Klêi tơ’mot, kong pơlê Gia Lai dế trâm pá hên tung tơdroăng rơchôa têa, drêng ai têa hên la ki tơƀrê ‘na xúa têa ôh tá ai tiô púi vâ. Tiô Khu kăn pơkuâ hnê ngăn Đảng Gia Lai, bú to tung kong pơlê Bình Định ton nah ai rơchôa tơdâng, kô ai têa vâ tôh ăm 95% ƀăng klâng deăng pêt báu loăng plâi. A kong pơlê  Gia Lai ton, mơhé ai hlâu hên ‘na pêi chiâk deăng - loăng kong, la bú ai têa tôh dâng 68.000 ha tê, tơ’mô dâng 14% ƀăng tơnêi.

Khu kăn pơkuâ hnê ngăn Đảng Gia Lai tối, tơdroăng rĕng tah ki pá ‘na têa tôh cho tơdroăng ki xiâm vâ mơnhông pêi chiâk, Kơvâ pêi chiâk kal rĕng tăng ‘nâi  troăng hơlâ vâ ‘no liăn kâng rơchôa, tâng kơxô̆ liăn tung tơnêi têa ôh tá tŭm mê kô chiâng vâ mung liăn ODA vâ ’no mơjiâng pro.