VOV4.Xơ Đăng - A kong pơlê Dak Lak, klêi kơ’nâi tơdroăng ki hbru ăm mah kơxô̆ kơpong pêt, mah kơxô̆ tíu ki tâ tung kơthung, châ tơbleăng a lâp lu a kong pơlê Dak Lak, hiăng ai lối rơpâu tâ̆n krui kơxái, plâi rơkuâ chí, pôm ló ƀă dâng 300 rơpâu tâ̆n sầu riêng a kong pơlê châ tê tiô troăng tê ki xiâm, pro pơxúa kơxô̆ liăn pêi lo. Tơdroăng ki tơdrăng tê tơmeăm ngi kong têa ê, ki dâi lĕm dêi kế tơmeăm pêi lo ing chiâk deăng a mâu kơpong pêt ƀă tí ki tâ tung kơthung châ hbru ăm mah kơxô̆ a Dak Lak hiăng mơnhên châ ki kơnía pơxúa ƀă tơniăn.

VOV4.Xơ Đăng - Kơxo hâi lơ 13/12, Vi ƀan tơring Tu Mrông, kong pơlê Kon Tum pơxiâm tơbleăng pêt 12 rơpâu loăng pơkeăng kong Ngọc Linh ki  nếo 1 hơnăm pa kơdâm kong kân. Kơxô̆ hdrê pơkeăng kong kố xua Ngế pro xiâm hnê ngăn Chin phuh Phạm Minh Chính ăm rơpŏng kơtiê dêi tơring tung rôh lăm pêi cheăng a tơring kố khế 8/2023.

VOV4.Xơ Đăng - A pơlê kong kơdrâm Ƀuôn Ma Thuột, Ƀơrô xing xoăng tơdroăng cheăng mơjiâng thôn pơlê nếo kong pơlê Dak Lak tơkŭm po lâm hriâm, hnê Tơdroăng rêm cheăm môi tơmeăm OCOP hơnăm 2023 ăm 150 ngế ki hriâm cho teăng mâ khu mơdró, Khu pêi cheăng, troăng rơhlâ ƀă rơpŏng pêi chiâk tung kong pơlê.

VOV4.Xơ Đăng - Khu nâp hnoăng liăn mơhá kong pơlê Dak Lak tơkŭm po rôh hôp tơpui tơno khu mơdró kâ ‘na troăng hơlâ, hlá mơ-éa chêh pro nâp hnoăng liăn mơhá rôh má II hơnăm 2023 vâ tối ƀă troăng tiâ mơnhên tŏng kum mâu tơdroăng ki xơpá ăm khu mơdró kâ.

VOV4.Xơ Đăng - Tung pơla hdrối nah, tơring Lạc Dương, kong pơlê Lâm Đồng hiăng tơmâng khât tơdroăng mơnhông pêt mâu hdrê loăng ki ai pơxúa tê lo liăn, tơ’lêi pêt a tơring kong pơlê, xúa kih thuât tung pêt rak ngăn vâ châ tơƀrê ăm kuăn pơlê tung cheăng kâ. Tung mê vâ tối cho túa tơrŭm cheăng tung pêt mâu hdrê nhâ loăng pơkeăng. Hdrối nah, loăng atiso ing tíu châ kuăn pơlê tung tơring pêt iâ tê, troh nôkố, tơnêi pêt atiso hiăng tâk 50 ha. Tơkŭm hên pêt a mâu cheăm Dà Nhim, Dà Sar, Dà Chais, Lát. Nôkố, lâp tung tơring hiăng ai vâ chê 100 rơpŏng veăng pêt ƀă tê atiso, pro pơxúa pê lo liăn hên ăm kuăn pơlê a pơlê cheăm.

VOV4.Xơ Đăng -  Cheăm Khuê Ngọc Điền, tơring Krông Bông, kong pơlê Dak Lak cho kơpong thông. Pêi lo liăn dêi kuăn pơlê ki hên sap ing pêt báu ƀă mâu prá alâi, ôh tá dâi lĕm, tơdroăng rêh ối kuăn pơlê ôh tá tơniăn. Laga ƀă ivá khŏm mơ-eăm hơ’lêh mâu hdrê pêt mơnăn păn, xúa ki rơkê plĕng dêi khoa hok kih thuât tung pêt kế tơmeăm, to lâi hơnăm vêh ngi kố, tơdroăng rêh ối vâi krâ nhŏng o hiăng hơ’lêh. Môi tung mâu hdrê pêt ki châ vâi krâ nhŏng o rah xo vâ teăng ăm báu cho alâi ngeăm, ki hên cho hdrê roê xo ing kong têa Mih.

VOV4.Xơ Đăng - Hneăng hôp tơpui tơno tơdjêp mơjiâng tơmeăm ƀă tê tơmeăm pêi lo ing chiâk deăng Dak Nông 2023 hiăng châ tơkŭm po kơxo lơ 5/12, a pơlê kong kơdrâm Gia Nghĩa.

VOV4.Xơ Đăng - Kơxo hâi lơ 4/12, Tíu xiâm tí tăng ‘nâi plĕng alâi tơkŭm po hôp mơgêi túa pêi cheăng tung tơdroăng “Mơjiâng ƀă pê klêi tơdroăng cheăng pêt alâi tiô túa nếo ‘na cheăng kâ ki hơ’lêh’’ a Dak Lak.

VOV4.Xơ Đăng - Hơnăm 2013 Vi ƀan hnê ngăn kong pơlê Kon Tum pơkâ tơbleăng pêi pro tơdroăng pơkâ tŏng kum pêt kơphế tíu hngíu Arabica a 3 tơring dêi kong pơlê mê cho: Đăk Glei, Tu Mrông ƀă Kon Plông. Túa pơkâ kố hiăng hlo tơƀrê khât.Pó vâi krâ nhŏng o kô tơmâng.

VOV4.Xơ Đăng - Túa pơkâ hnê mơhnhôk pêi chiâk pơlê pơla pêt kơphế krá ton châ tơbleăng a 5 to kong pơlê kơpong Tây Nguyên ƀă hên mâu tơdroăng cheăng pêi tơtro ƀă pêt.Tơdroăng kố kum mâu khu hnê mơhnhôk pêi chiâk pơlê pơla hiăng pêi pro tro hnoăng cheăng cho kông tơdjêp, tŏng kum tá kuăn pơlê pêi chiâk ƀă khu mơdró kâ rơtế mơjiâng lo kế tơmeăm kơphế tơniăn tiô pơkâ, mơdêk ki kơnía dêi kơvâ cheăng.