Xông tơpui hnê mơhno a Hneăng hôp, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, kăn ƀô̆ thế ai hiâm mơno khên tơnôu ‘na kal kí, ai ihiâm mơno ƀă kuăn pơlê, ai loi tơngah tung pơlê pơla, rơkê mơhnhôk, tơpui tơno, mơhnhôk, tiâ tối, tơpui ƀă pêi pro ‘na tơdroăng ki trâm; ôh tá chiâng hơngế kuăn pơlê, ôh tá xê to pêi cheăng ing tơbleăng; thế prôk troh tíu, tơmâng troh tá tui lui, tối tro tơdroăng ki ai khât, pâ thế tro tơdroăng, tiô troh tui lui tơdroăng châ tơƀrê; vâ Măt trâ̆n achê kuăn pơlê tâ, tơmâng kuăn pơlê kân rơdâ tâ, tiâ tối kuăn pơlê rĕng tâ, séa ngăn tơdroăng tơleăng pâ thế dêi kuăn pơlê tơdrăng tâ.

Pôa Tô Lâm pơkâ Măt trâ̆n kal kơtăng hriăn plĕng tơpui leăng, mơgêi tơdroăng nôkố ‘na tơrŭm môi tuăn tâi tâng hdroâng mơngế, hnoăng kuăn pơlê vâ xah hô̆i chuh ngiah, hnoăng pơkuâ dêi Kuăn pơlê cho hnoăng cheăng cho kal khât; tơbleăng mơjiâng ƀă pêi pro Troăng pêi cheăng ton xŏn tơrŭm môi tuăn tâi tâng hdroâng mơngế troh hơnăm 2035, tơmiât pêi troh hơnăm 2045; mơnhên inhên xiâm rêi, pơkâ, troăng pêi ƀă troăng mơnhông ivá ó rơdêi kuăn pơlê, ivá khôi túa lĕm, ivá rơdêi kuăn mơngế Việt Nam.