Tĭng leh chôu nhang, tơbâ kơ mâu ngế hlâ tơplâ khên tơnôu Gạc Ma
Thứ năm, 05:00, 14/05/2026
Tơplôu: Gương/VOV
Tơplôu: Gương/VOV
VOV.Xơ Đăng - Kơxo hâi lơ 13/5, po tơbâ mâu lêng hlâ xua tơplâ a Gạc Ma (kong pơlê Khánh hòa, Khu kăn kơxô̆ 17 lăm pôu hlối pêi cheăng a mâu rơlố dêi Kơpong Trường Sa (kong pơlê Khánh Hòa) ƀă hngêi trá xŏn DK1 hiăng tơkŭm po leh chôu nhang tơbâ kơ 64 ngế kăn ƀô̆, mâu lêng tuk kuăn pơlê Việt Nam ki hiăng hlâ xua tơplâ tung rôh tơplâ Gạc Ma hâi lơ 14/3/1988.
Khu pêi cheăng xua Đại tă Nguyễn Duy Thiều, Phŏ pơkuâ ‘na kế kâ - kih thuât, Khu xiâm ngăn ‘na kế kâ - Kih thuât lêng tuk pro ngế xiâm pơkuâ djâ khu kăn lăm pêi cheăng hiăng nhoăm pâ chôu nhang, pleăng reăng a tíu ki meăn chêh inâi mâu ngế hiăng hlâ xua tơplâ a chêng ngo”, mơdoh môi iâ chôu phut hmái hơtĭng tơbâ troh mâu ki hlâ hlối mơhno hiâm mơno mơnê hên khât pá kâi tối hiăng khên tonôu tơplâ troh hlâ dêi 64 ngế kăn ƀô̆ lêng tuk kuăn pơlê Việt Nam.
Tơdroăng pêi pro: “Ai tơdroăng niân troh hâi kố kơnôm ai hnoăng vâi krâ nah” Tơbâ kơ mâu ngế kuăn kơhnâ khên tơnôu dêi hdroâng mơngế hiăng pleăng drêng tơná ối rơtăm pleăng mơheăm chhá ăm tơdroăng vâ tơniăn lĕm kring vế hnoăng pơkuâ kơxĭ, rơlố Tơnêi têa.
Viết bình luận