VOV4.Xơ Đăng – Têt Lo hơnăm nếo ẤT Tỵ 2025 hiăng vâ troh achê, tiô hneăng, ivá roê tơmeăm dêi kuăn pơlê tâk rơdêi. Vâ pêi pro châ tơdroăng vâ roê kố, nôkố mâu khu mơdró kâ dế mơjiâng pro tơmeăm vâ tê ăm tơmối, mâu tíu tê mơdró ‘ngré ai túa rak tơniăn tơmeăm tê, hbrâ tơmeăm tê tung rôh têt, malối cho mâu tơmeăm xúa ki kal.

VOV4.Xơ Đăng - Pơxiâm mot tung pái khế apoăng hơnăm 2025, kế tơmeăm pê lo ing chiâk deăng dêi Việt Nam tê ăm kong têa ê, malối cho kơchâi, plâi, pôm pơtối châ tê mơ’no hên. Laga hên ngế tối tiah kố, hlo mâu tơdroăng pơ’lêh dêi kơchơ mơdró lâp plâi tơnêi, mâu khu mơdró kal thế rĕng teăm pêi mâu tơdroăng pơ’lêh đi đo dêi túa pơkâ ‘na mơdró kâ. “Ivá” khu mơdró thế rơdêi mê kơvâ tê mơdró tơmeăm pêi lo ing chiâk deăng nếo krá tơniăn ton. Pó vâi krâ nhŏng o ƀă pú hmâ kô tơmâng.

VOV4.Xơ Đăng - Ƀă túa ki ó rơdêi cheăng kâ, tơmeăm pêi lo ing chiâk deăng Dak Lak rế hía rế vêh mơnhên tơdroăng ki châ ô eăng, ki dâi lĕm khât tơxâng tê mơdró troh lâp lu tung tơnêi têa ƀă tung lâp plâi tơnêi, hơnăm nah, kơxô̆ liăn pêi lo ing chiâk deăng châ 1,6 rơtal dollars Mih. Rêm khu râ, kơvâ cheăng, khu mơdró kâ ƀă kuăn pơlê tung kong pơlê kố dế pơtối thăm mơdêk hên troăng hơlâ mơnhông ki kơnâ dêi tơmeăm pêi lo ing chiâk deăng, mơ’no mâu tơmeăm mê troh a hên kong têa tung lâp plâi tơnêi.

VOV4.Xơ Đăng - Sap ing hâi lơ 3/1, túa pơkâ pơkuâ ngăn, xúa ƀă rak tơdroăng hnê mơhno tơnêi “Buôn Ma Thuột” ƀă kơphế Robusta păng 'nâng châ xêt khât pêi pro.

VOV4.Xơ Đăng – Tung pơla kơvâ cheăng kâ ôm hyô dế ‘mâi mơnhông ƀă mơdêk môi tiah dế nôkố, Chin phuh Việt Nam ngăn nhuô̆m khât tơdroăng mơdêk rơdêi túa tê mơdró “logistics ing troăng tơƀai ăm mơjiâng inâi tíu troh ôm hyô Việt Nam ƀă ngăn ôm hyô ngiât cho troăng mơnhông krá tơniăn. Xua mê, tơdroăng mơdêk tơrŭm tơ’nôm sinh thái pơla mâu khu mơdró kâ – ôm hyô – troăng tơƀai vâ rơtế dêi rơpó mơnhông ngiât ƀă krá tơniăn cho troăng prôk ki kal.

VOV4.Xơ Đăng - Kong pơlê Dak Lak dế kơdo mơ-eăm rak vế, pêi pro mâu hnoăng cheăng xiâm mơjiâng túa cheăng chiâk deăng krá tơniăn, ki dâi khât vâ khŏm pêi châ hên kế tơmeăm ki kơnâ ăm mâu hdrê loăng plâi ki xiâm a kong pơlê kố. Môi tung mâu troăng hơlâ ki dế châ kong pơlê thăm mơdêk mê cho pơhlêh túa cheăng ki tơdjêp pơla kuăn pơlê-khu pơkuâ ngăn cheăng tơrŭm vâ mơjiâng chiâng túa cheăng ki kơnía git ăm kơvâ cheăng chiâk deăng krá tơniăn.

VOV4.Xơ Đăngt - Apoăng khế 12/2024, tơmeăm dêi Ea Tu Café a kong pơlê Dak Lak hiăng hâk nâ châ dó inâi cho tơmeăm ki ô eăng tung 100 túa kế tơmeăm dêi Khu ngăn ‘na pêi cheăng tơrŭm tung lâp tơnêi, châ Khu tơrŭm cheăng Việt Nam diâp Pri Mai An Tiêm roh má môi, pơ-eăng hnoăng cheăng pêi ki rơkê dêi kuăn pơlê. Pri ki kố thăm rế ai kơnía hên tâ drêng Khu ngăn ‘na pêi cheăng tơrŭm chiâk deăng Ea Tu ai lối 90% mơngế cheăng cho hdroâng kuăn ngo Rơđế. Xua mê, tơdroăng ki klâi khoh hiăng chiâng châ blêi chiâng ƀă mơngế pêi cheăng cho hdroâng Rơđế a Ea Tu?

VOV4.Xơ Đăng - Kơxê hâi lơ 27/12, Kăn xiâm hnê ngăn Vi ƀan kuăn pơlê kong pơlê Dak Nông po hôp tơpui tơno ƀă kuăn pơlê hơnăm 2024, ƀă veăng ai lối 200 ngế kuăn pơlê, khu pêi cheăng tơrŭm, tôh pêi cheăng tơrŭm teăng mâ ăm lối 63.000 ngế kuăn pơlê tung kong pơlê.

VOV4.Xơ Đăng - Cho môi tung 10 tơdroăng ki xiâm dêi Festival reăng Đà Lạt hơnăm 2024, a kong viên Trần Quốc Toản, pơlê kong kơdrâm Đà Lạt, Vi ƀan hnê ngăn kong pơlê Lâm Đồng hiăng pơxiâm po kơpong mơđah tơbleăng ƀă pơkâ mơdêk tê mơdró tơmeăm OCOP dêi mâu kơpong.

VOV4 .Xơ Đăng - A kong pơlê Kon Tum tơdroăng mơhnhôk “Mâu lêng hneăng hdrối gum dêi rơpó xăm kơtiê, pêi cheăng kâ rơkê’’ tơbleăng troh lâp lu hên kơvâ cheăng: pêi chiâk deăng, păn mơnăn mơnuâ, tê mơdró kâ, uâ pơliê kế tơmeăm pê lo ing chiâk deăng gum mâu lêng hneăng hdrối mơnhông tơdroăng rêh ối ƀă veăng gum dêi rơpó tung khu ki ôi kơtiê xơpá mơ-eăm mơnhông vâ hluăn kơtiê krá tơniăn.