kơnía ƀă mơjiâng priât chiâng tơmeăm pêi lo ing chiâk deăng tê ngi kong têa ki kal. Kố cho hvêa prôk ki kal tung vêh pơkâ pêi chiâk deăng, gum mơjiâng thôn pơlê nếo tiô troăng rơkê plĕng.

VOV.Xơ Đăng - Hriâm tâp ƀă pêi tiô Pôa Hồ kuăn pơlê hdroâng Thái a pơlê Co Phung, cheăm Hua La, pơlê kong kơdrâm Sơn La, kong pơlê Sơn La hiăng mơjiâng pro hên túa cheăng kâ tơƀrê, veăng gum mơjiâng pơlê cheăm kơpong kong a ‘ngêi kro lĕm, rơkê.

VOV.Xơ Đăng - Cheăm Čư Suê, tơring Čư Mgar, kong pơlê Dak Lak nôkố ai lối 220 ngế đảng viên, tung mê ai 71 ngế cho đảng viên hdroâng kuăn ngo. Tung kơxô̆ mâu chi ƀô̆ a kơpong kuăn pơlê hdroâng kuăn ngo, ai péa ngế kơdrâi pro kăn pơkuâ hnê ngăn cheăng Đảng mơngế Rơđế cho nâ H’Đàn Niê ƀă H’Đao Êban. Vâi cho mâu ngế kơdrâi châ loi tơngah xua ai ivá, pêi cheăng tá hiâm mơno, pôu râng hnoăng cheăng ƀă ai hiâm mơno djâ troăng ahdrối tung rêm tơdroăng cheăng. ‘’Rơkê tơdroăng cheăng hngêi, tơniăn tơdroăng cheăng cheăm’’, vâi cho mâu ngế veăng kum hên rak, mơnhông khôi túa lĕm hdroâng vâi krâ nah dêi hdroâng kuăn ngo, mơnhông cheăng kâ - rêh ối pơlê pơla a cheăm.

VOV.Xơ Đăng – Tung mơjiâng thôn pơlê nếo, tơdroăng rak vế ƀă mơnhông túa lĕm tro hdroâng kuăn ngo đi đo châ kong pơlê Gia Lai malối châ tơmâng ngăn. A pơlê O Ngol, cheăm Ia Vê, tơring Čư̆ Prông, idrâp chêng koăng, rơkong hơdruê ƀă mâu tơdroăng mơdĭng khôi hmâ xuân ối châ rak vế ƀă tơdjâk troh tung pơlê pơla. Ƀă tơdroăng tơdjuôm ivá dêi krâ pơlê, ngê̆ nhân ƀă mâu rơxông ối nếo, mâu tơdroăng ki kơnía ‘na túa lĕm tro khôi hmâ châ rak vế la ƀă tơdroăng rơtế mơnhông, veăng gum mơjiâng thôn pơlê rế hía rế kro mơdrŏng, rơkê plĕng ƀă to tơdroăng lĕm tro hdroâng kuăn ngo.

VOV.Xơ Đăng - Ngoh Kpuih HMin (kuăn ngo Jarai) ối a pơlê Anh, cheăm Ia Bang, tơring Chư Prông, kong pơlê Gia Lai - cho môi tung 6 ngế pêi cheăng kơhnâ rơkê, châ teăng mâ ăm mâu rơxông nếo Gia Lai veăng lăm Hôp Hneăng hôp kân Droh rơtăm kơhnâ rơkê pêi pro tiô rơkong Pôa hnê tung lâp tơnêi têa rôh má 8, hơnăm 2025 kô nah a pơlê kong kân Hồ Chí Minh. Cho kŏng ngân Kŏng ti pêi cheăng tiô rơnó Môi tung khu Kơxu Chư Prông (kong pơlê Gia Lai) hiăng mơ-eăm pêi cheăng vâ châ pro Kăn pơkuâ hnê ngăn Chi đoân kơhnâ, kŏng nhân rơkê ƀă cho ngế ki djâ troăng a hdrối dêi mâu hơnăm ối nếo kuăn ngo hriâm ƀă pêi pro tiô rơkong hnê dêi Pôa. Kố cho ngế Rơtăm kuăn ngo a thôn pơlê ki tơxâng khĕn kơdeăn.

VOV.Xơ Đăng - Kong pơlê Gia Lai dế mơdêk rơdêi tơdroăng pêi pro tiô pơkâ kơxô̆ 12 dêi Khu kăn pơkuâ hnê ngăn Đảng kong pơlê ‘na mơjiâng  thôn pơlê nếo tung kơpong kuăn ngo.

VOV.XơĐăng - Mâu tơmeăm ối tung Tơdroăng Tơnêi têa rêm to cheăm môi tơmeăm OCOP pơla hdrối nah dế chiâng ngế ki tơdjêp dêi mâu kong pơlê. Klêi lối 6 hơnăm pêi pro, dâi lĕm dêi tơmeăm OCOP châ mơdêk ƀă pơhlêh, sap ing xúa khoa hok kong ngê̆ troh tơdrong tâ tơmeăm. Mâu tơmeăm OCOP châ tê lâp lu kơchơ tê mơdró tung tơnêi têa, châ ngế ki roê loi, hâk vâ rah roê.