VOV4.Xơ Đăng - Nôkố, pơlê kong kơdrâm Đà Lạt, dế tơbleăng 30 tíu ki pêt reăng, pôm, plâi a kong.

VOV4.Xơ Đăng - Thăm mơdêk tơdroăng pêi chiâk pêi deăng tro tiô túa xúa phon hlá nhâ ki ‘nâi nhên xiâm xo hdrê ga ƀă tơrŭm mơnhông pêi tiô túa ki kâ tơmeăm pêi long ing chiâk deăng ki tơtro ƀă hyôh kong prâi, mê kơphế dêi kong pơlê Lâm Đồng thăm rế mơnhên inâi dêi tơná tung mâu kơchơ tung lâp tơnêi têa ƀă mơ’no tê hên troh ngi kong têa vâi ê.

VOV4.Xơ Đăng -”Mơnhông tâ mê nếo tơmeăm ki ai ƀă tơ’lêi hlâu pơchông tung kơvâ Pêi chiâk deăng ƀă Mơnhông thôn pơlê pơla Việt Nam ƀă Hàn Quốc” cho tơdroăng xiâm dêi hneăng hôp tơpui tơno “Troăng tơmiât tơrŭm cheăng Việt Nam – Hàn Quốc tung kơvâ pêi chiâk deăng ƀă mơnhông thôn pơlê 2024 – 2030” xua Khu xiâm pơkuâ ‘na pêi chiâk deăng ƀă mơnhông thôn pơlê tơrŭm ƀă Kơ koan tơrŭm cheăng lâp plâi tơnêi Hàn Quốc (Koica) tơkŭm po kơxo lơ 18/3 a Hà Nội.

VOV4.Xơ Đăng - Dế mot tung rơnó krí plâi hôt ki păng ‘nâng, la kuăn pơlê pêi chiâk a Gia Lai ôh tá ai ro ki klâi xua plâi hôt ôh ti dâi, yă ôh tá kơnâ tâng pơchông ƀă  hơnăm nah. Kơvâ ngăn ‘na chiâk deăng hiăng mơ’no troăng hơlâ: ƀă tơnêi ki pêt loăng ôh ti dâi, plâi ôh tá kơtóu xua hdrê ôh ti dâi mê kô mơhnhôk kuăn pơlê hơ’lêh pêt hdrê loăng hôt ki dâi lơ hơ’lêh pêt mâu hdrê loăng plâi kâ, loăng ki kơnâ liăn lơ pêt mâu hdrê loăng pơkeăng pá kơdâm xiâm loăng hôt.

VOV4.Xơ Đăng - Pêi pro ‘’Xúa kŏng ngê̆ 10 rơpâu xiâm loăng sầu riêng a lơgât loăng ngiât’’, hâi lơ 17/3, droh rơtăm kong pơlê Dak Lak tơrŭm ƀă mâu tíu cheăng ki tơdjâk pơxiâm krâ mah QR ăm loăng plâi sầu riêng a cheăm Chư Kpô, tơring Krông Ƀuk.

VOV4.Xơ Đăng - Tung mâu tơdroăng cheăng pơla péa pâ a Mih drêng veăng hôp a Hneăng hôp rôh má 68 Vi ƀan tíu pêi cheăng vâi kơdrâi dêi Hô̆i đong cheăng kâ, rêh ối pơlê pơla Khu lâp kong têa, jâ Võ Thị Ánh Xuân, Kăn xiâm phŏ hnê ngăn tơnêi têa hiăng tơdah pôa Thomas J.Vilsack, Ngế xiâm ngăn chiâk deăng Mih.

VOV4.Xơ Đăng - Vi ƀan kong pơlê Lâm Đồng nếo diâp mơnhên OCOP châ plah 4 hơlŏng ăm 21 tơmeăm, mơdêk tâi tâng tơmeăm châ plah OCOP tung kong pơlê tâk vâ chê 400.

VOV4.Xơ Đăng - “Ngăn nhên a tơdroăng kal kí dêi tơdroăng Pơkâ 10 vâ môi tuăn rak ngăn Tơnêi têa tung rak ngăn ‘na tơnêi tơníu ƀă tơmeăm khoăng tung kơdâm tơnêi, malối tung séa ngăn ƀă tí tăng ‘nâi plĕng vâ ‘nâi ai tơmeăm khoăng tung kơdâm tơnêi. Kố cho tơdroăng pơkâ dêi pôa Trần Hồng Hà, Ngế pro xiâm phŏ hnê ngăn tơnêi têa tơpui a hneăng hôp tơmâng tơbleăng ‘na tơdroăng tơkêa bro Luât tơnêi tơníu ƀă tơmeăm khoăng tung kơdâm tơnêi hôp a kơxo lơ 13/3, a tíu pêi cheăng Chin phuh.

VOV4.Xơ Đăng - Dế nôkố, kuăn pơlê ki pêi chiâk a mâu kong pơlê tung kơpong Tây Nguyên dế phiu ro mot tung rơnó xiâm krí tiu hơnăm 2024. Yă pơ’leăng tiu kơnâ sap ing 93 troh 95 rơtuh liăn 1 tâ̆n, cho kơlo yă ki kơnâ ó má môi ing hơnăm 2016 troh nôkố. Maluâ yă tiu dế to kơnâ ƀă châ a kơlo 95 rơpâu  liăn 1 kilô la kuăn pơlê ki pêi chiâk xuân tá hâi teăm thâ rĕng mơ’no tê dêi a kơchơ. Xua ga, tiô tơmiât dêi kuăn pơlê, kơxô̆ liăn ki mơ’no pêt mê kơnâ, xua mê, liăn ki tơkâ xuân ối iâ tá hâi xê hên.

VOV4.Xơ Đăng - Ai 8 rơpâu rơpŏng pêt kơphế a ƀăng tơnêi kŭn a kơpong xơpá dêi kong pơlê Dak Lak kô châ kum pêi pro pêt kơphế krá ton hmâ ƀă kong prâi hơ’lêh pơla hơnăm 2023 – 2028.