VOV.Xơ Đăng – Dak Lak cho kơpong tơnêi ki ai hên tơmeăm khoăng pêi lo ing chiâk deăng ƀă hên tơmeăm xiâm krê hiăng châ tối rơdêi inâi. Tung mâu hâi rơnó Hơngui, kuăn pơlê ƀă tơmối mê vâi hlo nhên tâ ki kơnía dêi mâu tơmeăm OCOP ing mâu kế kâ ki châ tơbleăng ‘măn a kơƀeăng, rếm túa kế kâ tơdjâk ing hơpiâp on. Sap ing kơphế, têa kơdruâ, plâi kâ ki châ têng kơ-óu troh mâu kloăng, pơ’leăng ki ai trếo kơhiâm lĕm, mâu tơmeăm kâ krê dêi pơlê nôkố hiăng chiâng tơdroăng ki lĕm, veăng gum pro chiâng “kế kơnía rơnó hơngui” rế achê, rế hlo xúa hên hĭn tung rêm rơpŏng.

VOV.Xơ Đăng - Mot tung hơnăm nếo 2026, tơdroăng xut tah hrâ mơnguâ kơtiê xơpá, mơnhông cheăng kâ a pơlê Dơk Rơng, cheăm Đak Đoa, kong pơlê Gia Lai hiăng pơhlêh khât. Ki phiu ro akố cho kuăn pơlê Bơhnéa hiăng ‘nâi kơdôu mơ-eăm, hluăn ing kơtiê, pro kro mơdrŏng, mơjiâng tơdroăng rêh ối phâi hơtô, hơniâp lĕm. Ƀă tơdroăng tơmâng ngăn dêi Đảng, Tơnêi têa, tơdroăng tơrŭm ƀă ivá mơ-eăm mơnhông cheăng kâ, kuăn pơlê Dơk Rơng dế tơngah mơ-eăm krá rơdêi tâ.

VOV.Xơ Đăng - Têt hơnăm kố klăng châ 36 hơnăm, la ngoh A Định, hdrông mơngế Rơteăng hiăng ai 10 hơnăm pro Kăn pơkuâ hnê ngăn Chi ƀô̆ thôn Têa Pong, cheăm Ngọc Tụ, kong pơlê Quảng Ngãi. Tơdroăng ki ƀĕng ƀeăn dêi ngoh hiăng gum ăm vâi krâ kuăn ngo Rơteăng a kơpong ki hơngế hơngo kố chôa ‘lâng châ kơdroh tah kơklêa, kơtiê xahpá, chôa ‘lâng mơnhông tơdroăng rêh kâ ối nếo. Ngoh A Định hiăng hâk phiu châ Ngế pro xiâm hnê ngăn Chin phuh diâp ƀâng kơdeăn khĕn ‘na mâu hnoăng cheăng ‘na kơvâ kuăn ngo ƀă pêi pro tiô troăng tơdjâ, troăng hơlâ ki tŏng gum ăm hdrông kuăn ngo dêi Đảng, Tơnêi têa, ing mê, veăng mơjiâng tơdroăng mơjiâng ƀă kring vế Tơnêi têa.

VOV.Xơ Đăng - Mâu hâi ki kố, mâu hngêi kơmăi, hngêi mơdró kâ tơmeăm pê lo ing chiâk tung kong pơlê Dak Lak dế tơvâ tơvân pêi cheăng, pơ’lêh túa mâ ngăn vâ tơniăn tơmeăm ki tê ăm mơngế kal vâ rôe tâk hên dêi kuăn pơlê. Malối a kơpong peăng mâu hâi lo kong pơlê, mơhé tơdjâk ó xua kong mêi têa lân lu, hên tíu pêi cheăng cho mâu tíu pêi cheăng châ mơnhên OCOP, hiăng rĕng ‘mâi mơnhông cheăng tung rơnó tê mơdró a rôh Têt.

VOV.Xơ Đăng - Drêng hneăng hôp Đảng rôh má 14 hiăng klêi tơniăn lĕm, ing tuăn vâ hơ’lêh nếo, tơdroăng púi vâ pleăng hnoăng tơná châ hnê pêi rơdêi tung mâu hơnăm ối nếo dêi hdroâng kuăn ngo a Lâm Đồng ƀă Dak Lak. Mâu hơnăm ối nếo M’Nông dế kơhnâ pơtối rak vế khôi túa, vêa vong, lĕm tro hlối mơhnhôk pêi pro tung mâu tơdroăng mơhnhôk tơ’noăng a pơlê cheăm.

VOV.Xơ Đăng - Pêi pro tiô tơdroăng dêi Khu xiâm kal kí ‘na pro hngêi trung hriâm a mâu cheăm tơkăng kong tơnêi pơla hơnăm 2025-2026, kong pơlê Dak Lak châ Tíu xiâm tơnêi têa tŏng gum 389 rơtal liăn ‘no mơjâng pro 3 toăng hngêi trung ai tíu kâ koi ối pơtê a mâu cheăm tơkăng kong Buôn Đôn, Ia Lốp ƀă Ia R’vê. Klêi kơ’nâi vâ chê 3 khế pro, mâu khu mơjiâng pro hiăng pê klêi 1/3 hnoăng cheăng. Vi ƀan kuăn pơlê dêi kong pơlê Dak Lak dế hnê mơhno ngế pơkuâ xiâm ‘no liăn cheăng, tíu pêi cheăng pro ƀă mâu cheăm bêng rĕng pro mơ-eăm pê klêi ƀă pơcháu hngêi trung ăm hnê hriâm hdrối khế 8 hơnăm kố.

VOV.Xơ Đăng - Sap ing ton nah, loăng plâi toak hiăng hmâ ƀă kơpong tơnêi pêi a thôn 7, cheăm Hàm Thuận, kong pơlê Lâm Đồng. Kố xuân cho xiâm loăng ki châ hlo ki pơhlêh dêi kơpong tơnêi kố, chiâng tơdroăng dêi hiâm mơno, mơeăm tơkâ luâ xơpá dêi kuăn pơlê a tíu kố. Túa păn í a xiâm loăng plâi toak dêi ngoh Lê Văn Thuận, a cheăm Hàm Thuận, kong pơlê Lâm Đồng dế mơnhông tơƀrê ăm tơdroăng ki pêi lo liăn.

VOV.Xơ Đăng - Ing mâu ƀăng deăng pêt kơchâi xua kơmăi dâi lĕm troh mâu túa tơrŭm pêi pêt, uâ pơliê, tơdroăng mơjiâng thôn pơlê nếo hiăng ƀă dế pro pơ’lêh nhên ngiâ méa kơpong pêt kơchâi Đơn Dương, kong pơlê Lâm Đồng. Kuăn pơlê a kố hiăng chiâng mâu ngế ki xiâm tung mơnhông tơƀrê, chôa lâng vâ pro ăm pêi chiâk pêi deăng, pêt kơchâi ai pơxúa mơdêk pêi lo liăn ngân ƀă pêi krúa lĕm tung mơnhông tơdroăng rêh ối nếo.

VOV.Xơ Đăng - Hơnăm 2025, tung pơla cheăng kâ ối trâm hên xơpá, ôm hyô Khánh Hòa xuân pơtối rak a kơlo ki tâk, pơtối mơhno hnoăng cheăng ki xiâm kal khât dêi cheăng kâ tung kong pơlê. Mot tung hơnăm 2026, tâi tâng kơvâ ôm hyô dế hbrâ mâu tơdroăng ki tro má môi, hbrâ vâ tơdah tơmối tung hiâm mơno phiu ro, tơniăn ƀă tơƀrê.

VOV.Xơ Đăng Mâu hơnăm achê kố, khu mâu ngế ki châ kuăn pơlê loi châ ngăn môi tiah mâu “loăng ki kân ton hơnăm” tơdjâk hiâm mơno pôu râng, djâ troăng tung pơlê pơla. Ƀă tơdroăng ki châ vâi loi mê dêi tơná, vâi hiăng ƀă dế veăng gum ivá mơjiâng pơlê cheăm a kơpong kuăn pơlê hdroâng kuăn ngo rế hía rế mơnhông.