VOV4.Xơ Đăng - Khu kăn ngăn ‘na leh tơbleăng kơphế Buôn Ma Thuột dế mơhnhôk tơ’noăng kơ-óu kơphế Việt Nam hơnăm 2025. Kố cho rôh má 2 tơ’noăng châ tơkŭm po tơngah kô châ pơtối cho “plông xah hêi’’ ăm mâu ngế ki hâk vâ cheăng kơ-óu kơphế, veăng mơdêk ki lĕm dêi kơphế kơ-óu dêi Việt Nam.

VOV4.Xơ Đăng –  Vi ƀan kong pơlê Dak Lak nếo tơbleăng Pơkâ pêi tơkŭm po Xah hêi ro kơphế tung tơdroăng Leh tơbleăng kơphế Ƀuôn Ma Thuột roh má 9, hơnăm 2025.

VOV4.Xơ Đăng - kuăn pơlê a mâu kong pơlê kơpong Tây Nguyên pơxiâm lo lăm pêi cheăng, tôh kơphế, krí xo dêi plâi, tơmeăm, tơdah tung hơnăm nếo pêi cheăng pon mơhúa, tê châ kơnâ yă.

VOV4.Xơ Đăng –  Kơvâ pêi chiâk deăng ƀă mâu tơring tung kong pơlê dế thăm pêi pro mâu troăng hbrâ tăng têa tôh vâ tơniăn tung pêt mơjiâng tơmeăm.

VOV4.Xơ Đăng -  Tung mâu hâi Têt Lo hơnăm nếo Ất Tỵ, kuăn pơlê pêi chiâk deăng mâu kong pơlê tung kơpong Tây Nguyên hiăng lo lăm rak ngăn loăng plâi ƀă pôe xo dêi tơmeăm pêi lo ing chiâk deăng.

VOV4.Xơ Đăng - Klêi kơ’nâi mâu hâi Têt, vâi krâ nhŏng o pin pơtối pêi cheăng lăm ngăn dêi kơdrum deăng rơhêng vâ kong prâi tơniăn lĕm, rơhêng vâ môi hơnăm pêi cheăng kâ ƀlêi chiâng ƀă mâu tơdroăng ki tơmiât pêi, loi tơngah nếo tung hơnăm 2025.

VOV4.Xơ Đăng – Tung mâu hơnăm achê kố, kơnôm ing pơhlêh túa pêi tiô troăng pôu râng dêi hnoăng cheăng, ing tơdroăng ki ôh tá xúa pơkeăng xôh nhâ ƀă kơjo xúa phon hưh cơ, Gia Lai hiăng mơjiâng chiâng kơpong pêt kơphế krúa, dâi, pêi châ tiô tơdroăng púi vâ tê ngi kong têa ê ƀă pro pơxúa ki kơnía lối hrĭng rơtuh dollars rêm hơnăm. Tơdroăng pơhlêh kố ôh ti xê gum mơdêk ki kơnía dêi kloăng kơphế mê ối pro pơxúa pêi châ liăn tơniăn, pro tơ’lêi vâ kro mơdrŏng tơniăn ton ăm kuăn pơlê kơpong kong ngo.

VOV4.Xơ Đăng - Hơnăm 2024, kong pơlê Dak Lak tơmâng xo mâu tơdroăng pêi tơƀrê tung tê mơdró kế tơmeăm ăm kong têa ê, ƀă kơlo cheăng tâk hlối tơniăn dêi mâu tơmeăm pêi lo xiâm ing chiâk deăng. Pakĭng mê, mâu tơmeăm tê ăm kong têa ê hiăng ai hên tơmeăm châ tê ăm mâu kong têa ê ƀă mâu kong têa tung kơpong.

VOV4.Xơ Đăng - Tung pŭn hơnăm hdrối mê hía nah, kong pơlê Kon Tum hiăng kêi pêt vâ chê 18.000 ha kong, tơkâ luâ vâ chê 3.000ha tiô tơdroăng pơcháu dêi Hneăng hôp kân Đảng ƀô̆ kong pơlê roh má XVI, hneăng hơnăm 2020-2025 hiăng mơ’no pơkâ. Ôh ta xê to rĕng châ tro tíu ki pơcháu, rĕng plah ahdrối tung pơla pơkâ pêi pro, mê ối châ chiâng pêi pro tiô tơdroăng pơcháu ‘na pêt kong hnối pêi tơrŭm ƀă Hneăng mơhnhôk: “Pro pơhlêh tuăn tơmiât, túa pêi cheăng dêi hdroâng mơngế kuăn ngo, pro ăm kuăn pơlê châ mơnhông hluăn ing kơtiê rêh kâ ối tơniăn” hiăng gum ăm kuăn pơlê pơhlêh tuăn tơmiât ing tơdroăng hmâ ko ‘nhiê kong hdrối nah, nôkố hiăng chiâng mơngế ki pêt mơjiâng kong nếo.

VOV4.Xơ Đăng - Mâu hơnăm achê kố, hên kuăn pơlê a kong pơlê Dak Lak khên pơhlêh mâu hdrê loăng pêt ki iâ hâi pơhlêh pêt priât, pro pơxúa pêi lo liăn ngân hên. Rôh Têt Ất Tỵ hơnăm kố, tiô tối tơbleăng dêi mơngế ki pêt kô châ xo hên, ki hên tơmeăm pêi lo châ mơngế mơdró vâ rôe, chêh inâi vâ rôe ƀă yă kơnâ.