VOV.Xơ Đăng – Hâi lơ 18/6, Khu cheăng bêng Đông Gia Nghĩa, kong pơlê Lâm Đồng dế thâ hdró kơpong, mơdât pơreăng chu châu Phi nếo xông tâ tú tung bêng, tơdrêng amê tơkŭm prâu tah tâi tâng khu chu tro tâ pơreăng vâ mơdât pơreăng xông tâ tú rơdâ.

VOV.Xơ Đăng - Klêi kơ’nâi môi tuăn, kong pơlê Gia Lai nôkố ai 283 to rơchoâ long têa ƀă tơdroăng ki ‘măn dâng 1,2 rơtal met khô̆i têa.

VOV.Xơ Đăng - Hdrối nah, cho môi kơpong ki pêi pêt kế tơmeăm ôh tá dâi lĕm, xua tơnêi khăng kơtôu, hên tơnêi tíu ki pêi chiâk pêi deăng a Dak Lak dế châ pơhlêh ing pêt alâi tơkôm krâ ‘nôi nêó ko xo, mê nôkố, kuăn pơlê hiăng ‘nâi ko xo dêi drêng ối kơbâng. Ƀă châ xo lối 100 rơtuh liăn rêm ha môi hơnăm, túa ki tơrŭm cheăng pơla kuăn pơlê pêi chiâk pêi deăng, khu mơdró kâ ƀă khu râ kăn pơkuâ ngăn ối mơjiâng khu ki vâ rôe xo alâi, ‘mâi po kơlâk, rơbliê tơnêi, pêi pêt hên hdrê loăng ki ê vâ khoh châ ai kế tơmeăm ƀă hnối mơjiâng khu tơrŭm cheăng kâ krá tơniăn ton ăm kơvâ ki păn mơnăn mơnôa.

VOV.Xơ Đăng - Luât pơkâ “tơmeăm pêi krúa rĕng châ tê’’ ƀă tâi tâng mâu tơdroăng châ bro kơxô̆ tâi tâng ƀă tăng ‘nâi xiâm rêi tíu pêt mơ jiâng ƀă mah QR châ tơgah kô kơdroh hâi chôu séa ngăn a tíu tê mơdró tíu tơkăng kong, kơdroh kơxô̆ liăn ‘no cheăng logistics ƀă mơdêk ivá tơbriât tê plâi sầu riêng a mâu kơchơ. La klêi kơ’nâi lối péa khế tơbleăng pêi, luât ki mê xuân hâi mơhno ki pơ’lêh nhên. Tung pơla mê rơnó krí plâi hên má môi tung hơnăm a Tây Nguyên hiăng vâ chê troh, tơdroăng po troăng “tơ’lêi hlâu” tung tê plâi ăm kong têa ê pơtối cho tơdroăng ki kal khât ƀă kơvâ cheăng ki kố

VOV.Xơ Đăng - Drêng pơkâ mơnhông mơdêk pêi chiâk deăng tiô troăng rơxông nếo ƀă krá tơniăn, kong pơlê Lâm Đồng dế kơjo po rơdâ mâu troăng pêt mơjiâng tơmeăm pêi lo ing chiâk deăng krúa lĕm kong prâi, rơkê, xúa kŏng ngê̆ rơxông nếo vâ pêt mơjiâng tơmeăm tiô pơkâ rế hía rế hên dêi kơchơ mơdró.

VOV.Xơ Đăng - Tíu xiâm Hnê mơhnhôk tơnêi têa, Viê̆n Khoa hok Kih thuât Chiâk deăng Pêt kong Tây Nguyên rơtế ƀă mâu khu hnê ngăn cheăng ai tơdjâk nếo tơkŭm po túa cheăng hnê tối ‘na kŏng ngê̆ mơdâ pêt krá tơniăn. A kơpong ki pêi pêt mơnúa mê, lối hrĭng ngế kuăn pơlê, kăn ƀô̆ hnê mơhnhôk pêi chiâk deăng ƀă mơngế ki hriăn plĕng ‘na kơvâ chiâk deăng hiăng ai roh lăm pôu ngăn túa pêt, rak ngăn plâi sầu riêng ƀă kơphế xúa ki rơkê plĕng dêi khoa hok kih thuât, tơtro bă ki pơhlêh dêi hyôh kong prâi ƀă pơkâ thế rế hiá rế tơxâng ƀă tơdroăng ki kal vâ dêi kơchơ tê mơdró ƀă kong têa ê.

VOV.Xơ Đăng - Hơ’lêh hyôh kong prâi rơnó tô mơdrăng ton hâi, rơnó mêi têa lân lu tơnêi rơlâm tơhnâp. Tung pơla mê, ki mơnhông pêi chiâk deăng rĕng mơhno pơkâ Tây Nguyên dế hlo hên ki pá ‘na kơnhŏng têa. Drêng mâu râ têa mŏng rế xhiâ, tơdroăng ki pá ‘na mơnhông tơbrê ôh ti xê mơdêk pê lo lơ ki pơxúa tê ăm kong têa ê, mê cho rak kơnhóng têa vâ pơtối ai têa vâ rêh ối ƀă la ngiâ kô mơnhông pêi hiâk deăng ngiêt lĕm krúa, krá tơniăn ton.

VOV.Xơ Đăng - Vâ râk kong châ tơniăn, khu rak ngăn kong Quảng Ngãi hiăng tơrŭm pêi pro hên tơdroăng xúa flycam ăm séa ngăn ing a ‘ngêi hlối tơkŭm ăm mâu tôh lăm tăng ngăn kong, prôk ối tung kong. Ing a tơnêi troh a ‘ngêi, tơdroăng kring vêa rak ngăn châ hbrâ rơnáu, vâ rĕng châ ‘nâi lơ ai on chếo kong a rơnó tô hlối rak ăm ngiêt lĕm hrĭng rơpâu hectar kong.

VOV.Xơ Đăng - Tơdroăng ki ôh tá vâ kĭ tơkêa tơrŭm tê mơdró, ‘nhiê tah lôi tơrŭm cheăng dế pro tơ’nhiê lôi tŭm tơdroăng ki vâ rôe xo kế tơmeăm pêi lo ing chiâk deăng. Tuăn tơmiât ki pêi cheăng bu pơtân hâi kố hâi tá, ôh tá xê to pro pơloăng kân ăm khu mơdró, khu ngăn pêi cheăng tơrŭm, mê ối tah lôi ki tơ’lêi hlâu dêi kuăn pơlê pêi chiâk pêi deăng ahdrối vâ mot tung tơdroăng ki tê mơ’no kế tơmeăm ki ai hlá mơ-eá mơnhên ki păng ‘nâng, ing mê pơkal athế ai túa cheăng ki tơdrăng, tơtro, ƀă tơdrăng khât.

VOV.Xơ Đăng - A bêng Pleiku, Khu pơkuâ Kơmăi kơmok tê mơdró kong pơlê Gia Lai tơkŭm po Hôp tơno tơdroăng kal tơdjêp tơmeăm pêi lo ing chiâk deăng, tơmeăm OCOP ƀă ki phá tơ-ê ki má môi hơnăm 2026.