VOV.Xơ Đăng - Mâu kong pơlê kơpong Tây Nguyên dế mot tung rơnó krí kơphế hneăng hơnăm 2025-2026. A mâu cheăm pêa mâ hâi lu pa hdroh kong pơlê Lâm Đồng (ahdrối nah cho mâu tơring Dak Rlâp, Dak Song, Dak Mil, Tuy Đức ƀă Čư̆ Jut dêi kong pơlê Dak Nông), kuăn pơlê hiăng krí xo dêi lối hrĭng rơpâu tâ̆n kơphế. Mâu rơxế tu tuh kơtâu pơtăng dêi pó tung rơnó krí kơphế ing mê, kô tơ’lêi chiâng ai tơdroăng ôh tá tơniăn drô troăng prôk. Khu râ, kơvâ cheăng rơtế ƀă kuăn pơlê dế pơkâ pêi pro tơdrêng mâu troăng hơlâ ki vâ kring vế tơniăn drô troăng prôk ƀă hnối rak tơniăn ăm vâi krâ-nhŏng o tung rơnó krí dêi kơphế tơniăn.

VOV.Xơ Đăng - A bêng Pleiku, kong pơlê Gia Lai, Khu xiâm ngăn tơdroăng ki pêt tơmeăm ƀă Rak vế pơkeăng xôh kơdê oâ hdrong rơtế ƀă Khu ngăn chiâk deăng ƀă Hyôh kong prâi kong pơlê Gia Lai rơtế ƀă mâu tíu pêi cheăng ki ai tơdjâk tơkŭm po Rôh hôp “Mơnhông kơvâ krui kơxái krá ton tiô túa tơrŭm”.

VOV.Xơ Đăng -  A Buôn Ma Thuột, kong pơlê Dak Lak, Khu ngăn Kơphế Buôn Ma Thuột (BMTCA) ƀă Khu mơdró Kơphế Daegu (DCA – Hàn Quốc) hiăng kĭ tung Hlá mơ-éa chôu pâ tơrŭm cheăng vâ mơdêk tơbleăng, tơdjêp tê mơdró ƀă mơhnhôk po rơdâ tơnêi pêt kơphế a pơla péa kong pơlê.

VOV.Xơ Đăng - Dak Lak nôkố ai lối 800 rơpâu ha loăng plâi tŭm túa, tung mê kơphế, tiu, plâi sầu riêng ƀă loăng plâi kâ dế chiâng tơmeăm pê lo hên. Mâu hơnăm achê kố, hên rơpŏng kuăn pơlê hiăng khên tơnôu xúa kŏng ngê̆, hiăng chiâng tiê pêi lo xêh mâu tơdroăng cheăng pêi ƀă kơxô̆ a tung pêi chiâk. Mâu túa ki mê ôh tá xê to pơ’lêh tuăn tơmiêt tung cheăng kâ mê ối pro xiâm ăm tơdroăng mơjiâng kơpong pêi lo tơmeăm ƀă kơxô̆, ai tiô púi vâ dêi kơchô mơdró.

VOV.Xơ Đăng - Mâu tơdroăng ki tơmiât pêi rơkê má môi ăm kơvâ kơphế Việt Nam hiăng châ ô eăng a Rôh tơ’noăng má mơ’nui ƀă Leh diâp pri Rôh tơ’noăng “Troăng hơlâ Pơhlêh nếo tơmiât pêi rơkê hmâ ƀă kong prâi pro pơhlêh ăm kơvâ kơphế” po a hâi lơ 10/12,a Hngêi trung Đại học Tây Nguyên, kong pơlê Dak Lak.

VOV.Xơ Đăng - Pêi pro túa pơkâ kăn pơkuâ 2 râ, kong pơlê Lâm Đồng hiăng ăm pơtê tâi tâng 14 Tíu cheăng Kih thuât pêi chiâk deăng kơpong, ƀă pơtroh lối 300 ngế kăn ƀô̆ hnê mơhnhôk pêi chiâk troh a cheăm. Kố châ ngăn cho hvêa chêng prôk pơhlêh ki ó rơdêi, po troăng ăm túa pơkuâ nếo tung kơvâ pêi chiâk, ăm mâu kih thuât ki rơkê troh achê tâ ƀă kuăn pơlê.

VOV.Xơ Đăng - Ing kơpong tơnêi ki pá ƀă tơdroăng ki pêi chiâk deăng ki xiâm cho pêt báu, alâi, mê nôkố kơpong ngo Lang Biang, kong pơlê Lâm Đồng hiăng eăng mơngiơk khêi dêi mâu ƀăng tơnêi pêt reăng krâ inâi ki châ vâi ô eăng “Reăng rôsa Lang Biang”. Hdrê reăng rô sa a Lang Biang ôh ti xê krâ inâi ki lĕm mê ối djâ ăm tơdroăng rêh ối kro mơdrŏng, phâi hơtôu tâ ăm hên kuăn pơlê a tíu kố.

VOV.Xơ Đăng - Kong prâi pro pơhlêh rế hía rế ôh tá tơniăn tơdjâk ti xê iâ troh tơdroăng rêh kâ ối, pêi chiâk pêi deăng dêi kuăn pơlê. Pêt kơphế a Tây Nguyên xuân dế chiu tơdjâk hên ing kong prâi pro pơhlêh. Tơdroăng ki kơdrâ pơhlêh dêi hyôh kong prâi pa kong mê ƀă hên ki ê pâ thế kuăn pơlê pêi chiâk kal rơkê, ƀĕng ƀeăn tâ tung xúa kih thuât pêt rak ngăn mâu hdrê loăng.

VOV.Xơ Đăng -  Drêng mâu tơdroăng tro lŭp dêi mơngế pêt kơchâi drêh, kơvâ pêi chiâk deăng ƀă khu râ kăn pơkuâ mâu cheăm kơpong ki xiâm pêt kơchâi drêh dêi kong pơlê Lâm Đồng xuân hiăng pêi pro tơdroăng mơnhôk pêi chiâk deăng, ăm mung liăn pêi chiâk deăng vâ tŏng gum kuăn pơlê kơdo mơ-eăm xông vêh pêt mơjiâng tơmeăm khoăng.’’

VOV.Xơ Đăng - Vi ƀan kong pơlê Dak Lak tơmâng hên tối rơdêi pơkâ krí kơphế thế tum, tơniăn ki dâi lĕm, pôi xua xâu kong prâi ôh tá lĕm mê krí kơphế ki ối drêh ngiêt.