Tơdroăng pêi cheăng “30 hâi măng" kơxô̆ chêh 'măn tung kơmăi kơxô̆ kơpong pêt, tíu tâ tung kơthung châ Dak Lak tơbleăng sap ing hâi lơ 7/8 troh lơ 7/9, tơkŭm séa ngăn, chêh 'măn, pro tơniăn ƀă chêh 'măn tung kơmăi kơxô̆ kơpong pêt, tíu tâ tung kơthung ăm loăng plâi sầu riêng.

Mâu tôh pêi cheăng tơrŭm ƀă khu kăn pơkuâ cheăm bêng chu troh a tíu pêi cheăng, mơnhên vâ ‘nâi tơdroăng, chôa 'lâng djâ tơdroăng chêh 'măn tung kơmăi ‘mot tung kơmai chêh kơpong pêt rak ngăn, mê cho ƀăng tơnêi, tíu, ngế pơkuâ ngăn, hlá mơ-éa chêh tro luât ƀă tơdroăng pêi pêt a tơnêi tơníu.

Pakĭng tơdroăng ăm ‘nâi châ tơƀrê 60% ƀăng tơnêi mah kơxô̆ kơpong pêt ƀă tíu tâ tung kơthung hiăng châ chêh 'măn tung kơmăi, Dak Lak xuân hiăng hlo mâu tơdroăng ki dế trâm a kơpong pêt, môi tiah tơdroăng ki ôh tá hlê plĕng 'na túa pơkâ, kih thuât pêt ƀă rak ngăn ƀă hlá mơ-éa chêh xuân tá hâi tŭm.