VOV4.Xơ Đăng - Kong mêi kân tơdjâk tung ƀăng klâng kân rơdâ pơtối hên hâi hiăng hluâ pro hrĭng hectar báu a tơring Lak, kong pơlê Dak Lak lân lu tung têa, tơ’lêi lŭp tâi tâng.

VOV4.Xơ Đăng - Di Linh cho tơring ai ki hên kuăn pơlê cho hdroâng kuăn ngo K’Ho dêi kong pơlê Lâm Đồng. Mâu hơnăm hiăng hluâ, rơtế ƀă tơdroăng pêi cheăng mơjiâng đảng viên, Đảng ƀô̆ tơring Di Linh ối tơtrŏng mơnhông hnoăng djâ troăng ahdrối, prôk hdrối dêi đảng viên mơngế hdroâng kuăn ngo tung mơnhông cheăng kâ ƀă tơdroăng rêh ối. Kơnôm mê, ngiâ méa dêi hên pơlê hiăng ai tơdroăng pơhlêh nhên, chôa ‘lâng tơkâ hluâ pá puât, mơ-eăm mơjiâng tơdroăng rêh ối phâi hơtô, hơniâp lĕm.

VOV4.Xơ Đăng - Dế nôkố, hên kơpong, chiâk deăng pêt plâi sầu riêng a Dak Lak hiăng pơxiâm krí dêi plâi tung rơnó hơnăm 2024. Rơtế ƀă thăm mơdêk pơkuâ ngăn ‘na gak ngăn tơniăn, hên tơring, cheăm tung kong pơlê dế tơkŭm pơkuâ ngăn dâi lĕm dêi plâi, ‘nâi nhên inâi dêi sầu riêng ki tơná mơdâ pêt, rak ngăn.

VOV4.Xơ Đăng - Tơdrốu khế apoăng hơnăm kố, kong pơlê Dak Lak châ kơlo tơtêk cheăng kâ 4,13%, tá hâi môi tiah pói tơngah mơnhông tơmeăm ki ai hlâu rơdêi dêi kong pơlê.

VOV4.Xơ Đăng - Kong ngo Si Pa Phìn, cheăm Si Pa Phìn, tơring Nậm Pồ, kong pơlê Điện Biên cho tíu ki nếo pro pơlê nếo tung hneăng ăm pơlê lăm rêh ối nếo vâ mơjiâng Hngêi kơmăi on tơhrrik Sơn La. Ing tơnêi tíu ki khăng khoăng, tơdroăng rêh kâ ối xahpá, kuăn pơlê tăng phái kâ rêm hâi, troh nokố, kơnôm ai tơdroăng ki khŏm mơ-eăm dêi khu pơkuâ ngăn ƀă kuăn pơlê, mê kong ngo Si Pa Phìn hiăng pơhlêh dêi tơná chiâng kơpong ki pêt kơchâi drêh, pói tơngah kô mơnhông pêi cheăng kâ, tơdroăng rêh kâ ối kuăn pơlê châ tơtêk krá tơniăn.

VOV4.Xơ Đăng - Pôa Ksor Phiếu, hdroâng kuăn ngo Jarai cho kăn pơkuâ ngăn thôn Blo Dung, cheăm Ia Hrung, tơring Ia Grai, kong pơlê Gia Lai. Mơhé nếo 42 hơnăm laga pôa đi đo châ kuăn pơlê tung pơlê nhuô̆m, loi tơngah. Tâi tâng rêm ngế tung pơlê pơrá tối: Thế tơmâng tiô rơkong pôa Ksor Phiếu tơpui tối, pêi tiô troăng pôa pêi mê tơdroăng rêh ối dêi rơpŏng kô pơhlêh lĕm tâ.

VOV4.Xơ Đăng - A Dak Lak dế ai tơdroăng ki kuăn pơlê djâ dêi rơpó ko ‘nhiê lôi mâu hdrê loăng ki ton hơnăm vâ pơhlêh pêt plâi sầu riêng ƀă tơdroăng pói rơhêng vâ châ xo liăn hên. Tơdroăng ki mơnhông pêt hên plâi sâù riêng kố dế ai hên tơdroăng ki xía vâ kân, tí xê to ƀă kuăn pơlê ki pêt mê ối  tơ’lêi pá puât ăm khu ki tê mơdró plâi sầu riêng. Hương Lý, Ngế chêh hlá tơbeăng cheăng a Kơpong Tây Nguyên ai chêh tối ‘na tơdroăng mê.

VOV4.Xơ Đăng - Kong pơlê Dak Lak dế hbrâ ăm rơnó krí plâi sầu riêng hơnăm 2024. Tơdrêng bă tơdroăng ki séa mơnhên ngăn tơdroăng pơkuâ ngăn ki dâi lĕm, hnoăng cheăng kring vế tơniăn a mâu kơpong chiâk deăng, tê mơdró plâi sầu riêng, dế pơla kố, kong pơlê dế pêi pro kơhnâ khât.

VOV4.Xơ Đăng - Ƀơrô ngăn Chiâk deăng ƀă Mơnhông thôn pơlê tơring Čư̆ Mgar, kong pơlê Dak Lak dế tơrŭm ƀă mâu tíu cheăng riân ngăn loăng plâi sầu riêng dêi kuăn pơlê tro tơđôu klêi kơ’nâi khía jâ kơdo pêi a kơxê hâi lơ 6/7 ƀă tăng troăng tŏng kum.

VOV4.Xơ Đăng - Tung 6 khế apoăng hơnăm, pêi chiâk deăng Dak Lak ai hên tơdroăng ki tơ’lêi hlâu, yă tê tơmeăm pêi lo ing chiâk deăng môi tiah kơphế, tiu, sầu riêng to kơnâ, veăng gum bro tơniăn ăm tơdroăng rêh ối cheăng kâ tung lâp pơlê pơla kong pơlê.