VOV4.Xơ Đăng -  Tơdroăng mơjiâng thôn pơlê nếo dế pêi pro hlo tơ ƀrê a kong pơlê Dak Nông, ngiâ méa thôn pơlê rế xông tơƀrê tâ.

20 hơnăm hdrối, mâu kong pơlê a kơpong Tây Nguyên rơtế pêi tơdroăng Pơkâ 132/2002/QĐ-TTg ‘na ăm tơnêi ối, tơnêi pê kâ ăm mâu rơpŏng kuăn pơlê hdroâng kuăn ngo a kố. A tơring Ea Kar, kong pơlê Dak Lak ai ƀăng klâng rơdâ 250 ha hiăng ăm vâ chê 450 rơpŏng kuăn pơlê tiô pơkâ ki mê. Sap ing mê, ƀăng klâng mê hiăng pro pơxúa ăm tơdroăng rêh ối dêi kuăn pơlê.

VOV4.Xơ Đăng - Rêm pơlê dêi Việt Nam đi đo ai rak vế ki kơnía git ‘na khôi túa, vêa vong lĕm tro, mâu tơdroăng ki kơnía-ki xiâm vâ mơjiâng tơdroăng krá tơniăn ton, cho mơhúa dêi rêm pơlê cheăm mơngế Việt Nam. Chôu phut kố, tung mơnhông mơjiâng thôn pơlê nếo, kal ai rak tơdâng tơdroăng roh ton nah ƀă chal nếo, pơla ki ton ƀă ki nếo, mâu tơdroăng mơhno túa lĕm tro hiăng châ rơpâu rơxông dêi kuăn pơlê a thôn pơlê đi đo cho tơmeăm ki kơnía vâ mơjiâng chiâng mâu pơlê cheăm hơ’lêh nếo nôkố.

VOV4.Xơ Đăng - Hdrối nah hiăng ối tung inâi 62 tơring kơtiê dêi lâp tơnêi têa, tơring kơpong hơngế hơngo, kơpong hdroâng kuăn ngo Dam Rông dêi kong pơlê Lâm Đồng nôkố hiăng ai hên tơdroăng ki hơ’lêh. Ti xê to rơpŏng kơtiê hiăng chu kơdroh, tơdroăng pêi cheăng kâ, rêh ối pơlê pơla hiăng châ mơnhông, tơdroăng kring vế châ tơniăn mê pơkâ ‘na hnoăng cheăng túa lĕm tro xuân hiăng châ mơnhông hên tâ roh hdrối nah. Khoh châ chiâng ai tiah kố, kơnôm pơkâ pêi pro tơdrêng ƀă châ tơƀrê mâu troăng tơdjâ, troăng hơlâ ki kơjo kum ăm kơpong hdroâng kuăn ngo ki iâ mơngế dêi Đảng ƀă  Tơnêi têa tung rêm kơvâ cheăng.

VOV4.Xơ Đăng - Tung mơjiâng thôn pơlê nếo, kong pơlê Quảng Nam mơdêk tơdroăng mơjiâng mâu túa kơpong pro thôn pơlê nếo tiô túa nếo, veăng pro ngiâ méa thôn pơlê, troăng hơlâ krúa lĕm. Troh nôkố, kong pơlê Quảng Nam hiăng mơjiâng 250 to kơdrum, ki hên pêt mâu loăng plâi kâ, kum kuăn pơlê pêi cheăng châ tơƀrê.

VOV4.XƠ Đăng - Mâu hơnăm achê kố, sap tơdroăng pơkâ tơnêi têa mơjiâng thôn pơlê nếo, mơnhông cheăng kâ -rêh ối kơpong hdroâng kuăn ngo, tơmeăm khoăng a thôn pơlê, malối troăng prôk a kơpong hơngế hngo, kơpong kơtiê xơpá dêi kong pơlê Gia Lai dế rế châ ‘no liăn mơjiâng pro lĕm, tơ‘lêi hlâu tâ. Ai tiah mê, môi pâ cho hnoăng veăng ‘no kân kĭn ing kuăn pơlê ki pleăng tơnêi ăm pro troăng.

VOV4.Xơ Đăng - Dà K’Nàng cho cheăm ối tung kơpong hngế hngo, kơpong hdroâng kuăn ngo dêi tơring kơtiê Dàm Ròng, kong pơlê Lâm Đồng. Mâu hơnăm achê kố, kơnôm khên tơnôm hơ’lêh túa tơmiât tung pêi kế tơmeăm, pêt hên mâu hdrê loăng ki ai yă kơnâ ‘na liăn ngân vâ teăng ăm mâu ƀăng tơnêi pêt kơphế ki hiăng krâ ki ôh tá dâi lĕm xếo, tơdroăng pêi lo liăn dêi kuăn pơlê hiăng tơtêk hên tâng pơchông ƀă hdrối.

VOV4.Xơ Đăng - Tung 3 hơnăm hdrối, xiâm tơdroăng ‘no liăn cheăng mơjiâng thôn pơlê tung lâp tơnêi têa dâng 1 rơtuh 700 rơpâu rơtal liăn. Ing mê, tơmeăm khoăng châ mơjiâng pro lĕm, tơdroăng rêh ối dêi kuăn pơlê châ ‘mâi mơnhông tơƀrê.

VOV4.Xơ Đăng - Kơ’nâi 5 hơnăm tơbleăng, Tơdroăng pơcháu pêi rêm cheăm môi tơmeăm pê lo, dó inâi OCOP hiăng tơbleăng pêi troh lâp lu a mâu cheăm, tơring tung kong pơlê Dak Lak. Troh nôkố hiăng mơnhên ai 143 tơmeăm pê lo dêi 93 khu ki pê châ mơnhên OCOP châ 3 troh 4 hơlŏng. Tơdroăng mê veăng mơdêk ki tơƀrê hôm dêi tơdroăng mơjiâng thôn pơlê a mâu cheăm tơring.

VOV4.Xơ Đăng - Cho kơpong ai krâ kuăn pơlê cho mơngế kuăn ngo K’Ho, cheăng kâ xơpá, kơxô̆ mơngế kơtiê hên, la kơnôm hơ’lêh rĕng, khên pêi xua ki rơkê khoa hok kih thuât tung cheăng kâ ƀă tơdroăng rêh ối, kơhnâ pêi cheăng, hlối ai veăng tơmâng tŏng kum, ‘no liăn cheăng dêi Đảng ƀă Tơnêi têa, cheăm Lộc Nam, tơring Bảo Lâm hiăng rĕng hluăn kơtiê, chiâng kơpong tơnêi kro mơdrŏng ƀă mơnhông tơƀrê.