
Tơbleăng mê ing Khu xiâm hnê hriâm păn mơnăn mơnôa kong pơlê Dak Lak ăm hlo, nôkố pơreăng tâ tú ối rơ-iô ƀă pá vâ ’nâi. Kơpong peăng mâ hâi Lo kong pơlê (cho kong pơlê Phú Yên ton nah) pơtối tơmâng xo mâu tíu tâ pơreăng châi klêa chu Châu Phi, khŏm pơklât khu râ pơkuâ cheăng ƀă kuăn pơlê thế prâu tah chu ki tâ pơreăng, ôh tá ăm châ tâ tú.

Tung 6 khế apoăng hơnăm, tung kong pơlê hiăng ai 6 ngê hlâ tro chó kâ, ăm hlo tơ’lêi tâ tú pơreăng rơxok. Jâ Đặng Thị Thủy, Phŏ pơkuâ ngăn pêi chiâk ƀă Hyôh kong prâi kong pơlê Dak Lak ăm ‘nâi: Tơdrêng ƀă tơdroăng mơdêk pâk mơdât pơreăng, xôh pơkeăng kơdê pơreăng, kơvâ cheăng kong pơlê xuân séa ngăn kơtăng rơxế chơ djâ, tíu pôh, siê, ko hơ’nêh, tê mơdró hơ’nêh chu, í. Pakĭng mê, hnê mâu rơpŏng ki păn thế păn tơniăn sinh hok, mơgrúa kơdroăng păn, rĕng châ ‘nâi prâu tah ƀă xôh pơkeăng tíu tâ tú.
Viết bình luận