Rôh hôp ai hên hĭn kuăn pơlê mâu kăn teăng mâ mâu khu xiâm kơvâ cheăng, kong pơlê, khu tơrŭm, khu mơdró kâ ƀă khu pêi cheăng tơrŭm tung kơvâ pêt ƀă tê sầu riêng ngi kong têa ê veăng ai mâ. A rôh hôp, mâu kăn hiăng châ hmâng tối tơbleăng tơdroăng pơkâ pro tíu ki tăng ‘nâi xiâm kối; tơkŭm pơkâ pêt ƀă tê sầu riêng ngi kong têa Sinuâ; tơdrêng amê, hlối tơpui tơno ‘na mâu troăng hơlâ kŏng ngê̆, pơkuâ ngăn kơpong pêt ƀă tơkŭm pêt tiô pơkâ.

Hên rơkong tối tơbleăng sap ing mâu khu mơdró kâ, khu pêi cheăng tơrŭm tơkŭm tung mâu tơdroăng xơpá tung pơla tơbleăng, malối cho tơdroăng ki ai tơdjâk troh tíu chêh ‘mot tơdroăng kal ƀă pêi châ tơdroăng pơkâ thế dêi kong têa ki roê ‘mot tơmeăm.

Pôa Nguyễn Văn Long, Vụ trưởng Vụ Khoa học - Công nghệ, Khu xiâm ngăn chiâk deăng ƀă hyôh kong prâi tối nhên kô pơtối tơrŭm krá ƀă mâu kong pơlê, khu mơdró kâ vâ pêi pro klêi tơdroăng tơmâng mâu rơkong tơpui tối sap ing ki ai khât, rak vế tơniăn rế pêi châ tơdroăng púi rơhêng vâ pơkuâ ngăn, rế pro tơ’lêi hlâu ăm kuăn pơlê ki pêt ƀă tê plâi ngi kong têa ê.