Bú ối lối 1 măng tĭng nếo Leh tơbleăng plâi Sầu riêng Dak Lak hơnăm 2026 kô pơxiâm po ƀă ai 17 tơdroăng pêi pro ki kân. Dak Lak pêi pro troh châ mơnhên ối má môi Guinness ƀă khu rơxế kân chơ plâi sầu riêng ki xŏn má môi lâp plâi tơnêi, pro chôu pâ tung tơdroăng tơbleăng inâi sầu riêng Dak Lak tê ăm kong têa ê. Tuăn tơmiât vâ châ ối má môi Guinness lâp plâi tơnêi pơxiâm ing púi vâ mơdêk ki hlo dêi plâi sầu riêng Dak Lak a kơchơ mơdró lâp plâi tơnêi.

Tơdroăng mơnhên ki ối má môi Guinness lâp plâi tơnêi ôh ti xê to cheh hdró môi tơneăn tâp hdró ki nếo mê ối mơhno ki tơƀrê tơbleăng tung hyôh măng, tơ’mot hên ngế vâ tơmâng dêi mâu ki chêh hlá tơbeăng ƀă vâi pú lâp kong têa, ing mê tơbleăng um méa plâi sầu riêng xuân môi tiah kơpong tơnêi Dak Lak.

Pôa Đào Mỹ, Khŏ kăn hnê ngăn Vi ƀan kuăn pơlê kong pơlê Dak Lak, Ngế pơkuâ khu tơkŭm po Leh tơbleăng plâi sầu riêng Dak Lak hơnăm 2026 ăm ‘nâi, tung pơla kơvâ pêt sầu riêng dế trâm pá hên pơloăng mơngúa, leh tơbeăng hlối cho hâi leh kân mơhno túa lĕm tro hlối tơbleăng inâi, mơdêk ki kơnía ‘na plâi sầu riêng Dak Lak ƀă tung lâp kong têa.