Tơpui tơno tơ’mot hên mâu rơkê, khu mơdró, khu pêi cheăng tơrŭm ƀă kuăn pơlê lo ing mâu kong pơlê Dak Lak, Gia Lai ƀă Lâm Đồng veănbg hôp. A rôh hôp, mâu kăn ối tơpui ‘na kih thuât pêt, xúa ki rơkê tung pêi chiâk, ƀă tơdroăng tăng ăm mah kơxô̆ kơpong pêt pêi lo tê ăm kong têa ê. Mâu tơdroăng kơ-êng, tơdroăng tô tuăn dêi kuăn pơlê cho xiâm ki kal vâ kơvâ mơhnhôk pêi chiâk pơtối pêi klêi hnoăng cheăng  troăng hơlâ pêi tung la ngiâ.

Tiô troăng hơlâ mơnhông troh hơnăm 2030, tơdroăng mơhnhôk pêi chiâk tung lâp tơnêi têa kô tơkŭm a 7 khu tơdroăng cheăng ki kal, tung mê pêi hdrối pơ’lêh kơxô̆, monhông pêi chiâk ngiât, hnê kuăn pơlê pêi cheăng rơkê tâ ƀă po rơdâ tơrŭm cheăng pơla tơnêi têa - kuăn pơlê, veăng pê klêi pơkâ “ Pêi chiâk deăng nhâ loăng kuăn kiâ - thôn pơlê tiô túa nếo - kuăn pơlê rơkê plĕng’’ a kơpong Tây Nguyên.