Kơxê lơ 27/7, a Điện Biên, pôa Tô Lâm, Kăn xiâm pơkuâ hnê ngăn Đảng pơkuâ roh pêi cheăng ƀă Khu pơkuâ Đảng ƀô̆ kong pơlê ‘na tơdroăng pêi pro mâu Tơdroăng pơkâ, Mơgêi dêi Tơnêi têa, ki xiâm cho tơdroăng tơkŭm po Hneăng hôp Đảng mâu râ ƀă rah xo bro lế lĕm tro khu pêi cheăng tơnêi, tíu pêi cheăng tơnêi têa.

Kăn xiâm pơkuâ hnê ngăn Đảng kheăn kơdeăn hiâm mơno pôu râng hnoăng cheăng, pơhlêh nếo ƀă pleăng hnoăng cheăng dêi tâi tâng Đảng ƀô̆, khu râ kăn pơkuâ, khu mô đô̆i, khu tê mơdró ƀă kuăn pơlê mâu hdroâng kuăn ngo kong pơlê. Ki má lối cho kơlo tơtêk GRDP vâ chê 9%/hơnăm ƀă mơhnhôk lối 95.000 rơtal liăn kơxô̆ liăn mơ’no pơlê pơla.

Pôa Tô Lâm, Kăn xiâm pơkuâ hnê ngăn Đảng pơkâ thế tung la ngiâ, kong pơlê Điện Biên kal pơkâ tơdroăng vêh po pêi cheăng tiô troăng khu râ kăn pơkuâ péa râ cho hnoăng cheăng kal kí ki xiâm; kal mơnhên i nhên tơdroăng kal rah xo bro lế lĕm tro ôh tá xê to pơtê a tơkŭm po mê thế tiô tơdroăng rah xo pro lế lĕm tro laga thế kơdroh hnoăng ki phá tơ-ê, kơdroh tíu ko laga mơdêk châ tơƀrê tung pêi cheăng, tah lôi mâu tơdroăng cheăng tung dế ôh tá kal khât, tơdrêng amê hlối pôu râng hnoăng cheăng krê, pơkuâ hnoăng cheăng.