VOV.Xơ Đăng - Ing tơnêi tơníu ki hmâ pêt hdrê loăng plâi kâ ƀă păn mơnăn mơnôa tiô khôi hmâ, nôkố, kơpong kong ngo dêi kong pơlê Khánh Hoà dế po rơdâ troăng prôk ki nếo: tơrŭm ‘na pêi chiâk deăng ƀă ôm hyô pơlê pơla. Mâu kơdrum plâi krui ƀŏng, kơdrum plâi cherry, klôh păn ká, têa krông, xí têa ƀă hên hĭn mâu tơmeăm ki ê dế chiâng tíu ki tơ’mot krâm kuăn pơlê troh pôu ngăn, ôm hyô.

VOV.Xơ Đăng - Kong pơlê Gia Lai tối vâ ‘no dâng 17.000 rơtal liăn vâ kâng pro rơchôa, vâ ai têa tôh báu loăng plâi, ai tiô kal vâ mơnhông pêi chiâk pêt loăng plâi ƀă mơjiâng mâu kơpong pêi cheăng ki kân.

VOV.Xơ Đăng - Kong pơlê Dak Lak dế tơbleăng hên troăng hơlâ pêi kơtăng vâ rak ki nhoăm dêi plâi  sầu riêng tê ăm kong têa ê drêng rơnó krí dế vâ troh.

VOV.Xơ Đăng - Rơtế ƀă mâu cheăm, bêng ki ối tung kong pơlê, mâu khâu cheăng ối tung Khu ngăn ‘na Chiâk deăng ƀă Hyôh kong prâi Dak Lak ki nếo, klêi kơ’nâi tơ’mot kong pơlê ƀă Phú Yên hiăng pơxiâm mot cheăng vâ rak vế tơniăn ăm tơdroăng cheăng châ pêi pro tơ’lêi.

VOV.Xơ Đăng  - Kuăn pơlê pêi chiâk deăng kong pơlê Gia Lai pơxiâm apoăng rơnó krí plâi sầu riêng hơnăm 2025. Mơhé ai hên tơdroăng tối pá puât ‘na tê ngi kong têa ê, laga kơnôm tơniăn ki dâi lĕm, mâu ngế ki pêt plâi a kong pơlê xuân châ tê ƀă yă ki kơnâ, cho tơdroăng ki ro ăm môi rơnó plâi sầu riêng ƀlêi trâng.

VOV.Xơ Đăng - Kơxê lơ 24/6, a pơlê kong kơdrâm Kon Tum, Khu xiâm hnê ngăn ‘na Khoa hok ƀă kơmăi kơmok kong pơlê Kon Tum tơkŭm po leh diâp pơkâ ăm hlá mơ-éa mơnhên xúa inâi tơnêi “Ngọc Linh” tơmeăm pôm sâm ăm 4 khu ƀă mâu ngế.

VOV.Xơ Đăng -  Mơhé ai hên tơdroăng ‘na pá puât tê ngi kong têa ê, la kơnôm tơniăn ki dâi lĕm, mâu khu ki pêt plâi sầu riêng a kong pơlê Gia Lai xuân tê châ yă hôm há sap ing 55 rơpâu troh 70 rơpâu liăn/kilô tiô khu, cho tơdroăng ki tro ăm môi rơnó plâi sầu riêng ƀlêi trâng.

VOV.Xơ Đăng - Tơring Dam Rông, kong pơlê Lâm Đồng hdrối nah cho tơring kơtiê má môi tơnêi têa, kơxô̆ rơpŏng kơtiê ai vâ chê 80%. Mâu hơnăm achê pơla koió, kơnôm pơhlêh túa mơdâ pêt, rak ngăn, khên mơnúa xúa khoa hok kih thuât tung pêi chiâk deăng, tung pêi kâ mê tơdroăng rêh kâ ối dêi kuăn pơlê hiăng châ pơhlêh hên. Tung mê, cheăng pêt hdrê loăng yâu păn hdrong hiăng mơhno tối tơdroăng ki tơtro khât, ôh ta xê gum hên rơpŏng châ hluăn ing kơtiê mê mâu rơpŏng hdroâng kuăn ngo ối kơdo mơ-eăm pêi cheăng kâ, pêi lo hên kế tơmeăm.

VOV.Xơ Đăng - A pơlê kong kơdrâm Đà Lạt, kong pơlê Lâm Đồng, Khu ngăn ‘na Pêi pêt ƀă Rak vế hdrê loăng pêt, cheăng tung Khu xiâm ngăn ‘na Chiâk deăng ƀă Hyôh kong prâi tơrŭm cheăng rơtế po Hneăng tơpui tơno ‘na Kơphế tung lâp plâi tơnêi, mê cho hneăng hôp “Séa mơnhên ngăn tơdroăng ki tơdjâk dêi tơdroăng pêt tơvât hdrê loăng ki ê tung kơdrum kơphế, ai oâ hdrong lo kâ ‘nhiê ƀă thăm mơdêk xúa pơkeăng rak vế hdrê loăng ki tơtro”. Roh hôp mê ai tá tơdroăng veăng ai mâ dêi mâu ngế ki hriăn cheăng ‘na khoa hok, mâu khu pơkuâ ngăn, khu mơdró kâ tung tơnêi têa, khu kăn hnê ngăn mâu kơvâ ki ai tơdjâk troh ƀă teăng mâ mâu rơpŏng kuăn pơlê pêi chiâk a mâu kong pơlê kơpong Tây Nguyên.

VOV.Xơ Đăng - Kố cho rơkong tơpui châ mâu kăn mơ’no tối a rôh hôp 'no tơdrêng ing troăng hyôh internet tơkŭm po a hâi lơ 10/6 a Hà Nội, ƀă tơdroăng veăng ai mâ dêi mâu kăn teăng mâ mâu khu xiâm, Khu tơrŭm Kơchâi plâi Việt Nam, mâu khu ki rơkê plĕng ‘na pêi chiâk deăng, khu mơdró kâ tê tơmeăm ngi kong têa ê ƀă mâu khu ki pêi kơdrum pêt sầu riêng a mâu tíu mơ’no a Cần Thơ, Dak Lak ƀă Tiền Giang.