VOV.Xơ Đăng - Tơdroăng veăng mơđah tơbleăng tơmeăm lâp plâi tơnêi môi tiah IFFE ôh tá xê to vâ tơbleăng um méa Dak Lak mê ối vâ po rơdâ rôh tơrŭm ‘no liăn mơjiâng tơmeăm khoăng, djâ tơmeăm pêi chiâk ki krê xêh dêi kong pơlê prôk rế hơngế tung kơchơ mơdró lâp plâi tơnêi.

VOV.Xơ Đăng - Tơrŭm pêt kơphế dế chiâng troăng prôk ki kal gum kuăn pơlê ki pêt kơphế kơdroh liăn ‘no hrê, tơniăn tơdroăng ki tê ƀă mơnhông ki dâi lĕm dêi kloăng kơphế. A cheăm Ea Na, kong pơlê Dak Lak hên rơpŏng kuăn pơlê pêi chiâk hiăng pơxiâm pơhlêh túa pêi, veăng tung túa tơrŭm rak ngăn kơphế tiô troăng hưh cơ. Kơnôm mê, ki lĕm, plâi kơtóu ƀă ki kơnía rế hía rế pơhlêh, po troăng tơngah mơnhông krá ton ăm kơpong pêt kơphế dêi kong pơlê.

VOV.Xơ Đăng - Hâi lơ 28/10, a bêng Buôn Ma Thuột, kong pơlê Dak Lak, Tíu xiâm hnê mơhnhôk pêi chiâk tơnêi têa tơkŭm po hôp tơpui tơno “Pơtối rak vế pêi pro hnoăng hnê mơhnhôk pêi chiâk tung mơnhông pêi cheăng krá ton loăng plâi pêt xiâm kơpong Tây Nguyên”.

VOV.Xơ Đăng - Rơtế ƀă ƀăng kơphế ối má môi lâp tơnêi têa, kong pơlê Lâm Đồng nôkố dế thăm po rơdâ kơpong pêt kơphế ki dâi lĕm vâ mơdêk ki kơnâ tơmeăm.

VOV.Xơ Đăng - Dak Lak cho kơpong ki pêt kơphế hên má môi tung lâp tơnêi têa. Túa kih thuât pêi dêi kuăn pơlê ki pêt kơphế a kong pơlê cho hmâ “Lôi môi to xiâm pôe kối vâ tơkâng pôi tá xŏn luâ râ”, tơkéa vâ tối rêm klôh kơphế bu pêt rak ngăn 1 xiâm loăng kơphế tê. Rêm xiâm kơphế pơrá châ poê, tróu kối rơmôe vâ xiâm lo hên tơkâng. Ing mê, pro ăm xiâm chiâng dâi lĕm, kơtóu plâi hên, châ krí dêi plâi xuân hên tâ há. Achê pơla kố, kuăn pơlê pêt kơphế tung kong pơlê hiăng mơnúa ngăn ƀă hiăng pơhlêh túa pêi pêt, rak ngăn, chiâng túa pêt “Roăng xiâm loăng - roăng kối rơmôe”, phá tơ-ê ƀă pêi tiô túa ton: môi klôh pêt, rak hên xiâm kơphế ƀă vâ ăm mâu xiâm kơphế xông kân lĕm, plâi kơtóu. Tơdroăng tơpui hâi kố, ngin ai tối ‘na túa pêi ki rơkê nếo mê.

VOV.Xơ Đăng - Mâu hơnăm hdrối mê hía nah, khu vâi kơdrâi ki rak ngăn vâi kơdrâi ki mơhum ƀă mâu ngế ki cheăng ‘na kơvâ pơkeăng ƀă khăm pơlât a kong pơlê Lâm Đồng hiăng chiâng tíu ki loi tơngah ki kal pơla kuăn pơlê ƀă ‘na kơvâ ngăn pơkeăng ƀăng khăm pơlât, ing mê, veăng gum rak vế ngăn ivá châ chăn dêi mâu jâ nôu, vâi kuăn ngá ƀă pơlê pơla kơpong hdrôang kuăn ngo ki iâ mơngế.

VOV.Xơ Đăng - Hâi lơ 16/10, a Hà Nội, Khu xiâm pơkuâ ‘na pêi chiâk deăng ƀă Kong prâi tơkŭm po Hneăng hôp mơnhên tơdroăng châ tơƀrê mơnhông tơmeăm OCOP ƀă ôm hyô thôn pơlê hneăng hơnăm 2021 – 2025, mơnhên troăng prôk hneăng hơnăm 2026 – 2030.

VOV.Xơ Đăng - Ƀă ki pơxúa tơƀrê ‘na hyôh kong prâi, tơnêi tơníu rơtế ƀă tơdroăng ki tê mơdró hên ngi kong têa ê, plâi krui kơxái dế mơnhên rơdêi tíu ối tung troăng pơkâ pêi chiâk Tây Nguyên. Nôkố kơpong kố dế pêt châ lối 80% ƀăng tơnêi ƀă ai 90% plâi krui kơxái lâp tơnêi têa. Ngế chêh hlá tơbeăng ai chêh tối ‘na tơdroăng ki pêt plâi krui kơxái a kơpong kố.

VOV.Xơ Đăng - Hâi lơ 8/10, a kong pơlê Dak Lak, Khu xiâm pơkuâ ‘na Chiâk deăng ƀă Hyôh kong prâi tơrŭm ƀă Vi ƀan kong pơlê Dak Lak tơkŭm po Hneăng hôp ‘’Mơgêi pêt mơjiâng tơmeăm, rak vế hdrê kơchâi plâi pôm hơnăm 2025 ƀă pêi pro pơkâ pêt mơjiâng tơmeăm hơnăm 2026 kơpong Duyên hải Nam Trung Bộ - Tây Nguyên’’.

VOV.Xơ Đăng - Thăm mơnhông pêt kong hdrê loăng kân ai chưng chih FSC ôh ti xê to gum mơnhông ki kơnía ‘na liăn ngân dêi loăng pêt mê ối po troăng ăm mâu khu loăng Việt Nam châ tê tung kơchơ mơdró lâp plâi tơnêi. Laga, ki khât gá ăm hlo, ki hên mâu kong pơlê, ngế ki pêt hmâ ƀă tơdroăng ki pêt loăng hdrê kŭn, lơ rơhêng vâ pơhlêh pêt loăng hdrê kân mê chiâng trâm hên xơpá ‘na liăn ngân, ‘na kih thuât ƀă túa ki châ xúa pơkâ dêi kong têa ê.