Tiô tối tơbleăng dêi kuăn pơlê tung kơpong tíu tôh tơmeăm cho rơchôa Tà Cang, nếo mot tung rơnó tôu mơdrăng rơchoâ têa ki kố hiăng xiâ xua ôh tá ai kơbố pơkuâ ngăn hrik xúa tro pơkâ. Kong tôu mơdrăng ôh ti xê to pro kuăn pơlê thôn 4, cheăm Diên Bình, tơring Đăk Tô, kong pơlê Kon Tum ôh tá ai têa tôh ăm hdrê pêt mê ối pro trâm hên tơdroăng tung hnoăng cheăng pơkuâ ngăn ƀă pơkâ thế pêt mâu hdrê loăng a rơchoâ têa ki kố.

Ki nhên, tiô kơchuâ chêh rơchoâ kố kô bê tôh ăm lối 30 ha hdrê pêt la nôkố dế tro mơ-eăm vâ tôh ăm lối hrĭng ha. Hiăng tiah mê, klêi kơ’nâi lối chât hơnăm xúa, rơchoâ ki kố tá hâi châ ‘mêng rơnêu. Rơtế amê nếo tíu pêi cheăng ki mơ’no ngăn rơchoâ long têa Tà Cang cho Kŏng ti pêi cheăng tiô rơnó môi tung khu pơkuâ ngăn rơchoâ long têa Kon Tum la tơdroăng ki ‘mêng rơnêu, tơdroăng ki pôu râng cho Khu ngăn chiâk deăng ƀă Hyôh kong prâi dêi kong pơlê Kon Tum.