VOV4.Xơ Đăng - Tung hơnăm kố nah, kong pơlê Dak Lak hiăng mơhnhôk rêm khu râ tăng hên liăn, pêi tơdrêng ƀă luât pơkâ ‘no liăn mơjiâng pro, ƀă tơdroăng kơjo kum dêi Đảng, Tơnêi têa troh mâu kuăn pơlê hdroâng kuăn ngo, kơpong hơngế hơngo. Tung mê, ai hên tơmeăm khoăng ‘mâi rơnêi pro troăng prôk tiô Tơdroăng pơkâ tơnêi têa mơnhông Cheăng kâ - rêh ối pơlê pơla kơpong kuăn ngo hiăng veăng ‘no hnoăng pêi tơƀrê mơnhông tơdroăng rêh ối dêi kuăn pơlê.

VOV4.Xơ Đăng – Hên hơnăm kố, Khu mâu lêng hneăng hdrối a pơlê kong krâm Ayun Pa, kong pơlê Gia Lai pêi ai pơxúa tơdroăng mơhnhôk “Mâu lêng hneăng hdrối djâ troăng ahdrối” tung tŭm tơdroăng cheăng mơjiâng ƀă mơnhông cheăng kâ. Ƀă tơdroăng ôh tá xâu xơpá, hên mâu lêng hneăng hdrối hiăng chiâng mâu ngế ki djâ troăng lĕm ahdrối kơhnâ pêi cheăng, mơnhông cheăng kâ dêi rơpŏng hngêi, mơhno tơbleăng troh lâp lu tơdroăng kơhnâ pêi cheăng tung kuăn pơlê a mâu pơlê.

VOV4.Xơ Đăng - Mâu hơnăm hiăng hluâ, tơring Ia Grai, kong pơlê Gia Lai hiăng tơkŭm kơxô̆ liăn ƀă mơhnhôk kuăn pơlê pleăng tơnêi vâ pro mâu hngêi trăng, troăng klông. Kố xuân cho tơring apoăng dêi kong pơlê djâ tơdroăng mơhnhôk pleăng tơnêi pro troăng tung pơkâ dêi Khu pơkuâ hnê ngăn cheăng Đảng tơring ƀă mơjiâng mâu khu hnê mơhno krê ‘na pleăng tơnêi pro troăng kân. Ing tơdroăng môi tuăn dêi khu cheăng kal kí ƀă tơdroăng mơhnhôk, môi tuăn ing kuăn pơlê, hên troăng kân troh a thôn, cheăm hiăng châ pro kêi đeăng, gum thôn pơlê nếo rế hía rế xông tơtêk lĕm.

VOV4.Xơ Đăng - Pêi pro tiô tơdroăng pro nhŏng o ƀă mâu hdroâng kuăn ngo, mâu kơ koan, tíu pêi cheăng a kong pơlê Dak Lak hiăng ai hên túa pêi ki tro ƀă tơdroăng cheăng pêi ƀă ivá pêi cheăng dêi mâu tíu pêi cheăng, achê ƀă tơdroăng ki hlo ai khât a mâu pơlê. Hrĭng to kơ koan, khu tơrŭm cheăng pro nhŏng o hiăng tơrŭm ivá mơno veăng gum kuăn pơlê mơnhông cheăng kâ, mơnhông tơƀrê tung rêh ối. Ki tơrŭm krá tơniăn ƀă hnoăng cheăng pêi mê hiăng veăng ‘mâi mơnhông tơrŭm môi tuăn dêi kuăn pơlê.

VOV4.Xơ Đăng - Mâu tơmeăm ki hvât lôi, hên vâi kơdrâi a Dak Lak hiăng xúa vâ pro mâu tơmeăm ki vâ tê, tăng tơ’nôm liăn. Tơdroăng pêi mê veăng pro lĕm rak vế hyôh kong prâi, vâ xúa  mâu tơmeăm ki lĕm. H’Xíu H’Mok, ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na tơdroăng mê.

VOV4.Xơ Đăng - Tung mâu hơnăm hdrối mê hía nah, mâu tơdroăng ki tơ’noăng môi pâ tơnêi têa ƀă mâu hneăng mơhnhôk dêi Măt trâ̆n tơnêi têa rêm râ a tơring Châu Thành, kong pơlê Sóc Trăng ƀă mâu khu pơkuâ ngăn hiăng mơhnhôk, pơkâ pêi pro tro tiô tơdroăng ki châ tơƀrê khât ƀă lân rơdâ trâu hơngế tung kuăn pơlê. Ki rơhêng vâ tối, tơdroăng ki thăm mơdêk tơdroăng pêi pro hneăng mơhnhôk “Tâi tâng kuăn pơlê tơrŭm mơjiâng thôn pơlê nếo, kơphô̆ ki hloh hlê rơkê plĕng” tiô kơ tơdroăng "Xúa ivá kuăn pơlê gum rak ngăn tơdroăng rêh ối dêi kuăn pơle” hiăng veăng pro “pơhlêh hên” ngiâ méa thôn pơlê ƀă kơphô̆ dêi kong pơlê kố; tơdroăng rêh ối, tung mê tơmeăm khoăng, hiâm mơno, túa rêh kâ ối dêi kuăn pơlê hiăng

VOV4.Xơ Đăng - Kơxo hâi lơ 3/6, a Đồng Nai, pôa Trần Lưu Quang Ngế pro xiâm phŏ hnê ngăn tơnêi têa veăng leh tơbleăng tơring Xuân Lộc châ mơnhên tối Thôn pơlê nếo mơnhông tơƀrê hơnăm 2023.

VOV4.Xơ Đăng - Ing mâu kơchâi kâ tăng kêi ing kong, kơchâi kâ dêi mơngế Rơđế nôkố hiăng châ chêh ‘mot tung inâi kơchâi kâ dêi mâu tíu tê mơdró hmê kơchâi kâ dêi ƀơrô a pơlê kong kơdrâm Ƀuôn Ma Thuột, kong pơlê Dak Lak, pro hên ngế rơhêng rơhú vâ kâ. H’Xíu H’Mok, ngế chêh hlá tơbeăng cheăng tung Rơ’jiu Việt Nam kơpong Tây Nguyên ai chêh tối ‘na tơdroăng mê. 

VOV4.Xơ Đăng -  “Hơ-ui vâi môi tiah hơ-ui dêi châ’’, hên mâu ngế, khu tơrŭm pêi tơdroăng hơ-ui kum a pơlê kong kơdrâm Plei Ku, kong pơlê Gia Lai hiăng tơkŭm po mâu rôh pế hmê tê kơtê kum mâu ngế châi tamo ƀă mâu ngế lăm ngăn mâu mơngế pơlât châi tamo ki kơtiê xơpá. Tơdroăng pêi pro ki lĕm mê hiăng hum mâu kơtiê kơdroh iâ ki xơpá, hlối mơhno tơbleăng tơdroăng pêi pro ki lĕm ăm kuăn hên ngế ki ê veăng pêi pro a kơphô̆ kong ngo Plei Ku.

VOV4.Xơ Đăng - A kong pơlê Gia Lai, vâ châ môi hơnăm hdrối, rêm kơmăng, khu pleăng hnoăng tơná lăm pêi cheăng pơxá “troăng prôk tơniăn” rơtế tơrŭm ƀă ‘mâi rơnêu pro, tíu ki hiăng tơ’nhiê veăng pro lĕm mâu tơdroăng cheăng ƀă pro lĕm tung pơlê. Mâu thôn pơlê nếo hơniâp ro  xua mâu tơdroăng cheăng pêi pro châ mơdêk tơƀrê.