VOV.Xơ Đăng - Kong prâi pro pơhlêh dế pro kuăn pơlê pêi chiâk deăng rah xo túa păn mơnăn mơnoâ, pêt mâu hdrê loăng tơtro tâ ƀă kong kế ki chiâng xêh, hlối tăng tơ’nôm ki kơnía sap ing mâu kế tơmeăm pêi lo. A kong ngo Khánh Hòa, túa păn pu pái kăn hlối tơrŭm ƀă pro ôm hyô kong kế nhâ loăng dế châ tơbleăng pro tiô troăng ki kố. Ôh tá xê to pêi lo liăn sap ing păn pu pái, kuăn pơlê ối tơmiât troh mơjiâng kơpong pêt tơmeăm, tơnêi tơníu lăm ngăn ƀă mâu tơmeăm tơnêi tơníu, túa lĕm tro kong pơlê.

VOV.Xơ Đăng - A bêng Pleiku, kong pơlê Gia Lai, Tíu xiâm hnê mơhnhôk pêi chiâk deăng Tơnêi têa tơkŭm po tơpui tơno 'na mơjiâng ƀă rak vế mah kơxô̆ kơpong pêt, mah kơxô̆ tíu tâ tung kơthung. Klêi kơ'nâi vâ chê 2 khế pêi pro Pơkâ 36 dêi Chin phuh, lâp tơnêi têa hiăng ăm nếo 787 mah kơxô̆ kơpong pêt, mâu tơdroăng ƀă hâi khế ăm mah kơxô̆ kơpong pêt ƀă tíu tâ tung kơthung hiăng châ pro tơ'lêi hlâu, pro rĕng tâ.

VOV.Xơ Đăng - Plâi sầu riêng cho môi tung mâu hdrê loăng pêt ki ai yă kơnâ a mâu kong pơlê kơpong Tây Nguyên. Maluâ tiah mê, vâ mơdêk ki kơnâ dêi tơmeăm pêi lo ing chiâk deăng ƀă po rơdâ kơchơ tê mơdró, malối cho kơchơ tê mơdró tê ngi kong têa ê, pơkâ thế 'na tíu mơjiâng pro rế hía rế pơkâ kơtăng. Tung mê, mah kơxô̆ kơpong pêt cho môi tung mâu tơdroăng ki kal vâ mơnhên nhên tíu mơjiâng pro, túa pơkâ pêt ƀă xiâm kối tơmeăm pêi lo ing chiâk deăng. Ngế chêh hlá tơbeăng ai chêh tối tơdroăng ki ai khât kố a kong pơlê Gia Lai.

VOV.Xơ Đăng - Tíu xiâm hnê mơhnhôk pêi chiâk deăng kong pơlê Dak Lak nếo tơbleăng Tíu tiâ mơnhên kih thuât, mơđah tơbleăng, tơmeăm pêi lo ing chiâk deăng, kơmăi kơmok ƀă pơ'lêh kơxô̆ pêi chiâk deăng; hlối tơbleăng pơkâ mơjiâng 4 Tôh tiâ mơnhên kih thuât ƀă tơdroăng hnê mơhnhôk pêi chiâk deăng.

VOV.Xơ Đăng - Tíu xiâm Hnê mơhnhôk Chiâk deăng tơnêi têa rơtế ƀă mâu tíu pêi cheăng tơdjâk troh nếo tơkŭm po mơđah tơbleăng túa pơkâ pơhlêh xúa kŏng ngê̆ pêi chiâk deăng krá tơniăn. A kơpong pêi cheăng mơnúa dêi Viê̆n khoa hok Kih thuât hriăn ‘na Chiâk deăng Pêt kong Tây Nguyên, hrĭng ngế kuăn pơlê pêi chiâk deăng, kăn ƀô̆ hnê mơhnhôk pêi chiâk deăng ƀă mâu ngế rơkê 'na pêi chiâk deăng ai rôh lăm ngăn túa pơkâ pêt plâi sầu riêng ƀă kơphế xúa ki rơkê dêi khoa hok kih thuât, hmâ ƀă hyôh kong prâi hơ'lêh ƀă tơdroăng pơkâ rế hía rế hên dêi kơchơ tê mơdró ngin kong têa ê.

VOV.Xơ Đăng - Pôa Lương Nguyễn Minh Triết, Kăn pơkuâ hnê ngăn cheăng Đảng Dak Lak, Ngế xiâm pơkuâ khu kăn Kuô̆k hô̆i kong pơlê Dak Lak rơtế ƀă khu kăn ki pêi dêi hnoăng cheăng kong pơlê lăm ngăn kơpong tiô tối kô po rơdâ kơpong tôh ối tung tơdroăng tơkêa bro long rơchoâ têa Ia Mơr, a cheăm tơkăng kong Ia Rvê.

VOV.Xơ Đăng - Mâu hơnăm hdrối nah, sap ing kơxô̆ liăn dêi 3 Tơdroăng pơkâ tơnêi têa, kong pơlê Quảng Ngãi hiăng tơkŭm pro troăng prôk, tŏng gum pêi chiâk deăng ƀă tăng tơdroăng rêh kâ ối ăm kuăn pơlê hdrông kuăn ngo ƀă kong ngo mơ-eăm hluăn ing kơtiê krá ton.

VOV.Xơ Đăng - Dak Lak dế thăm mơdêk rĕng hnoăng cheăng tí tăng séa mơnhên ngăn, chêh ‘măn tung măng ƀă chêh tối tro khât mah kơxô̆ kơpong ki pêt, tíu ki tâ tung plâi sầu riêng tung tơdrong. Tơdroăng ki chêh tối tŭm têk mâu tơdroăng ing kơpong ki pêi pêt ta troh a tíu ki tâ kơxu tung tơdrong, pói tơngah kong pơlê kô châ pơkuâ rak ngăn krâu khât tâ ki dâi lĕm dêi plâi, hnối châ vêh mơnhên xiâm rêi dêi hdrê loăng ƀă hnối tơxâng, tơtro ƀă tơdroăng ki pói vâ rế hía rế dâi khât dêi kơchơ ki tê rôe ƀă kong têa ê.

VOV.Xơ Đăng –  Kơxê lơ 15/9, a kong pơlê Dak Lak, tơpui tơno "Tơrŭm vâ krá tơniăn - Tơrŭm vâ xông tơƀrê" pơkâ thế mơjiâng tơdroăng tơrŭm ki păng 'nâng pơla kuăn pơlê pêi chiâk deăng, khu pêi cheăng tơrŭm ƀă khu mơdró kâ tung kơvâ plâi sầu riêng.

VOV.Xơ Đăng - Klêi kơ'nâi môi khế tơbleăng pêi cheăng "30 hâi măng” kơxô̆ chêh 'măn tung kơmăi kơxô̆ kơpong pêt, tíu ki tâ tung kơthung, Dak Lak hiăng  chêh 'măn tung kơmăi kơxô̆ kơpong pêt ƀă tíu tâ tung kơthung.