VOV4.Xơ Đăng - Hâi lơ 24/4, a Đà Lạt (Lầm Đồng) po hneăng tơ’noăng rah xo kơphế ki xú lĕm Arabica dêi Việt Nam rôh má 10.

VOV4.Xơ Đăng - Yă kơphế đi đo tâk tung pơla kố nah hiăng tơdjâk troh tơdroăng mung liăn vâ pêt mơjiâng, tê mơdró kơphế a kong pơlê Dak Lak. Hngêi arak liăn tơnêi têa Việt Nam tíu pêi cheăng a Dak Lak hnê mơhno mâu khu ăm mung liăn tung pơlê tơdâng kơxô̆ liăn, kơjo kơlo mung liăn tŭm tơdrêng tơdroăng kal mung liăn ăm kuăn pơlê ƀă khu tê mơdró.

VOV4. Xơ Đăng - Kong tô khăng khoăng ton pro têa a mâu rơchôa, long a Dak Lak kơdroh rơdêi, tơdjâk kân troh pêt mơjiâng tơmeăm pêi lo ing chiâk deăng. Mâu tơring tung kong pơlê dế pêi pro hên troăng hbrâ ƀă tơdroăng kong tô khăng khoăng.

VOV4.Xơ Đăng - Vâ thăm mơdêk hên tâ nếo tung tơrŭm hriăn cheăng khoa hok kŏng ngê̆ ‘na kơvâ pêi chiâk deăng tối krê ƀă pêi chiâk pêi deăng tối tơdjuôm pơla 5 kong pơlê a Tây Nguyên ƀă Pơlê kong kân Hồ Chí Minh, pơla hdrối mê hía nah, a pơlê kong kơdrâm Kon Tum hiăng po Hneăng hôp Khoa hok râ kơpong “Tơpui tơno xúa ki rơkê plĕng dêi kih thuât tung mơjiâng túa cheăng xúa kŏng ngê̆ ki rơkê, kŏng ngê̆ sinh hok; túa ki păn pêt, pơtối rah hdrê, mơjiâng pro, pơkuâ ngăn ƀă hdrê loăng a mâu kong pơlê kơpong Tây Nguyên”.

VOV4.Xơ Đăng – Tung pơla kố, mơngế pêt pôm ló a kơpong Tây Nguyên dế trâm pá ó xua yă rôe lối chu rơpâ. Kơtăn kố ai 6 khế, yă tê 1 tâ̆n pôm ló a kơlo 23 rơtuh liăn, nôkố bu ối 1/5. Xuân pêt pôm ló, la pakĭng pơlê kong kơdrâm Ƀuôn Ma Thuột, kong pơlê Dak Lak, Kŏng ti tơlo liăn cheăng Sweet Potatoes hơniâp ro ƀă dêi hnoăng cheăng tơná, kơnôm pêi pro dâi khât ing roh po pông tơnêi, rah pêt hdrê pôm troh a tơdroăng mơ’no tê a kơchơ.

VOV4.Xơ Đăng -  Vâ mơdêk tâ mê nếo tung tơrŭm hriăn plĕng khoa hok kŏng ngê̆ kơvâ pêi chiâk deăng tối krê ƀă cheăng kâ – rêh ối pơlê pơla tối tơdjuôm pơla 5 kong pơlê Tây Nguyên ƀă Pơlê kong kân Hồ Chí Minh, hâi 11/4, a pơlê kong kơdrâm Kon Tum hiăng tơkŭm po Hneăng hôp khoa hok râ kơpong ‘’Tơpui tơno xúa ki rơkê kih thuât tung mơjiâng troăng pêi xúa kŏng ngê̆ rơxông nếo, kŏng ngê̆ sinh hok; troăng păn, pro hdrê, uâ mơdiê, rak ƀă loăng plâi mâu kong pơlê kơpong Tây Nguyên’’.

VOV4.Xơ Đăng - Kơxo hâi lơ 11/4, a pơlê kong kơdrâm Đà Lạt, Khu xiâm ngăn ‘na chiâk deăng ƀă mơnhông thôn pơlê dêi tơnêi têa tơrŭm ƀă Khu xiâm ngăn ‘na chiâk deăng ƀă mơnhông thôn pơlê Lâm Đồng tơkŭm po hôp hnê mơhnhôk pêi chiâk deăng kơphô̆ rôh má 1 hơnăm 2024 ƀă pơxá xúa kŏng ngê̆ pơ’lêh kơxô̆ tung pêi chiâk, uâ pơliê pro tơmeăm ƀă tê tơmeăm pê lo ing chiâk deăng krúa.

VOV4.Xơ Đăng - Ki kơnía tơxâng châ tơƀrê ing hên tơmeăm pêi lo ing chiâk deăng dế pro tơ’lêi vâ kuăn pơlê pêi chiâk Dak Lak mơnhên cho troăng pơkâ pêt mâu hdrê loăng tơtro, ing mê, kum hluăn ing tơdroăng ki “pêt ko tah, ko tah ah pêt nếo” drêng mâu hdrê pêi lo ing chiâk pơtối châ xo hên tơmeăm pêi lo la tê ôh tá ai yă lơ tê yă kơnâ la tơmeăm pêi lo ôh tá châ hên. Rơtế ƀă pêt hên hdrê, pêt tơvât vâ châ xúa, kuăn pơlê pêi chiâk Dak Lak hiăng tơmâng ngăn tâ troh ‘no liăn rak ngăn vâ ăm kế tơmeăm pêt ai plâi kơtóu hên, lĕm tâ. Tơdroăng pêi chiâk deăng Dak Lak ing mê chiâng rế krá tơniăn tơ’nôm a hên hdrê pêt ki xiâm.

VOV4.Xơ Đăng - Tơdroăng tê ăm kong têa ê dêi kong pơlê Gia Lai hnăm kố pơtối tâk rĕng, ƀă bú kơ’nâi pái khế apoăng hơnăm, kong pơlê hiăng châ 40% pơkâ tê ăm kong têa ê dêi plâ hơnăm.

VOV4.Xơ Đăng - Hô̆i đong ngăn vâ tối nhên, klâ túa pơxá tơmeăm vâ pơxá OCOP kong pơlê Dak Lak nếo tơbleăng i nâi 17 tơmeăm châ mơnhên OCOP 4 hơlŏng râ kong pơlê rôh má 1, mơdêk tâi tâng kơxô̆ ki mê tâk troh 237 tơmeăm OCOP a kong pơlê kố.