Hneăng hôp vâ tí tăng ngăn tâi tâng ‘na pêi pro mơjiâng pro, teăm tah tơvâ tơvân, malối a mâu troăng ki tơkâ luâ kong pơlê, tơniăn mơjiâng pro tơdjuôm dêi tơdroăng tơkêa bro. Troăng kân mê xŏn dâng 125km, klâ 3 tơdroăng tơkêa bro, yâu ăm 4 toăng rơxế tơluâ, tâi tâng kơxô̆ liăn ‘no lối 43.700 rơtal liăn.

Kong pơlê Gia Lai tiô tối hdrối kô xoăng 7 tíu pro pơlê nếo ăm 122 rơpŏng ki tro tơdjâk tơdrêng tung kơxô̆ lối 1.000 rơpŏng thế xĕn ối tíu ê. Mâu kong pơlê hiăng pê klêi pơkâ, mơjiâng pro hồ sơ ‘no liăn mơjiâng pro kơpong pơlê nếo, kơnôm lăm ngăn, kĭ vâ mơjiâng pro a hơnăm la ngiâ. Tiô tối hdrối sap hâi lơ 30/7, kong pơlê pơkâ tâp tơniăn hdró tơbăng pă gong tơnêi tơníu, pro xiâm vâ po ngăn mâu tơdroăng chêh chêl thiăn, kơjo kum, ‘mâi pro pơlê nếo.