Vâ veăng djâ ki tâk tâi tâng tơmeăm pêi lo tung kong pơlê Dak Lak hơnăm 2026 châ sap 10% tơngi klêng, kơvâ ngăn Chiâk deăng ƀă Hyôh kong prâi pơkâ rak vế ki tâk tung lâp tơnêi têa sap 5,86% tơngi klêng. Tung 5 khế mơ‘nui hơnăm, tâi tâng kơvâ cheăng mơ-eăm pêi lo châ lối 66.100 rơtal liăn ki pơxúa tung pêi cheăng kâ. Tung mê, tơkŭm hên a péa tơmeăm pêi lo ing chiâk deăng tê ăm kong têa ê cho kơphế ƀă sầu riêng.

Pôa Đỗ Hữu Huy, Kăn hnê ngăn Vi ƀan kuăn pơlê kong pơlê Dak Lak pơkâ thế kơvâ pêi chiâk ƀă hyôh kong prâi sap nôkố troh mơ’nui hơnăm thế ngăn tơdroăng ki hiăng chêh hdrối tung hlá mơ-éa ki tâk tiô tơrêm khế, tơrêm 3 khế; đi đo po ngăn kơxô̆ chêh ‘măn, hbrâ tối hdrối ƀă ‘mâi hơ’lêh tơdrêng hlối drêng hlo ai tơdroăng ôh tá mơhúa. Ngế ối a ko mâu tíu pêi cheăng thế hbrâ hdrối tơdroăng cheăng, pêi tiô tơdroăng pơkâ “6 nhên, 1 pêi ôh tá pơtê” rơtế pôu râng hnoăng cheăng ƀă tơdroăng cheăng pêi ƀă ki ăm hlo pơxúa a mơ‘nui.