VOV4.Xơ Đăng - Tung rôh po tơdroăng Hâk tơngăm kuăn pơlê pêi chiâk Việt Nam 2024, kơxo lơ 14/10 a Hà Nội, Tíu xiâm ngăn kuăn pơlê pêi chiâk Việt Nam tơrŭm ƀă Khu xiâm ngăn chiâk deăng ƀă Mơnhông thôn pơlê tơkŭm po Rôh hôp Kuăn pơlê pêi chiâk Tơnêi têa rôh má 9 hơnăm 2024.

VOV4.Xơ Đăng - Tung rôh po hôp Hâk tơngăm Kuăn pơlê ki pêi chiâk Việt Nam 2024, kơxê  hâi lơ 13/10 a Hà Nội, Tíu xiâm Khu ngăn kuăn pơlê Việt Nam  tơkŭm po trâm mâ 126 ngế kuăn pơlê pêi chiâk kơhnâ rơkê ƀă Khu pêi cheăng tơrŭm kơhnâ rơkê hơnăm 2024 a 63 to kong pơlê, pơlê kong kân tung lâp tơnêi têa.

VOV4.Xơ Đăng - Kơxo lơ 9/10, kăn pêi cheăng tung Chin phuh xua pôa Nguyễn Văn Hùng, Ngế xiâm pơkuâ Khôi túa lĕm tro Tơ’noăng ivá ƀă Ôm hyô pơkuâ hiăng ai roh pêi cheăng mơ’no tơdrêng tung um tiô troăng hyôh măng ƀă 3 kong pơlê Dak Lak, Dak Nông, Lâm Đồng.

VOV4.Xơ Đăng - Vêh mơnhên tối pơhlêh kơxô̆ cho “khuă” ki vâ thăm pro mơdêk ăm kơpong pêi cheăng kâ tơdjuôm mơnhông ƀă krá tơniăn, pơla hdrối mê hía nah, mâu Khu pêi cheăng tơrŭm a kong pơlê Dak Lak hiăng kơhnâ khât tung xúa kong ngê̆ ‘mot tung pêi chiâk pêi deăng, mơdró kâ vâ thăm mơdêk ki xiâm ƀă mơdêk tơdroăng ki tơbriât châ tê mơ’no kế tơmeăm a kơchơ.

VOV4.Xơ Đăng - Kơxo lơ 9/10, a Tíu pêi cheăng Chin phuh, pôa Trần Hồng Hà, Ngế pro xiâm phŏ hnê ngăn tơnêi têa tơdah pôa Shingo Ueno, Kăn hnê ngăn hlối cho Kăn pơkuâ Grup pơkuâ Sumitomo (kong têa Nhuk).

VOV4.Xơ Đăng - Pêi pro troh koh hâk tơbâ 94 hơnăm hâi mơjiâng Khu ngăn vâi kơdrâi Việt Nam ƀă Hâi Vâi kơdrâi Việt Nam lơ 20/10, hâi lơ 8/10, a pơlê kong kơdrâm Kon Tum, Khu ngăn vâi kơdrâi kong pơlê Kon Tum tơkŭm po Hâi vâi kơdrâi pơxiâm tăng tơdroăng cheăng pêi ƀă mơgêi Rôh tơ’noăng vâi kơdrâi pơxiâm pêi cheăng hơnăm 2024 ƀă inâi “Vâi kơdrâi Kon Tum mơjiâng tơdroăng ki ai hlâu a pơlê cheăm dêi tơná ƀă pơhlêh ngiât”.

VOV4.Xơ Đăng - Riên troh tâi khế 9, xo hnoăng liăn ngân dêi kong pơlê Dak Lak hiăng châ 90% tinh hdrối liăn ngân 2024, tâk 12% tâng pơchông ƀă roh kố hơnăm hdrối.

VOV4.Xơ Đăng - Kong pơlê Kon Tum ai lối 443km troăng tơkăng kong ƀă 3 kong pơlê Quảng Nam, Quảng Ngãi ƀă Gia Lai. Ai lối 600.000 ha kong, ki xâp rơngiâp dêi kong mê châ lối 63%, hên má môi a kơpong Tây Nguyên, kong Kon Tum ki hên cho kơpong kong tơkăng ƀă mâu kong pơlê ki ê, hên hdrê loăng, kuăn kiâ ki preăng ai. Kong pơlê xuân thăm mơdêk tơdroăng cheăng ƀă mâu khu râ, khu pơkuâ mâu kong pơlê vâ pơtối châ rak vế ki xâp rơngiâp dêi kong.

VOV4.Xơ Đăng - Klêi kơ’nâi to lâi hơnăm rế hiá rế kơdroh loăng pơlái tung kong kế, mê tơdroăng ki vâ mơnhông pêt kong a kong pơlê Dak Lak tối krê ƀă Tây Nguyên tối tơdjuôm cho tơdroăng ki kal athế pêi pro adrêng. Tơdroăng pơkâ 23 hơnăm 2022 dêi Khu xiâm ngăn cheăng kal kí hiăng pơkâ xiâm mâu hnoăng cheăng ki nhên ăm mâu kong pơlê a Tây Nguyên tung hnoăng cheăng ki kố. Maluâ ti mê, tơdroăng ki ‘mâi mơnhông, pêt kong tung kơpong kố xuân ối trâm hên xahpá, kong pơlê Dak Lak dế kơdo mơ-eăm ‘no ‘na kuăn mơngế, liăn ngân, kế tơmeăm vâ pêi pro ‘na tơdroăng cheăng.

VOV4.Xơ Đăng - Hâi lơ 27/9, a Tíu xiâm po Hôp kong pơlê Hậu Giang, Khu tơrŭm mâu tơdroăng pêi cheăng tơrŭm kong pơlê Hậu Giang ƀă Khu tơrŭm mâu tơdroăng pêi cheăng tơrŭm kong pơlê Dak Lak tơkŭm po Rôh hôp tơdjêp tê mơdró, tơrŭm pêt mơjiâng pro, tê mơdró kế tơmeăm dêi khu pêi cheăng tơrŭm a 2 to kong pơlê.