VOV.Xơ Đăng - A Dak Lak, Tơkŭm xah hêi ro Hâi Têa ƀă Kong prâi Việt Nam tơrŭm ƀă Ƀơrô Pơkuâ tơdroăng thôn pơlê nếo tơnêi têa, Tíu xiâm pơkâ pêi ƀă Séa ngăn ‘na têa Tơnêi têa rơtế ƀă Vi ƀan kong pơlê Dak Lak tơkŭm po hôp tơpui tơno dó inâi: ‘’Pơkuâ, xúa ƀă mơhnhôk mơ’no liăn rak ngăn têa ƀă pêi chiâk deăng, thôn pơlê nếo ƀă on tơhrik krúa lĕm Peăng Tơdế Tơnêi têa – Tây Nguyên’’.  

VOV.Xơ Đăng – Tung pơla Việt Nam tơmiât troh pơkâ pêi thăm mơnhông tê tơmeăm ngi kong têa ê krá ton, mâu pơkâ ‘na hbrâ mơdât pơreăng, tơniăn krúa kế kâ SPS ƀă malối cho Pơkâ 280 dêi Khu xiâm ngăn tơkăng kong Sinuâ dế pro choâng tơdroăng pá kân ăm khu mơdró kâ. Laga, kố xuân cho ivá vâ kơvâ pêi chiâk pơhlêh tiô troăng ki rơkê, tơdrăng ƀă krá tơniăn ton.

VOV.Xơ Đăng - Kuăn pơlê kong ngo peăng mâ hâi Lu kong pơlê Quảng Ngãi dế xúa kong ki kân hiăng ton hơnăm vâ pêt nhâ loăng pơkeăng pá kơdâm kong, pro “kong ngiêt lĕm” chiâng xiâm ai tơmeăm khoăng vâ rêh kâ krá ton. Ing mâu túa pêt loăng nhâ pá kơdâm kong ki chiâng xêh ing ton nah, mơngế Rơteăng nếo mơdêk pê lo liăn, hlối veăng kring vế kong ƀă pơtối rak hên túa loăng kuăn kiâ sinh hok, po troăng mơnhông  cheăng kâ rơtế ƀă hyôh kong prâi a kong ngo.

VOV.Xơ Đăng - A Gia Lai, pơla kong dế tô téa ó a rơnó mơdrăng, mơni kô tơ’lêi on chếo kâ drêng lâp tung kong pơlê nokố ai vâ chê 1 rơtuh ha kong, kân rơdâ. Hlo tơdroăng rơiô mê, mâu khu rak ngăn kong ƀă mâu tíu pêi cheăng pơkuâ rak kong dế tơbleăng pêi kơtăng tiô pơkâ “4 tơdroăng amê”, pơtối rak ngăn 100% kơxô̆ mơngế cheăng, mơdêk lăm séa ngăn, ứng dụng séa ngăn tíu on chếo ing hơngế, hlối thăm mơdêi hnê tối, mơhnhôk kuăn pơlê kĭ tơhrâ hnoăng rak ngăn kong, hbrâ mơdât on chếo kâ kong a mâu pơlê cheăm.

VOV.Xơ Đăng - Hlo ôh tá tơniăn xua pơreăng tâ tú a kơpôu ro chu í peâp, malối cho pơreăng châi klêa chu châu Phi ƀă mơni kô tâ tú dêi virus hơbáu mông tơlŏng a kơchup chêng kơpôu ro, kong pơlê Dak Lak dế tơbleăng pêi tơdâng tơ’mô troăng hơlâ vâ hbrâ mơdât rak vế mâu kơpôu ro, chu í peâp, tơniăn tơdroăng păn roăng ƀă kơdroh ki tro lŭp ăm kuăn pơlê.

VOV.Xơ Đăng - Ƀă troăng tơmiât mơnhông ngiât ƀă krá ton, kong pơlê Dak Lak dế tơkŭm mơdêk rơdêi ‘no liăn cheăng tung kơvâ pêi chiâk deăng xúa kơmăi kơmok chal nếo, kơmăi kơmok uâ pơliê tơmeăm ƀă on tơhrik vêh pro, pro chiâng ivá ăm pơkâ pêi thăm mơnhông cheăng kâ tâk péa kơxô̆ tung hneăng la ngiâ.

VOV.Xơ Đăng - A mâu cheăm kơpong ki achê tíu tơkăng kong Ea Bung, Ea Súp, Ia Lốp, tíu ki châ ngăn cho “klo, xiâm ki tô mơdrăng” dêi kong pơlê a Dak Lak, pêi chiâk deăng dế pơ’lêh nhên. Sap ing mâu ‘noăng klâng kŭn kĕn, tơngah hên to a phon hoă hok, nôkố châ tơkŭm pêi cheăng tiô troăng pêi tơdjuôm, xúa kŏng ngê̆ ki dâi lĕm, chôa lâng achê ƀă tơdroăng pơkâ pêi hưh cơ’’.

VOV.Xơ Đăng - Klêi kơ’nâi têa lân lu kân a mơ’nui hơnăm 2025 pro hlâ rong hên kuăn pơlê ƀă tơ’nhiê hên kế tơmeăm, laga, kuăn pơlê a cheăm Hoà Thịnh ƀă bêng Đông Hoà, kong pơlê Dak Lak hiăng chôa ‘lâng vêh mơnhông tung pêi chiâk pêi deăng kơnôm ing tơdroăng tơveăng gum ‘na hdrê pêt, phon rơvât, tơmeăm ƀă mâu kih thuât. Rơnó Xeăng Tôu hơnăm 2025-2026, mâu tơbăng klâng báu hiăng vêh mơnhông ó rơdêi, kuăn pơlê pêi châ dâng 20%, ôh tá xê to pơtroh ăm tơná kuăn pơlê ai tuăn i hiâm mơno ki hơniâp ro mê ối châ vêh mơdêk ivá ki kâi trâng, ivá cheăng ki vâ kơdo mơ-eăm mơnhông krá tơniăn dêi kuăn pơlê klêi kơ’nâi kong prâi pro ôh tá tơniăn.

VOV.Xơ Đăng - Tung pơla hyôh kong prâi rế hiá rế tô mơdrăng khăng khoăng, tơdroăng ki tí tăng rah hdrê pêt vâ ga tơtro ƀă tơnêi tíu, hyôh kong prâi, ki tơtro ƀă kơpong pêt, rế tê châ lo liăn ngân tơniăn rế ai tơdroăng cheăng pêi cho tơdroăng ki kal. A kong pơlê Dak Lak, ki rơhêng vâ tối a mâu kơpong ki khăng khoăng, tơnêi ôh tá hơpok a pêa mâ hâi Lu, kơpong achê tíu tơkăng kong, mê kơlá hiăng chiâng hdrê loăng pêt ki gum tơ’lêi ăm kuăn pơlê, tơdrêng amê, veăng gum thăm mơnhông ‘na pêi cheăng kâ rê ối pơlê pơla.

VOV.Xơ Đăng - Dế nôkố, kong pơlê Gia Lai dế mot tung rơnó tôu mơdrăng khăng khoăng, kong tôu ton pro têa a mâu têa kroăng, têa plông ƀă mâu long, rơchoâ chiâng xoê rĕng. Tơdroăng ôh tá ai têa tôh ăm tơmeăm khoăng dế cho tơdroăng ki tôu tuăn ăm lối hrĭng hectar hdrê loăng pêt, malối cho a mâu cheăm bêng peăng mâ hâi Lâ dêi kong pơlê Gia Lai.