VOV.Xơ Đăng - A kong pơlê Lâm Đồng, pá kơdâm chêng ngo Lang Biang ki ai hên tơdroăng hơ’muăn tối, tíu ki ai têa krông, têa kroăng Tía plâ hơnăm đi đo hiu hdrok ƀă kong loăng hnôh ki hơniâp ro, ai môi ngế kuăn dêi hdrông kuăn ngo K’Ho hiăng pleăng dêi hnoăng cheăng plâ rơxông vâ rak vế mơhúa xiâm dêi pơlê cheăm, tơdrêng amê, hnối mơhno tối hnoăng cheăng ki nếo vâ mơnhông pơlê pơla. Mê cho pôa Cil Kwuyên-Cho ngế kuăn ki rơkê khât dêi hdrông kuăn ngo K’Ho, ngế ki djâ troăng rơkê tung mơhriâm tâp ƀă pêi pro tiô tuăn mơno, túa rêh ối, túa cheăng Hồ Chí Minh.

VOV.Xơ Đăng - Pêa mâ hâi lu kong pơlê Gia Lai, tíu ki ai mâu pơlê cheăm ối trâm hên xahpá, rế hía hlo rế ai hên khu vâi rơxông hơnăm ối nếo khên tơmiât, khên pêi pro, hbrâ rơnáu tăng troăng prôk ki nếo vâ mơnhông kro mơdrŏng a pơlê pơla tơná. Ôh tá pơ’lok, troănng prôk ki tăng mơjiâng cheăng pêi vâi ki mê pơxiâm ing tơdroăng ki tiah hmâ rêm hâi la kơhnâ mơ-eăm pêi cheăng i rơkê kơhnâ khât.

VOV.Xơ Đăng - Lôi dêi pơlê xiâm Cao Bằng mot rêh ối a Tây Nguyên pêi cheăng kâ, kuăn pơlê mơngế Nùng ối a cheăm Tam Giang, kong pơlê Dak Lak hiăng chôa ‘lâng tơniăn tơdroăng rêh ối, mơnhông kro mơdrŏng. A kơpong tơnêi ki nếo, pơla kơdrum kơphế drêh lĕm, tung pơla mâu hngêi trá pro tiô chal krâ nah cho tơdroăng rêh ối hiăng ai tŭm tơmeăm khoăng ƀă ối rak túa lĕm tro ton nah.

VOV.Xơ Đăng - Tung tơdroăng ki hâk vâ ôm hyô Tây Nguyên, Gia Lai dế rế hía rế tối rơdêi ki pơxúa dêi kong ngo ngiât leưm rơtế ƀă hên tơnêi tơníu ki lĕm krip. Sap ing tơdroăng ki mê, kong pơlê khŏm mơeăm rah xo troăng prôk cho mơjiâng pro ôm hyô kong kế nhâ loăng tro ƀă rak vế, rế hía rế po rơdâ tơnêi tơníu mơnhông, tơmiât troh ăm ôm hyô chiâng tơdroăng ki xiâm ‘na pêi lo liăn ngân tung hneăng ki nếo.

VOV.XơĐăng - Tung tơdroăng rêh ối kơpong kuăn pơlê hdroâng kuăn ngo a kong pơlê Dak Lak, rơtế ƀă mâu tíu pêi cheăng, mâu ngế ki châ kuăn pơlê loi nhuô̆m rak vế hnoăng cheăng ki kal tung tơdroăng ‘mâi mơnhông khu tơrŭm tâi tâng kuăn pơlê, rak vế gâk kring tơniăn ƀă thăm mơnhông cheăng kâ rêh ối pơlê pơla. Vâi châ pơtih môi tiah mâu ngế ki tŏng gum tơ’lêi hlâu la krá rơdêi dêi kuăn pơlê, cho kông tơdjêp loi khât pơla râ Đảng, kăn pơkuâ ƀă Kuăn pơlê.

VOV.Xơ Đăng - ‘No liăn pro kơchô ăm kơpong ngo cho hvêa prôk ki kal tung tơdroăng pơkâ pêi la ngiâ mơnhông tê mơdró peăng kong ngo dêi kong pơlê Quảng Ngãi. Rơtế ƀă tơdroăng ki pro klêi túa pơkâ, tơ’mot liăn ing pơlê pơla veăng tơlo ƀă tơbleăng pêi mâu tơdroăng tơnêi têa pơkâ, kong pơlê rế hía rế mơjiâng pro kơchô tiô chal nôkố, tro ƀă pêt mơjiâng ƀă tê tơmeăm, gum kuăn pơlê peăng kong ngo mơdêk pêi lo liăn, pơhlêh tơdroăng rêh kâ ối.

VOV.Xơ Đăng - Mâu hơnăm hdrối mê hía nah, kơnôm tơbleăng pêi tơƀrê mâu tơdroăng kơdroh kơtiê dêi Chin phuh môi tiah: Gum túa rêh kâ ối, tơnêi ối, tơnêi pêi, hngêi ối ƀă hên ki ê a kơpong hdroâng kuăn ngo, lối rơpâu rơpŏng kuăn pơlê a hên cheăm ối tung pơlê kong krâm Ayun hdrối nah, kong pơlê Gia Lai hiăng rế hía hluăn ing kơtiê. Tung mâu tơdroăng ki châ tơbleăng pêi, troăng hơlâ hbru ăm ro kăn vâ kuăn pơlê păn hiăng pro pơxúa tơƀrê khât. Kơnôm tơdroăng hâk vâ păn, ro dêi mâu rơpŏng pơrá hiăng ai kuăn, mơdêk pêi lo liăn ƀă hluăn ing kơtiê.

VOV.Xơ Đăng - Klêi kơ’nâi 4 khế pêi cheăng khu râ kăn pơkuâ péa râ, mâu cheăm a kong pơlê Quảng Ngãi hiăng tơniăn tơdroăng cheăng tơ’lêi hlâu. Laga, tung hneăng apoăng pêi cheăng, hên tíu xuân trâm hên pá puât ‘na mơngế pêi cheăng, tơdroăng cheăng, kơmăi kơmok, kŏng ngê̆ thông tinh. Kong pơlê Quảng Ngãi dế pơtối pêi pro mâu troăng tah lôi pá puât, tŏng gum cheăm pêi cheăng châ tơƀrê tâ.

VOV.Xơ Đăng -  Plei Pông, cheăm  Chư A Thai, kong pơlê Gia Lai hdrối nah cho kơpong pro kăch măng. Pêi pro troăng hơlâ mơjiâng thôn pơlê nếo tung kơpong hdroâng kuăn ngo, Plei Pông châ rah xo pro tíu vâ chiâng pơlê thôn pơlê nếo tiô pơkâ. Mâu hơnăm hdrối, rơtế ƀă tơdroăng tơmâng ngăn tŏng gum dêi Đảng ƀă Tơnêi têa, kuăn pơlê a kơpong pro kăch măng Plei Pông mơnhông hiâm mơno tơrŭm, mơeăm mơnhông.

VOV.Xơ Đăng - Kơtăn ing kơphô̆ Pleiku dâng 30km, pơlê Kép, cheăm Ia Ly, kong pơlê Gia Lai mâu hơnăm achê kố chiâng tíu ki hmâ troh dêi tơmối tung tơnêi têa ƀă kong têa ê. Ôh ti xê xua ki lĕm tơniăn dêi kong ngo mê tíu kố dế ‘mâi mơnhông troăng xiâm túa lĕm tro, cheăng tê̆n ếo pơtâk, pơchế chal krâ dêi kuăn ngo Jarai, châ ‘mâi mơnhông ƀă châ tơdjâk troh tơdroăng pro ôm hyô pơlê pơla. Ngế ki veăng tơdjâk tơdroăng mê cho nâ H’Uyên Niê, ngế kơdrâi ai hiâm mơno kơhnâ, dế rơtế ƀă vâi krâ nhŏng o rak vế ƀă mơnhông cheăng ếo pơtâk chal krâ.