Tơ’nôm môi tơring a Dak Lak tơbleăng inâi sầu riêng pú hên
Thứ năm, 11:04, 24/04/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Hâi lơ 23/4, tơring Krông Ƀuk, kong pơlê Dak Lak tơbleăng inâi khu pú hên “Sầu riêng Krông Ƀuk”, xua Khu xiâm ngăn tuăn ngoâ rơkê (Khu xiâm ngăn khoa hok ƀă kong ngê̆) diâp ăm.
Mơnhên rak vế inâi khu pú hên “sầu riêng Krông Ƀuk” châ xêt khât tung pơla 10 hơnăm. Kố cho tơdroăng dêi luât pro ivá vâ tơring pơtối mơnhông inâi ƀă mơdêk ki kơnía dêi plâi sầu riêng dêi tơring. Dak Lak hiăng mơnhên 7 kơpong pêt sầu riêng. Krông Ƀuk cho tíu pêi cheăng má 4 mơjiâng inâi sầu riêng khu pú hên.
Mê xuân cho ivá vâ pơkâ tơmiât tung la ngiâ Dak Lak kô mơjiâng inâi sầu riêng Dak Lak a kơchơ tê mơdró. Pakĭng Krông Ƀuk, 3 tơring ki ê a Dak Lak xúa inâi sầu riêng khu pú hên cho Krông Păč, Čư̆ Mgar ƀă Krông Năng. Pôa Hồ Kiên Cường, Kăn hnê ngăn Vi ƀan tơring Krông Ƀuk, kong pơlê Dak Lak ăm ‘nâi: Tơdroăng ki mơnhên inâi kô veăng gum ăm tơdroăng mơdêk hnoăng cheăng pôu râng dêi ngế ki pêt pêi châ tiô tơdroăng púi vâ dêi kơchơ tê mơdró.
Viết bình luận