VOV.Xơ Đăng - A kơpong tơnêi tíu ki to tơnêi prêi a cheăm Ia Hrŭ, kong pơlê Gia Lai, ai lối 1.000 rơpŏng kuăn pơlê ki hên cho vâi krâ-nhŏng o hdrông kuăn ngo Jarai hiăng pơhlêh ing tơdroăng pêt alâi, pôm, prá pêt kơtếo. Ki dâi lĕm khât ƀă yă tê kơtếo mê tơniăn gum ăm tơdroăng rêh ối dêi vâi krâ-nhŏng o chía tơniăn tâ iâ, hên rơpŏng hngêi châ hluăn ing kơtiê, châ mơjiâng pro hngêi, ai liăn rôe rơxế. Khu kăn hnê ngăn ƀa khu mơdró kâ pơtối rơtế gum ăm kuăn pơlê vâ kơtếo chiâng kế tơmeăm ki gum ăm tơdroăng rêh kâ ối tơniăn tâ ăm kuăn pơlê a kơpong tơnêi ki khăng khoăng kố.

VOV.Xơ Đăng - Tung pơla pơ’lêh kơxô̆ túa mơdêk ƀă tơrŭm dêi lâp plâi tơnêi ‘na hơ’lêh hriăn plĕng ki nếo, pơla hơnăm 2021- 2025, kong pơlê Lâm Đồng hiăng hbrâ tơbleăng hên tơdroăng, pơkâ, ƀă tơdroăng pơkâ vâ tơbleăng lâp lu ing pơxiâm pêi cheăng hơ’lêh nếo tung tâi tâng pơlê pơla.

VOV.Xơ Đăng - Mâu hơnăm achê kố, khoa hok kong ngê̆ mơnhông rơdêi pro tơdroăng rêh ối pơ’lêh tơrêm hâi a  tŭm tơdroăng. Tung pêi chiâk, hên kuăn pơlê hiăng khên xúa drone - tơmeăm ki chiâng kơneăng tiê ing hơngế) xua tung tơdroăng xôh pơkeăng choi phon ăm loăng plâi ƀă ăm hlo tơƀrê. Khu râ kơvâ cheăng xuân dế rơtế ƀă, pro hlâu ‘na pro hlá mơ-éa mơjiâng luât mơhnhôk pêi pro, xúa troh lâp lu tơmeăm ki tơ’lêi hlâu mê.

VOV.Xơ Đăng - Hriăn ngăn, xúa kong ngê̆ tung la ngiâ tung tơdroăng tôh têa rơkê plĕng, kơdĭng ăm hdrê loăng pêt a kong”, cho rôh hôp pêi chiâk deăng rơkê, hbrâ ví ƀă kong prâi pro pơhlêh ƀă rak vế tơniăn ai tŭm têa ăm kơpong Nam Trung Bộ ƀă Tây Nguyên po a hâi lơ 29/12 a Dak Lak.

VOV.Xơ Đăng - Dak Lak cho kong pơlê ki ai ƀăng chiâk deăng pêt kơphế hên má môi tung lâp tơnêi têa, ai lối 214.000 rơpâu ha, rơnó pêi kơphế hơnăm 2025-2026 krí châ 570.000 tâ̆n kloăng kơphế, kơnâ châ dâng 54.000 rơtal liăn. Rơnó krí kơphế hơnăm 2025-2026 kố, kong mêi ton pro tơdroăng ki krí, têng, uâ kơphế trâm hên xahpá, xua mâu plông ki têng plâi kơphế ôh tá châ têng kơphế tơniăn. Tung pơla mê, mâu kơmăi ki têng kơphế pêi cheăng hên, pêi châ tơƀrê, gum mâu kăn ki pơkuâ ngăn kơmăi têng mê châ xo dêi liăn hên hnối gum ăm kloăng kơphế dêi kong pơlê pơtối châ rak vế tơniăn ƀă dâi lĕm vâ châ tê mơ’no dêi kloăng kơphế hên ăm tíu ê.

VOV.Xơ Đăng - Troh nôkố, ƀăng klâng báu Tuy Hòa – kơpong pêt báu kân má môi dêi kơpong peăng mâ hâi Lo kong pơlê Dak Lak (hdrối nah ối tung kong pơlê Phú Yên) xuân tá hâi châ mơdâ pêt môi tiah rêm hơnăm. Têa kân lân lu hiăng xiâ, la mâu tơdroăng ki tơ’nhiê dêi long rơchoâ, hno ƀăng klâng ƀă hdrê báu pro lối rơpâu rơpŏng tá hâi châ mơdâ pêt báu rơnó Xeăng Tôu tro rơnó.

VOV.Xơ Đăng - Hâi lơ 23/12, a Dak Lak, Tíu xiâm mơhnhôk pêi chiâk deăng Tơnêi têa tơkŭm po hôp tơpui tơno “Tơdroăng mơhnhôk pêi chiâk deăng pơlê pơla tung khu râ kăn pơkuâ 2 râ’’.

VOV.Xơ Đăng - ía mơhot kân rôh má 13 plong mot, rơtế ƀă kong mê têa lân lu kơ’nâi mê, hiăng tơ’nhiê tơmeăm khoăng kuăn pơlê ki păn ká xi xŏng a hên cheăm bêng a kĭng têa kơxĭ dêi kong pơlê Dak Lak. Maluâ dế trâm hên xơpá, la mâu kuăn pơlê ki păn ká xi xŏng dế ối kơhnâ ‘mêng pro dêi tơdroăng, ‘mêng dêi ‘noăng klôh, hbrâ vâ kơ’nêi hdrê ká, ‘mâi mơnhông rơnó păn ki nếo.

VOV.Xơ Đăng - Mâu kong pơlê kơpong Tây Nguyên dế mot tung rơnó krí kơphế hneăng hơnăm 2025-2026. A mâu cheăm pêa mâ hâi lu pa hdroh kong pơlê Lâm Đồng (ahdrối nah cho mâu tơring Dak Rlâp, Dak Song, Dak Mil, Tuy Đức ƀă Čư̆ Jut dêi kong pơlê Dak Nông), kuăn pơlê hiăng krí xo dêi lối hrĭng rơpâu tâ̆n kơphế. Mâu rơxế tu tuh kơtâu pơtăng dêi pó tung rơnó krí kơphế ing mê, kô tơ’lêi chiâng ai tơdroăng ôh tá tơniăn drô troăng prôk. Khu râ, kơvâ cheăng rơtế ƀă kuăn pơlê dế pơkâ pêi pro tơdrêng mâu troăng hơlâ ki vâ kring vế tơniăn drô troăng prôk ƀă hnối rak tơniăn ăm vâi krâ-nhŏng o tung rơnó krí dêi kơphế tơniăn.

VOV.Xơ Đăng - A bêng Pleiku, kong pơlê Gia Lai, Khu xiâm ngăn tơdroăng ki pêt tơmeăm ƀă Rak vế pơkeăng xôh kơdê oâ hdrong rơtế ƀă Khu ngăn chiâk deăng ƀă Hyôh kong prâi kong pơlê Gia Lai rơtế ƀă mâu tíu pêi cheăng ki ai tơdjâk tơkŭm po Rôh hôp “Mơnhông kơvâ krui kơxái krá ton tiô túa tơrŭm”.