Kố cho tơdroăng kal châ Khu xiâm pơkuâ ‘na pêi chiâk deăng ƀă Kong prâi ƀă Khu xiâm Kŏng an tối a Roh hôp pêi pro tơdroăng vê, pro lơgât tơnêi tơníu, kĭ tơnêi tơníu, mơjiâng hô sơ tơnêi tơníu ƀă kêi đeăng ‘noăng chư chêh tơnêi têa ‘na tơnêi tơníu tơkŭm po a Hà Nội.

Tiô tơbleăng dêi Khu xiâm pơkuâ ‘na pêi chiâk deăng ƀă Kong prâi, Tơdroăng pêi cheăng 90 hâi măng pro kro mơdrŏng, pro krúa ‘noăng chư chêh tơnêi têa ‘na tơnêi tơníu châ Khu xiâm pơkuâ ‘na Pêi chiâk deăng ƀă Kong prâi ƀă Khu xiâm Kŏng an pêi pro sap ing lơ 1/9 – 30/11/2025 hiăng tơdâng tơ’mô pro krúa châ lối 62,49 rơtuh pôh tơnêi tung lâp tơnêi têa. Kố cho ‘noăng chư chêh ‘’tro, tŭm, krúa, rêh’’ vâ gum tung tơdroăng pơhlêh xúa kŏng ngê̆ ƀă pơkuâ tơnêi tơníu châ tơƀrê.

Pôa Trần Đức Thắng, Ngế xiâm ngăn ‘na chiâk deăng ƀă Kong prâi tối, tơdroăng pêi pro tơdroăng vê, pro mơ-éa lơgât tơnêi tơníu, kĭ tơnêi tơníu ƀă kêi đeăng ‘noăng chư chêh tơnêi tơníu cho hnoăng cheăng kal kí ki kal tung tơdroăng pơhlêh tơnêi têa, ki rơhêng vâ tối tung kơvâ pơkuâ tơnêi tơníu.