Klêi kơ’nâi tơmâng tơbleăng ƀă mâu rơkong tơpui a roh pêi cheăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, kêi đeăng pơkâ pêi luât ƀă rơnêu nếo luât ai tơrŭm hưh cơ, tơrŭm krá, kal ai khu ki hnê mơhno mâu tơdroăng mơjiâng luât, tơkŭm pêi pro luât ƀă rơnêu nếo luât cho môi tơdroăng ki tơmot chiâng môi, tơdâng tơ’mô, tơdjêp hlối, châ tơƀrê.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, tơdroăng pêi kêi đeăng tâi tâng ôh tá xê to rah xo bro lế lĕm tro cơ hok mê ki xiâm cho vêh po troăng pơkuâ, hnê mơhno dêi Tơnêi têa ƀă hnoăng cheăng mơjiâng, kêi đeăng tơnêi têa luât xah hô̆i chuh ngiah Việt Nam. Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, mơnhên inhên tíu cheăng, tơdroăng cheăng dêi Khu pơkuâ xiâm Tơnêi têa ƀă Khu xiâm hnê arak luât; tơdrêng amê kal thế pơkâ inhên, mơnhên hnoăng cheăng dêi rêm kơ koan ƀă inhên troăng tơrŭm cheăng; pơtối pêi kêi đeăng khu  pêi cheăng Khu hnê mơhno.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơcháu Đảng ủi Khu xiâm hnê arak luât pơkuâ, tơrŭm ƀă Khu xiâm Tơnêi têa tơmâng xo tŭm rơkong tơpui dêi roh hôp, kêi đeăng mơ-éa, tơbleăng dêi Khu xiâm kal kí.