Tơdroăng pêi cheăng vâ pêi pro Tơdroăng xiâm tơbleăng a rôh trâm 36/2026/NQ-CP dêi Chin phuh ‘na pro tơ’lêi hlâu pro mơ-éa ƀă mah kơxô̆ kơpong pêt, mah kơxô̆ tíu tâ tung kơthung, gum tung tơdroăng tê ƀă tê ngi kong têa ê tơmeăm pêi lo ing chiâk deăng. A Lâm Đồng, krui kơxái châ rah xo vâ hnê mơhno tơdroăng pêt mơjiâng tơniăn, kâi trâng ƀă kong prâi hơ’lêh, hlối kĭ, pơkuâ, ti tăng xiâm kối mah kơpong pêt ƀă ti tăng xiâm kối ƀă mâu tơdroăng pêi ing pêt mơjiâng troh tê. Tơdroăng pêi pro tơdrêng pêi pro troăng Xúa tơdroăng ki pêi tơtro pơkâ (SOP), chôa ‘lâng pêt mơjiâng tiô pơkâ kơchơ mơdró.

Tung tơdroăng pêt cheăng, ngế hriâm châ ngăn troăng pêi krui kơxái dâng 8.000 met karê a cheăm Phú Sơn Lâm Hà, pêt mơjiâng tiô troăng VietGAP, xúa tôh têa lo a xiâm, tôh klâ xoăng tiô troăng klŏng; hnê mơjiâng séa ngăn hngêi kơmăi pro tơmeăm pêi lo ing chiâk deăng lối 10.000 tâ̆n/hơnăm. Klêi kơ'nâi hnê mơjiâng ƀă tơdjêp tơdroăng ki ai khât, Tíu xiâm hnê mơhnhôk pêi chiâk deăng Tơnêi têa tơmiât troh djâ mah kơxô̆ kơpong pêt, tí tăng xiâm kối tung tơdroăng pêi pêt, tơdjêp kơpong pêt ƀă uâ pơliê, tê mơdró ƀă tê ngi kong têa ê, mơdêk ivá tơxup tơbriât dêi tơmeăm pêi lo ing chiâk deăng Việt Nam.