VOV4.Xơ Đăng – Tung mâu hơnăm achê kố, kơnôm ing pơhlêh túa pêi tiô troăng pôu râng dêi hnoăng cheăng, ing tơdroăng ki ôh tá xúa pơkeăng xôh nhâ ƀă kơjo xúa phon hưh cơ, Gia Lai hiăng mơjiâng chiâng kơpong pêt kơphế krúa, dâi, pêi châ tiô tơdroăng púi vâ tê ngi kong têa ê ƀă pro pơxúa ki kơnía lối hrĭng rơtuh dollars rêm hơnăm. Tơdroăng pơhlêh kố ôh ti xê gum mơdêk ki kơnía dêi kloăng kơphế mê ối pro pơxúa pêi châ liăn tơniăn, pro tơ’lêi vâ kro mơdrŏng tơniăn ton ăm kuăn pơlê kơpong kong ngo.

VOV4.Xơ Đăng - Hơnăm 2024, kong pơlê Dak Lak tơmâng xo mâu tơdroăng pêi tơƀrê tung tê mơdró kế tơmeăm ăm kong têa ê, ƀă kơlo cheăng tâk hlối tơniăn dêi mâu tơmeăm pêi lo xiâm ing chiâk deăng. Pakĭng mê, mâu tơmeăm tê ăm kong têa ê hiăng ai hên tơmeăm châ tê ăm mâu kong têa ê ƀă mâu kong têa tung kơpong.

VOV4.Xơ Đăng - Tung pŭn hơnăm hdrối mê hía nah, kong pơlê Kon Tum hiăng kêi pêt vâ chê 18.000 ha kong, tơkâ luâ vâ chê 3.000ha tiô tơdroăng pơcháu dêi Hneăng hôp kân Đảng ƀô̆ kong pơlê roh má XVI, hneăng hơnăm 2020-2025 hiăng mơ’no pơkâ. Ôh ta xê to rĕng châ tro tíu ki pơcháu, rĕng plah ahdrối tung pơla pơkâ pêi pro, mê ối châ chiâng pêi pro tiô tơdroăng pơcháu ‘na pêt kong hnối pêi tơrŭm ƀă Hneăng mơhnhôk: “Pro pơhlêh tuăn tơmiât, túa pêi cheăng dêi hdroâng mơngế kuăn ngo, pro ăm kuăn pơlê châ mơnhông hluăn ing kơtiê rêh kâ ối tơniăn” hiăng gum ăm kuăn pơlê pơhlêh tuăn tơmiât ing tơdroăng hmâ ko ‘nhiê kong hdrối nah, nôkố hiăng chiâng mơngế ki pêt mơjiâng kong nếo.

VOV4.Xơ Đăng - Mâu hơnăm achê kố, hên kuăn pơlê a kong pơlê Dak Lak khên pơhlêh mâu hdrê loăng pêt ki iâ hâi pơhlêh pêt priât, pro pơxúa pêi lo liăn ngân hên. Rôh Têt Ất Tỵ hơnăm kố, tiô tối tơbleăng dêi mơngế ki pêt kô châ xo hên, ki hên tơmeăm pêi lo châ mơngế mơdró vâ rôe, chêh inâi vâ rôe ƀă yă kơnâ.

VOV4.Xơ Đăng - Kơxo lơ 21/1 a Pơlê kong kân Cần Thơ po rôh hôp Kuô̆k hô̆i ƀă inâi Tơrŭm cheăng Tơpui nâl Pơhlăng ‘na pêi chiâk deăng krá ton, tŏng gum kế kân ƀă hbrâ ví kong prâi pro pơhlêh, xua Kuô̆k hô̆i Việt Nam tơkŭm po drêng rôh tơkŭm po. Rôh hôp Khu pơkuâ ngăn tơrŭm cheăng Kuô̆k hô̆i Tơpu nâl Pơhlăng.

VOV4.Xơ Đăng

VOV4.Xơ Đăng - Bu ối pa môi pơla măng tĭng ah ‘nôi cho hiăng troh hâi têt Lo hơnăm nếo Ất Tỵ hơnăm 2025, tung pơla kố, mâu ki pơkuâ ngăn kơdrum pêt reăng, loăng mơnâ mâ ngăn a kong pơlê Dak Lak dế thâ pêi hên tơdroăng cheăng ăm mâu tơdroăng cheăng ki roh má mơ’nui rơtế dêi pó vâ rak ngăn tơmeăm pêt ăm ga i dâi lĕm má môi hdrối vâ tê ăm mâu ngế ki rôe vâ pro mơnâ mâ ngăn. Hên ngế kăn pơkuâ ngăn kơdrum deăng tối ăm ‘nâi, hơnăm kố, hyôh kong prâi chía tơ’lêi hlâu mê mơngế pêt reăng hiăng mơ’no dêi hên hnoăng cheăng vâ rak ngăn dêi mâu reăng ăm i lĕm dâi tâ.

VOV4.Xơ Đăng – Têt Lo hơnăm nếo ẤT Tỵ 2025 hiăng vâ troh achê, tiô hneăng, ivá roê tơmeăm dêi kuăn pơlê tâk rơdêi. Vâ pêi pro châ tơdroăng vâ roê kố, nôkố mâu khu mơdró kâ dế mơjiâng pro tơmeăm vâ tê ăm tơmối, mâu tíu tê mơdró ‘ngré ai túa rak tơniăn tơmeăm tê, hbrâ tơmeăm tê tung rôh têt, malối cho mâu tơmeăm xúa ki kal.

VOV4.Xơ Đăng - Pơxiâm mot tung pái khế apoăng hơnăm 2025, kế tơmeăm pê lo ing chiâk deăng dêi Việt Nam tê ăm kong têa ê, malối cho kơchâi, plâi, pôm pơtối châ tê mơ’no hên. Laga hên ngế tối tiah kố, hlo mâu tơdroăng pơ’lêh dêi kơchơ mơdró lâp plâi tơnêi, mâu khu mơdró kal thế rĕng teăm pêi mâu tơdroăng pơ’lêh đi đo dêi túa pơkâ ‘na mơdró kâ. “Ivá” khu mơdró thế rơdêi mê kơvâ tê mơdró tơmeăm pêi lo ing chiâk deăng nếo krá tơniăn ton. Pó vâi krâ nhŏng o ƀă pú hmâ kô tơmâng.

VOV4.Xơ Đăng - Ƀă túa ki ó rơdêi cheăng kâ, tơmeăm pêi lo ing chiâk deăng Dak Lak rế hía rế vêh mơnhên tơdroăng ki châ ô eăng, ki dâi lĕm khât tơxâng tê mơdró troh lâp lu tung tơnêi têa ƀă tung lâp plâi tơnêi, hơnăm nah, kơxô̆ liăn pêi lo ing chiâk deăng châ 1,6 rơtal dollars Mih. Rêm khu râ, kơvâ cheăng, khu mơdró kâ ƀă kuăn pơlê tung kong pơlê kố dế pơtối thăm mơdêk hên troăng hơlâ mơnhông ki kơnâ dêi tơmeăm pêi lo ing chiâk deăng, mơ’no mâu tơmeăm mê troh a hên kong têa tung lâp plâi tơnêi.