VOV.Xơ Đăng - Rơnó kố, tung lâp mâu tơbăng klâng báu a mâu cheăm Chư A Thai, Phú Thiện, Ayun Pa, kong pơlê Gia Lai hiăng pơxiâm mot tung rơnó pôe báu. Idrâp kơmăi chuât rơdêng, mâu ƀăng klâng eăng lĕm kơpâu báu tum, pơtroh ăm hiâm tuăn hơniâp ro ăm vâi krâ-nhŏng o kuăn pơlê ki pêi chiâk pêi deăng. Khoh châ ai mâu tơdroăng mê, pakĭng ki kơdo mơ-eăm dêi kuăn pơlê, mê ối ai tá tơdroăng ki veăng gum ki kal kân khât dêi rơchôa, hno têa Ayun Hạ.

VOV.Xơ Đăng - Drêng hlo ai tơdroăng kal vâ tăng rôe ƀă tơdroăng pro kơtăng khât dêi mơngế ki rôe xúa, hên khu mơdró, tíu pêi cheăng a Dak Lak hiăng hbrâ tung tơdroăng ki pơhlêh nếo, pêi mơjiâng hên kế tơmeăm, xúa kơmăi, hyôh internet vâ po rơdâ ó rơdêi inâi dêi kế tơmeăm ƀă hnối châ tơbriât mơ’no tê dêi kế tơmeăm Việt Nam troh a mâu kơchơ kong têa vâi ê.

VOV4.Xơ Đăng –  Viê̆n Khoa hok Kih thuât Pêi chiâk deăng - Pêt kong Tây Nguyên nếo tối tơdroăng cheăng ‘’Pêt tơvât plâi sầu riêng ƀă mắc ca tung kơdrum kơphế: Pơxúa, pơloăng mơnúa ƀă troăng pêi kŏng ngê̆’’.

VOV4.Xơ Đăng - A hduô ngo Cổng Trời An Toàn, cheăm An Toàn, kong pơlê Gia Lai, ối a ‘ngêi vâ chê 800m tâng vâ pơchông ngăn ƀă kơlo têa kơxĭ, plâ hơnăm to inôa lâm tâ tá, ôh tá ai hyôh phôn, ôh tá ai hyôh wifi ƀă hên mâu tơdroăng ki ê. A tíu ki dó xêh tơklâ krê ƀă lâp plâi tơnêi mê, on veăng hơnăm ối nếo inâi cho Võ Minh Mơ ƀă Đinh Lê Tuấn Anh hiăng rah xo tíu kố vâ pơxiâm mơjiâng tơdroăng cheăng dêi pâ pôa nah, mơjiâng pro Khu pêi cheăng tơrŭm cheăng Pêt loăng nhâ pơkeăng ƀă tê mơdró An Lão ing hơnăm 2022. Hnoăng cheăng xiâm dêi prế on veăng kô hiăng vêh mơnhên hnoăng cheăng ki pêt loăng hâng tung kong kế kân rơdâ, vêh pro pơxúa ăm vâi krâ-nhŏng o ƀă hên tơdroăng hơniâp ro ăm kong kế, ngo ngối.

VOV.Xơ Đăng - Kuăn pơlê Lâm Đồng dế troh rơnó tơnăng ká ton tâi khế 9 âm lĭt ƀă tung mâu hâi hdrối hên plong tuk tung kong pơlê ki tơnăng ká nuk hiăng châ xo hên ká kum kuăn pơlê ki ‘nâ  châ xo hên.

VOV.Xơ Đăng - Dak Lak dế mot tung rơnó krí plâi sầu riêng ki păng ‘nâng. Phá ƀă tơdroăng ki hlo hơniâp dêi mâu hơnăm hdrối, kơchô mơdró hơnăm kố hlo tơniăn tâ. Tơdroăng tơbriât roê tê a kơdrum hlo kơdroh ki pá, yă tê tơniăn tâ, khu ki roê kơtăng tâ tung mâu khu ki roê. Ki pơhlêh kố tối nhên tơdjâk sap ing tê ƀă roê pơkâ thế kơtăng pá tâ dêi kơchô mơdró ƀă luât pơkâ pêi ki nếo châ xúa.

VOV.Xơ Đăng - Hâi lơ 7/9, khu mơdró Sinuâ hiăng ai rôh lăm pêi cheăng, lăm ngăn kơpong pêt, hngêi kơmăi kơxuô tâ tung kơthung ƀă tăng ngăn vâ ‘nâi rôh tơ’lêi tơrŭm cheăng ƀă kơvâ pêt sầu riêng a kong pơlê Dak Lak.

VOV.Xơ Đăng – Krui kơxái chiâng tơmeăm vâ tê châ rơtal dolar, ki rơhêng vâ tối a mâu kơchơ mơdró môi tiah EU, Mih, Úc, Hàn Quốc.

VOV.Xơ Đăng - Kong pơlê Lâm Đồng ai 642 rơchôa tíu mơ’no têa tơdjuôm a kơpong tung thôn  la nôkố vâ châ tơdế ôh tá chiâng xúa xếo xua ôh tá rơkê kơhnâ ngăn krâu.

VOV.Xơ Đăng - Tơmeăm pê lo ing chiâk deăng kong ngo Khánh Hòa dế ôh tá ai tíu vâ tê tơniăn, yă tê rơpâ xua tơmeăm khoăng ôh tá dâi lĕm, pro ‘măn ton kơdroh há, ƀă ôh tá ai khu mơdró ‘no liăn pêi cheăng tŭm tơdroăng. Vâ mơnhông krá ton, kal ai luât pơkâ krê ‘na tơnêi, pro hnoăng mơhá, ‘na mung liăn pêi cheăng hlối tơtro ƀă tơrêm kơpong, tơrêm túa pêi cheăng kâ.