Ki nhên, Khu xiâm pơkuâ ngăn pơkeăng ƀă khăm pơlât hiăng tơbleăng inâi tơdroăng cheăng tung tơdroăng khăm ivá rêm hneăng tê kơtê lâp tơnêi têa, xúa sap ing hơnăm 2026. Tơdroăng khăm pơlât tá khăm nô̆i khoa, tuăn môh krôk, khăm ngăn mơheăm, têa nŭm ƀă xup X-quang plâi nuih, vâ mơdât pơreăng môi tiah châi plâi nuih, nŭm nheăn, kliâm, kơkốu. Klêi khăm, kuăn pơlê châ hnê mơhno séa ngăn lơ pơtroh khăm a chuyên khoa tâng hlo tơdroăng châi ki râ.

Tơdroăng khăm tiô tối hdrối tơkŭm po a hngêi pơkeăng cheăm, bêng vâ tơniăn châ achê rơdâ; hngêi pơkeăng râ kơpêng kô tŏng gum drêng hngêi pơkeăng ôh tá tŭm mơngế lơ ôh tá ai kơmăi khăm. Pakĭng khu tá hâi ai Ƀaoh hiêm khăm pơlât, rơpŏng ai châ tơnêi têa tŏng gum, mơngế ai hnoăng tơnêi têa xuân ối tung khu ki kơjo, tơdrêng amê mơngế pêi cheăng pơtối khăm rêm hneăng tiô pơkâ krê. Troăng hơlâ kố kum kuăn pơlê rĕng châ hlo mâu pơreăng môi tiah nŭm lo nheăn, châi plâi nuih, châi kơkốu, tơdrêng amê pêi pro mâu pơkâ la ngiâ ăm tê kơtê khăm pơlât a hơnăm 2030.