Dak Lak tơmiât troh 75.000 ha kơphế tơniăn ton, hmâ ƀă kong prâi hơ'lêh
Thứ sáu, 05:00, 30/10/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê lơ 29/10, a Ƀuôn Ma Thuột, Vi ƀan kong pơlê Dak Lak ƀă Ƀơrô teăng mâ Khu tơrŭm cheăng Stichting IDH (Hà Lan) a Việt Nam kĭ tơkêa hlá mơ-éa chôu vế tơrŭm cheăng tơbleăng Tơdroăng kơphế krá tơniăn tơtro ƀă kong prâi hơ'lêh pơla hơnăm 2026–2030.
Kong pơlê Dak Lak nôkố ai vâ chê 220.000 ha kơphế, pêi châ lối 580.000 tâ̆n rêm hơnăm. Kơvâ cheăng kố pêi lo liăn tê ngi kong têa ê vâ chê 900 rơtuh dollars/hơnăm. Laga, dâng 90% ƀăng tơnêi kơphế xua mâu rơpŏng kuăn pơlê pơkuâ, pơkâ thế tơkŭm pêi pêt, mơdêk ki dâi lĕm ƀă tơdrăng xiâm kối vâ rak vế ivá tơbriât tung kơchơ tê mơdró lâp plâi tơnêi.
Hneăng hơnăm 2021–2025, ing Tơdroăng Tơnêi tơníu krá tơniăn, IDH tơrŭm ƀă mâu khu tơrŭm cheăng tơbleăng hên tơdroăng a Dak Lak, ƀă kơpong kơphế ai lối 91.500 ha ƀă lối 75.000 rơpŏng kuăn pơlê châ pơxúa. Pơla hơnăm 2026–2030, péa pâ tơmiât troh mơjiâng kơpong kơphế krá tơniăn tơ'nôm dâng 75.000 ha a Dak Lak.
Viết bình luận