VOV.Xơ Đăng - Xuân a Pơlê kong kơdrâm Đà Lạt (Lâm Đồng), kơxê hnah hiăng po Rôh hôp tơpui tơno mơgêi tơdroăng tơkêa “Mơjiâng pro tơpui kâ troăng tŏng gum, mơdêk ivá cheăng ƀă tơdroăng ki rơkê plĕng ‘na xúa mâu pơkeăng xôh kơdê oâ hdrong tung pêi chiâk, gô̆m ‘măn môi tíu ƀă mơ’no tah trếo ‘mêi tung pêt rak ngăn kơphế a Việt Nam.

VOV.Xơ Đăng – A leh mơhnhôk, Khu tơrŭm cheăng kong pơlê Dak Lak kơbông krếo mâu Khu tơrŭm cheăng tung kong pơlê pơtối mơnhông hiêm mơhno hbrâ, tơmiêt pêi rơkê, mơdêk xúa khoa hok kih thuât, pơhlêh xúa kŏng ngê̆ ƀă tơdjâk tơdroăng ki tê châ kơnâ vâ mơdêk châ tơƀrê tơdroăng pêi cheăng.

VOV.Xơ Đăng - Gia Lai, môi tung mâu kong pơlê ki xiâm pêt kơphế hên dêi Việt Nam, ai lối 100.000 ha, dế chôa ‘lâng mơdêk inâi tơná a lơgât cho kơphế ki dâi lĕm dêi lâp plâi tơnêi. Ôh pa ối tung tơdroăng ki kal bu ai hên, mê kơphế Gia Lai dế pơhlêh ó rơdêi ‘nâng, ing mê, tâk troh a tơdroăng ki vâ mơnhông ki kơnía git ƀă thăm mơdêk ki kơnía drêng ai tơdroăng cheăng pêi pro dêi tâi tâng khu mơdró kâ, kuăn pơlê ƀa khu râ kăn pơkuâ.

VOV.Xơ Đăng - Vâ hbrâ ví ƀă tơdroăng pơklât ki xo hnoăng mơhá dêi Mih, pro tâk hnoăng mơhá drêng tê rôe tơmeăm ƀă Việt Nam, peăng tơnêi têa pin athế pro hnoăng mơhá tâk troh 46%, hên khu mơdró ƀă mâu ki rơkê cheăng kâ a Pơlê kong kân Hồ Chí Minh tối tiah kố, kal ai troăng hơlâ iâ khế ƀă ton hơnăm. Ki hdrối cho troăng hơlâ tơpui kâ, ‘na ki ton ta ah, kal ‘no liăn pêi cheăng pơ’lêh tiô túa nếo xúa kơmăi kơmok tung pêi cheăng, mơdêk ivá tơbriât cheăng dêi khu mơdró. 

VOV.Xơ Đăng - Kuăn pơlê pêi chiâk, mâu khu mơdró kâ ki mơ’no tê kế tơmeăm pêi lo ing chiâk deăng, loăng kong ƀă khu râ kăn pơkuâ a kong pơlê Gia Lai dế thăm mơdêk rơdêi hnoăng cheăng hbrâ mâu tơdroăng ki kal vâ tơmeăm pêi lo ing chiâk deăng a kong pơlê kố châ tơtro tiô tơdroăng pơkâ ki mơdât hía kong dêi Khu tơrŭm ngăn ‘na châu Âu, dó inâi EUDR. Hnoăng cheăng kố châ mơnhên tối cho ai hên pơloăng mơnúa, la xuân kô mơjiâng chiâng roh ki tơ’lêi hlâu kân vâ mơdêk ki loi tơngah ƀă ivá ki vâ tơbriât tê mơdró tơmeăm pêi lo ing chiâk deăng ƀă tơmeăm ki mơjiâng ing loăng a kong pơlê kố troh a mâu kong têa châu Âu.

VOV4.Xơ Đăng - Tung 3 hâi (sap hâi lơ 25 troh hâi lơ 27/3), Khu pêi cheăng tơrŭm  kong pơlê Dak Lak tơkŭm po lâm hriâm marketing mơdêk ăm mâu khu pêi cheăng tơrŭm  pêi pro, tê mơdró kơphế tung kong pơlê.

VOV4.Xơ Đăng - Kong pơlê Dak Lak dế nôkố ai 15.000 ha kơtếo, châ xo rêm hơnăm 1 rơtuh tâ̆n. Ƀă ki hbrâ tơrŭm krá pơla kuăn pơlê, khu mơdró ƀă mâu kăn, kơvâ pêt kơtếo Dak Lak dế ai mâu tơdroăng cheăng pêi tơniăn, pro pơxúa hên ăm tơdroăng rêh ối phâi tơtô ăm kuăn pơlê.

VOV.Xơ Đăng - Mâu hâi ki kố, kuăn pơlê pêi chiâk Tây Nguyên hiăng mot tung rơnó krí dêi tiu rơnó hneăng hơnăm 2024-2025. Yă kloăng tiu hiăng kơnâ troh vâ chê 160.000 liăn 1 kilố (cho kơlo yă ki kơnâ má môi tâng vâ riân ngăn sap ing hơnăm 2016 nah troh nôkố) ing mê dế thăm mơnhông ivá gum ăm vâi krâ-nhŏng o hmiân tuăn vâ mơ’no dêi liăn pêi pêt, rak ngăn tiu.

VOV4.XơĐăng - Hơnăm 2025 dế cho hơnăm krí tiu, djâ troh tơdroăng sôk ro kân ăm kuăn pơlê a Gia Lai, drêng yă kloăng tiu khăng châ a kơlo 160.000 liăn/kg. Lối 100 ngế dêi Khu pêi cheăng tơrŭm pêi chiâk deăng ƀă mơdró Nam Yang (tơring Đăk Đoa) dế tơngah rơnó kố kô pro pơxúa ăm chât rơtal liăn kơnôm ing 50 ha tiu pêi châ hên.

VOV4.Xơ Đăng - Yă tiu hiăng châ a kơlo 160 rơpâu liăn môi ki lố (kơlo ki kơnâ má môi sap ing hơnăm 2016 troh nôkố) mơjiâng ivá kum vâi krâ kuăn pơlê hmiân tuăn mơ’no liăn rak ngăn hên tâ loăng plâi kố.