Kong pơlê Dak Lak nôkố dế pêi pro mơjiâng 3 hngêi trung tơdjêp râ a mâu cheăm tơkăng kong Ia Lốp, Ia Rvê ƀă Ea Bung, ƀă tâi tâng kơlo liăn mơ’no vâ chê 127 rơtal liăn. Troh nôkố, hên tơmeăm ki xiâm a mâu tơmeăm hiăng châ dâng 47% kơxô̆ tơdroăng mơjiâng pro. Hdrối pơkâ thế pêi kêi đeăng tơdâng tơ’mô mâu hngêi trung vâ teăm tơdrêng xúa tung hơnăm hriâm nếo, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak pơkâ mâu tíu cheăng mơjiâng pro vêh séa ngăn tơdroăng mơjiâng pro, pơtroh mơngế pêi cheăng, kơmăi kơmok, rơxế; tơdrêng amê pơcháu kơvâ hnê hriâm hbrâ rah xo, pơtroh thái cô, hbrâ kơmăi tĭnh hnê hriâm, kơpong ối ƀă mơjiâng pơkâ pêi pơtâng tối, mơhnhôk hok tro troh lâm hriâm sap apoăng hơnăm hriâm.

Kong pơlê Dak Lak xuân pơkâ hbrâ tŭm kế tơmeăm khoăng, pêi pro tơniăn kế kâ ăm hok tro ối tung hngêi trung, tơniăn kêi đeăng cho ko chiâng tơkŭm hnê ƀă hriâm tơdrêng. Tơtrŏng má môi, Kăn pơkuâ hnê ngăn cheăng Đảng kong pơlê Dak Lak pơkâ hbrâ troăng mơhnhôk khu tŏng gum pêi pro tâng kal, tung mê, ai troăng tơrŭm ƀă khu mô đô̆i vâ rĕng mơjiâng pro kêi, kêi đeăng hdrối hâi lơ 30/7.