VOV4.Xơ Đăng - Hâi lơ 1/2, Khu tơrŭm cheăng kong pơlê Dak Lak tơkŭm po “Hneăng hôp mơdêk rơdêi tê mơdró pơla mâu khu tơrŭm cheăng dêi kong pơlê ƀă khu tơrŭm cheăng Halal Việt Nam’’.

VOV4.Xơ Đăng - Tíu xiâm Hnê mơhnhôk Tơnêi têa rơtế ƀă khu pêi hnoăng cheăng dêi kơ koan tơrŭm cheăng lâp plâi tơnêi Nhuk, dó inâi JICA hiăng lăm pôu ngăn klâng chiâk deăng ƀă séa ngăn tơdroăng pêi chiâk deăng dêi mâu Khu pơkuâ ngăn pêi cheăng tơrŭm tung tơdroăng Tơkêa bro thăm mơdêk ki kơnía dêi tơmeăm pêt tơniăn a mâu kong pơlê kơpong Peăng Kơnhŏng Việt Nam. Ing mê, ăm hlo mâu hdrê prá, alâi, kơchâi, plâi, pôm ki dâi lĕm, tơniăn má môi ăm roh Têt Lo hơnăm nếo Giáp Thìn.

VOV4.Xơ Đăng - Kơxê hâi lơ 30/1 a Hà Nội, Khu xiâm ngăn ‘na chiâk deăng ƀă mơnhông thôn pơlê tơrŭm ƀă Hngêi rak liăn lâp plâi tơnêi ƀă Khu tơrŭm cheăng Mơdêk châu Á tơkŭm po hôp Tơpui tơno mơ’no tơdrêng tiô troăng hyôh rơ’jíu ‘’ Khu tơrŭm cheăng tơnêi têa - ki krê dêi kuăn pơlê mơdêk nếo hriăn plĕng, tơbleăng Tơdroăng tơkêa bro 1 rơtuh ha báu klâng ki dâi lĕm ,’no iâ tê têa ‘mêi’’.

VOV4.Xơ Đăng -  Vi ƀan tơring Krông Pač, kong pơlê Dak Lak nếo tơrŭm ƀă Khu mơdró a kong pơlê tơkŭm po Leh tê khu pâu yến sào ki păng ‘nâng ăm kong têa ê ki a poăng dêi kong pơlê tê ăm kong têa Sinuâ.

VOV4.Xơ Đăng - Nếo achê pơla kố, xua yă tê plâi sầu riêng kơnâ ó khât, hiăng pro hên ngế ki pêi kơdrum, chiâk deăng a kong pơlê Tiền Giang pro kro, mê nôkố a mâu cheăm, tơring tung kong pơlê, mê kuăn pơlê hiăng tơbriât pêt tơmeăm luâ tâ tơdroăng pơcháu, thăm nếo ko ‘nhê hdrê loăng ki ê vâ pêt plâi sầu riêng, la ngiâ ah ôh tá ‘nâi pro ti lâi.

VOV4.Xơ Đăng - Vâ chê chât hơnăm vêh ngi kố, hên rơpŏng hngêi a pơlê kong krâm Ƀuôn Hồ, kong pơlê Dak Lak hiăng pêt hdrê reăng đào vâ tê a rơnó hdrối Têt. Xua hdrê reăng kố ga tơtro ƀă tơnêi tíu, hyôh kong prâi mê reăng đào đi đo tơpo lĕm ƀă hên kuăn pơlê rơhêng vâ rôe ‘măn rơnuâ tung hngêi. Cheăng pêt reăng đào hiăng kum hên ăm rơpŏng châ pêi lo liăn hên. Dế nôkố, pêt hdrê reăng ki kố dế tro rơnó ki rak ngăn, troh mơ’nui vâ hbrâ ăm rơnó tơdah Têt Giáp Thìn 2024.

VOV4.Xơ Đăng - “Mơnhông Tây Nguyên kal tơdâng xúa têa tơtro’’, kố cho rơkong tơpui châ tối nhên a Hneăng hôp tơpui tơno khoa hok ‘’Têa ƀă tơdroăng rêh ối ƀă kuăn mơngế Tây Nguyên” xua Khu cheăng ‘na tơnêi tơníu kong prâi Việt Nam tơrŭm ƀă mâu kơ koan ki tơdjâk tơkŭm po a kơxo lơ 12/1, a pơlê kong kơdrâm Ƀuôn Ma Thuột, kong pơlê Dak Lak.

VOV4.Xơ Đăng -  Mơdâ pêt báu dêi Dak Lak nôkố ối má môi kơpong Duyên Hải  Nam Trung ƀộ ƀă Tây Nguyên ƀă tơnêi mơdâ pêt lối 100 rơpâu ha.

VOV4.Xơ Đăng - Ƀă dó inâi ‘’Rơtế dêi pó tah lôi pá puât, tŏng kum kuăn pơlê pêi chiâk deăng mơdêk mơnhông cheăng kâ pêi chiâk deăng, thôn pơlê rĕng ƀă krá tơniăn’’, kơxê lơ 11/1, Kăn hnê ngăn Vi ƀan kong pơlê Kon Tum Lê Ngọc Tuấn hiăng tơpui tơno ƀă 500 kăn teăng mâ cho kăn ƀô̆, khu tơrŭm pêi chiâk deăng tung kong pơlê.

VOV4.Xơ Đăng - Klêi kơ’nâi môi hơnăm tơkâ luâ tơdroăng pơloăng mơnúa xua ing khía mơhot , têa lu, pơreăng, ki vâ tối tơdroăng ki hơ’lêh tung tê mơdró kâ xua lâp plâi tơnêi ai tơdjâk troh pei cheăng kâ, tơdroăng pêi chiâk deăng ƀă mơ’no tê mâu kế tơmeăm ing chiâk deăng, loăng kong ƀă păn ká xi xŏng xuân ói châ pêi pro hên tơdroăng ki tơƀrê, ti xê to rak vế tơniăn ăm kế kâ, báu phái, ối  hên tíu ki bâ eăng tung um méa  cheăng  tơnêi têa.