VOV4.Xơ Đăng - Tung tơdroăng a hâi lơ 9, lơ 10 khế 5, khu chêh hlá tơbeăng Kơ koan teăng mâ kơpong Tây Nguyên - Rơ’jíu Việt Nam hiăng chêh nhên tơdroăng kong tô ó dế ai a Tây Nguyên, hên deăng pêt loăng plâi hiăng tro chếo. Pơkâ pêi ối ‘ro, ‘no liăn cheăng ôh tá bê tŭm, tơdroăng xúa têa tôh ôh tá ‘nâi kơdĭng cho ki xiâm pro kơpong kố hơnăm ki lâi xuân khăng khoăng, mơhé têa mêi plâ hơnăm châ rơtal met khô̆i têa.

VOV4.Xơ Đăng - Tung tơdroăng hâi kố, ngin tối ‘na tơdroăng kong tô mơdrăng khăng khoăng dế tô ó a Tây Nguyên, hên hĭn mâu ƀăng tơnêi pêt kơphế tro răng hlâ, kuăn pơlê ki pêi chiâk tô tuăn xua mâu tơmeăm pêt ôh tá bê têa tôh vâ ăm reăng, kơ’muăn plâi tung pơla yă kơphế dế to kơnâ ó. Phá tơviah tâ, Tây Nguyên tô mơdrăng khăng khoăng maluâ achê tíu xiâm dêi 4 to kroăng kân, mê cho: Srêpôk, Sê San, Đồng Nai ƀă kroăng Pa, ƀă kơdró têa lối 50 rơtal met khô̆i tung môi hơnăm. Kơpong Tây Nguyên xuân ai tâi tâng têa long mê rêm hơnăm tâk troh 100 rơtal met khô̆i. Têa hên la ti lâi hơnăm ki lâi Tây Nguyên xuân trâm kong tô ôh tá ai têa?

VOV4.Xơ Đăng - Mơhé hiăng ai môi péa roh kong mêi apoăng rơnó, la a hên kơpong a kong pơlê Kon Tum dế tô mơdrăng ó ôh tá ai têa toh mâu loăng plâi ƀă mơni kô ai on chếo kong a râ ki rơ-iô.

VOV4.Xơ Đăng - Yă kloăng kơphế to kơnâ ó má môi sap nah tá hâi chói hlo, ing mê, khoh pro xiâm hdrê kơphế ki tê a kơchơ ôh tá bê vâ tê ăm kuăn pơlê. A tơdế rơnó tô mơdrăng khoăng khoăng, têa kroăng, têa krông, têa long hiăng xiâ tâi, khu mơdró hdrê kơphế xuân ối châ chiâng pêi pro, xo tâi tâng a dêi xiâm hdrê a mâu kơdrum ki mơdâ, tơkôm tê vâ châ liăn tơkâ, drêng pơla ai hên ngế tơbriât pêt kơphế apoăng rơnó mê vâ chê troh. Kơphế Việt Nam hôm pơtối po rơdâ tơnêi tíu ƀă pêi mơjiâng lối hên xuân cho tơdroăng ki ối pơtối ai tung to lâi hơnăm la ngiâ ah nếo, laga, ki tôu tuăn ó má môi mê cho hdrê loăng kơphế hiăng ai dế nôkố, la ki păng ‘nâng ti ‘nâi ga hôm dâi lĕm lơ ôh.

VOV4.Xơ Đăng - Tây Nguyên dế tơkâ luâ môi rơnó kong tô ó má môi sap ing nah ta troh nôkố tá hâi chói hlo. Hên deăng pêt loăng plâi hiăng hŏn tâi, hlâ xua kong tô pro lŭp cheăng kâ. Tơdroăng ki vâ tối akố, Tây Nguyên cho tíu ai hên têa kroăng, têa krông, tâi tâng têa mêi tâk troh 100 rơtal met khối rêm hơnăm, luâ tơdroăng kal vâ tôh 2 rơtuh ha loăng plâi. Tung pơla mê, rơnó tô mơdrăng cho rơnó ki tơ’lêi hlâu ăm mâu loăng plâi ki xiâm mê cho kơphế, tiu, sầu riêng... lo reăng kơ’muăn plâi; tâng ai xiâm têa hbrâ tôh, rơnó mơdrăng kô chiâng “rơnó mêa’’. Kố cho môi tơdroăng vâ tối tung hên ƀai “Tây Nguyên khuô̆t têa: pro ti lâi vâ rơnó tô mơdrăng chiâng rơnó mêa’’ .

VOV4.Xơ Đăng - Kơxo hâi lơ 5/5, pôa Trần Lưu Quang, Ngế pro xiâm phŏ hnê ngăn tơnêi têa hiăng rơtế ƀă mâu kăn dêi Chin phuh lăm séa ngăn tơdroăng cheăng rak ngăn ƀă hbrâ mơât ôn chếo kong a tơring Sa Thầy, kong pơlê Kon Tum.

VOV4.Xơ Đăng - Nôkố, hên tơmeăm pê lo ki xiâm dêi Tây nguyên mê cho: kơphế, tiu, sầu riêneg… tê ai yă hiăng kum pơ’lêh tơdroăng rêh ối dêi kuăn pơlê mê ối po rơdâ kơchơ tê ăm kong têa ê. Mơhé xua tơdjâk dêi Elniño pro kong tô mơdrăng ó tơdjâk kân troh hênn loăng plâi a Tây Nguyên, la kuăn pơlê xuân mơ-eăm tơkâ luâ xơpá xua kong prâi pro pơtối pêi cheăng kâ vâ kring vế hnoăng pêi cheăng dêi tơná:

VOV4.Xơ Đăng - Pơla hdrối mê hía nah, klêi kơ’nâi hnê mơjiâng tơdroăng cheăng pêi, hên mâu ngế ki pêi cheăng a mâu thôn pơlê dêi kong pơlê Dak Lak, maluâ cho mâu hdroâng kuăn ngo ki iâ mơngế hiăng tăng xêh tơdroăng cheăng pêi, pêi cheăng châ lo liăn ngân, tơniăn tơdroăng rêh kâ ối. Tơdrêng amê, tơdroăng hriâm cheăng xuân hiăng kum ăm kuăn pơlê po troăng prôk ki nếo drêng mơjiâng mâu tôh pêi cheăng - mơdró kâ a kong pơlê kố.

VOV4.Xơ Đăng -  Kơxo hâi lơ 26/4, a pơlê kong kơdrâm Buôn Ma Thuột, Khu mơhnhôk tê mơdró - Khu xiâm ngăn tê mơdró tơrŭm ƀă Vi ƀan Kuăn pơlê kong pơlê Dak Lak tơkŭm po Hôp mơhnhôk tê mơdró ƀă mơnhông tê rôe tơmeăm kong têa ê kơpong Tây Nguyên.

VOV4.Xơ Đăng - Kong tô mơdrăng ó ton hâi hiăng pro hên deăng pêt kơphế a tơring Đăk Hà, kong pơlê Kon Tum chếo hlá, khăng kho tơkâng hlối tơruih plâi.