VOV.Xơ Đăng - Kuăn pơlê hiăng hlo “plâi pơtáu” dêi tơná tro mơnhâu, khu mơdró kâ tê ngi kong têa ê dế lăm tăng tíu tê tung tơdroăng ôh tá mơhúa, ƀă tơdroăng mơjiâng mâu kơpong sầu riêng châ tro tiô pơkâ, mơdêk “rơhăm rơtal dollars” dêi kơvâ plâi, mot tung môi “rôh ki kal”.

VOV.XơĐăng - Hlo ki tơ’lêi  tâ tú pơreăng châi klêa chu châu Phi, kô tâ tú lâp lu, kong pơlê Gia Lai dế mơ-eăm tăng ngăn ing tíu păn chu, poh chiê xâ hơ’nêh, chơ djâ, tê hơ‘nêh chu vâ mơdât pơreăng châi klêa chu châu Phi lơ tâ tú lâp lu.

VOV.Xơ Đăng - Tơdroăng kong pơlê Lâm Đồng pêi kơtăng rak ngăn 337 mah kơxô̆ kơpong pêt sầu riêng tê ăm kong têa ê a tơnêi lối 13.000 ha kô veăng mơdêk ki nhoăm ƀă ki pơxúa dêi plâi sầu riêng dêi kong pơlê.

VOV.Xơ Đăng - Pơreăng châi klêa chu châu Phi dế tâ tú troh lâp lu tung lâp tơnêi têa. Hlo tơdroăng kố, mâu kong pơlê Dak Lak, Gia Lai dế mơeăm tơkŭm mơdêk rơdêi mâu troăng hbrâ mơdât pơreăng vâ rak vế tơniăn tung păn mơnăn mơnoâ, tơniăn tơdroăng rêh ối kuăn pơlê.

VOV.Xơ Đăng - Klêi kơ’nâi châ hlo tung pơlê ai khu chu tro tâ pơreăng châi klêa chu Châu Phi, Viƀan kong pơlê Lâm Đồng hiăng tơbleăng mơ-éa hnê mơhno mâu kơvâ cheăng, khu cheăng ki tơdjâk; mâu cheăm, bêng, kơpong cheăng kâ pêi pro kơtăng, tơdâng tơ’mô mâu troăng hbrâ, mơdât.

VOV.Xơ Đăng - Pơla kố hên túa pơreăng ki rơ-iô tâ tú a ro chu í kô tơ’’lêi tâ tú troh lâp lu. Tung mê, kong pơlê Dak Lak dế tơkŭm mơdêk mâu tơdroăng pêi pro hbrâ mơdât pơreăng vâ rak tơniăn ăm tơdroăng păn mơnăn, tơniăn tơdroăng rêh ối kuăn pơlê.

VOV.Xơ Đăng - Tung pơla tê plâi sầu riêng ăm kong têa ê dế trâm pá ‘na séa ngăn pêi hôm krúa lĕm, hôm ai hên pơkeăng, tăng xiâm tơnêi pêt ƀă tơniăn kơpong pêt, kong pơlê Dak Lak dế tơbleăng troăng hơlâ pêi pro kơtăng vâ rak ki nhoăm dêi plâi sầu riêng drêng vâ chê troh rơnó krí.

VOV.Xơ Đăng - Hlo ki ôh tá tơniăn dêi pơreăng a chu, Vi ƀan hnê ngăn kong pơlê Gia Lai pơkâ mơjiâng pro 4 tíu gâk hbrâ mơdât pơreăng a chu a kong pơlê.

VOV.Xơ Đăng - Ing tơnêi tơníu ki hmâ pêt hdrê loăng plâi kâ ƀă păn mơnăn mơnôa tiô khôi hmâ, nôkố, kơpong kong ngo dêi kong pơlê Khánh Hoà dế po rơdâ troăng prôk ki nếo: tơrŭm ‘na pêi chiâk deăng ƀă ôm hyô pơlê pơla. Mâu kơdrum plâi krui ƀŏng, kơdrum plâi cherry, klôh păn ká, têa krông, xí têa ƀă hên hĭn mâu tơmeăm ki ê dế chiâng tíu ki tơ’mot krâm kuăn pơlê troh pôu ngăn, ôm hyô.

VOV.Xơ Đăng - Kong pơlê Gia Lai tối vâ ‘no dâng 17.000 rơtal liăn vâ kâng pro rơchôa, vâ ai têa tôh báu loăng plâi, ai tiô kal vâ mơnhông pêi chiâk pêt loăng plâi ƀă mơjiâng mâu kơpong pêi cheăng ki kân.